ಕಾರು ವಿಮೆ ಸ್ಥಿತಿಯನ್ನು ಪರಿಶೀಲಿಸುವುದು ಕಾನೂನುಬದ್ಧ ಅವಶ್ಯಕತೆಯಾಗಿದೆ ಮತ್ತು ಆರ್ಥಿಕ ರಕ್ಷಣೆಯನ್ನು ಒದಗಿಸುತ್ತದೆ. ಪರಿವಾಹನ ಪೋರ್ಟಲ್ ಅಥವಾ ಮೋಟಾರು ವಿಮೆ ಅಪ್ಲಿಕೇಶನ್ಗಳ ಮೂಲಕ ಸುಲಭವಾಗಿ ಪರಿಶೀಲಿಸಬಹುದು.
ಕಾರು ವಿಮೆಯನ್ನು ಕಾಯ್ದುಕೊಳ್ಳುವುದು ಭಾರತದಲ್ಲಿ ಎಲ್ಲಾ ವಾಹನ ಮಾಲೀಕರಿಗೆ ಮೂಲಭೂತ ಅವಶ್ಯಕತೆಯಾಗಿದೆ. ಇದು ಅಪಘಾಚ,ಕಳ್ಳತನ ಅಥವಾ ಯಾವುದೇ ರೀತಿ ವಾಹನಕ್ಕೆ ಆಗುವ ಹಾನಿಯಿಂದ ಮಾಲೀಕರನ್ನು ಆರ್ಥಿಕವಾಗಿ ಸಂಕಷ್ಟಕ್ಕೆ ತಳ್ಳುವುದನ್ನು ತಪ್ಪಿಸುತ್ತದೆ. ಡಿಜಿಟಲೀಕರಣದಿಂದ ಇದೀಗ ನಿಮ್ಮ ಕಾರು ವಿಮೆ ಸ್ಥಿತಿಗತಿ, ವಿಮೆಯ ಮಾಹಿತಿಗಳನ್ನು ಪರಿಶೀಲಿಸುವುದು ಸುಲಭದ ಕೆಲಸ. ಈ ಪೈಕಿ ಸುಲಭದ ಮೊದಲ ರಾರಿ ಪರಿವಾಹನ ಪೋರ್ಟಲ್ ಬಳಕೆ. ಇದು ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯದ ಅಧಿಕೃತ ಪೋರ್ಟಲ್ ಆಗಿದೆ. ಈ ಲೇಖನವು ನಿಮ್ಮ ಕಾರು ವಿಮೆ ಸ್ಥಿತಿಯನ್ನು ಪರಿವಾಹನ ಪೋರ್ಟಲ್ನಲ್ಲಿ ಹೇಗೆ ಪರಿಶೀಲಿಸುವುದು ತಿಳಿಸಲಿದೆ. ಜೊತೆಗೆ ಮೋಟರ್ ಇನ್ಯೂರೆನ್ಸ್ ಅಪ್ಲಿಕೇಶನ್ ಈ ಕಾರ್ಯವನ್ನು ಇನ್ನಷ್ಟು ಸರಳಗೊಳಿಸಲು ಹೇಗೆ ಸಹಾಯ ಮಾಡುತ್ತದೆ ಅನ್ನೋ ಮಾರದರ್ಶನ ಮಾಡಲಿದೆ.
ನಿಮ್ಮ ಕಾರು ವಿಮೆಯನ್ನು ವೆರಿಫಿಕೇಶನ್ ಮಾಡುವು ಅಗತ್ಯವೇನಿದೆ?
ಕಾರು ವಿಮೆ ವೆರಿಫಿಕೇಶನ್ ಪ್ರಕ್ರಿಯೆಗೆ ತಿಳಿದುಕೊಳ್ಳುವ ಮೊದಲು, ಕಾರು ವಿಮೆಯ ಪರಿಶೀಲನೆ ಯಾಕೆ ಮುಖ್ಯ ಅನ್ನೋದು ತಿಳಿದುಕೊಳ್ಳುವುದು ಅತ್ಯವಶ್ಯಕವಾಗಿದೆ. ಪ್ರಮುಖವಾಗಿ ನಿಮ್ಮಲ್ಲಿ ಕಾನೂನು ಬದ್ಧ ವಾಹನ ವಿಮೆ ಇಲ್ಲದೆ ವಾಹನ ಚಲಾಯಿಸುವುದು ಮೋಟಾರು ವಾಹನ ಕಾಯ್ದೆ ಪ್ರಕಾರ ನಿಯಮ ಉಲ್ಲಂಘನೆಯಾಗಿದೆ. ಮೋಟಾರು ವಾಹನ ಕಾಯ್ದೆ ಪ್ರಕಾರ ಪ್ರತಿ ವಾಹನ ಮಾಲೀಕರಿಗೆ ಕನಿಷ್ಠ ಥರ್ಡ್ ಪಾರ್ಟಿ ವಿಮೆ ಇರಲೇಬೇಕು. ಆದರೆ ವಿಮೆ ಮಾಡಿಸದಿದ್ದರೆ, ನವೀಕರಿಸದಿದ್ದರೆ ದುಬಾರಿ ದಂಡ, ಕಾನೂನಿನಡಿಯಲ್ಲಿ ಶಿಕ್ಷೆ ಹಾಗೂ ಕೆಲ ಪ್ರಕರಣದಲ್ಲಿ ಜೈಲು ಶಿಕ್ಷೆಗೂ ಗುರಿಯಾಗಬಹುದು.
ನಿಮ್ಮ ವಿಮೆಯ ಸ್ಥಿತಿಯನ್ನು ತಿಳಿದುಕೊಳ್ಳುವು ಅಗತ್ಯದಲ್ಲಿ ಮತ್ತೊಂದು ಪ್ರಮುಖ ವಿಚಾರ ಎಂದರೆ, ಕೆಲವು ಬಾರಿ ನಿಮ್ಮ ವಿಮೆ ಅವಧಿ ಮುಗಿದಿರುವ ಬಗ್ಗೆ ಮರೆತು ಹೋಗಿರುವ ಸಾಧ್ಯತೆ ಇದೆ. ಹೀಗಾಗಿ ಅವಧಿ ಮುಗಿದ ವಿಮೆಯೊಂದಿಗೆ ಪ್ರಯಾಣ ಮಾಡುವುದು ನಿಯಮ ಉಲ್ಲಂಘನೆಯಾಗಿದೆ. ಹೀಗಾಗಿ ಪರಿಶೀಲನೆ ಈ ಸಮಸ್ಯೆಗೆ ಮುಕ್ತಿ ನೀಡಲಿದೆ. ಇಷ್ಟೇ ಅಲ್ಲ ದಾಖಲಿಸುವಾಗ ತಪ್ಪು ಮಾಹಿತಿ, ತಪ್ಪು ದಿನಾಂಕಗಳು, ಹೆಸರು, ವಿಳಾಸ, ಸಂಖ್ಯೆಯಲ್ಲೂ ತಪ್ಪಾಗಿರುವ ಸಾಧ್ಯತೆಗಳಿವೆ. ಇದನ್ನು ತಪ್ಪಿಸಲು ಪರಿಶೀಲನೆ ಸಹಾಯ ಮಾಡಲಿದೆ. ಇದೆಲ್ಲಕ್ಕಿಂತ ಮುಖ್ಯವಾಗಿ ದುರಂತ ಸಮಯದಲ್ಲಿ ಆರ್ಥಿಕ ಪ್ರಯೋಜನ ಪಡೆಯಲು ನೆರವಾಗಲಿದೆ.
ಪರಿವಾಹನ ಪೋರ್ಟಲ್ನಲ್ಲಿ ವಿಮೆ ಸ್ಥಿಗತಿ ಪರಿಶೀಲಿಸಲು ಹಂತಹಂತದ ಮಾರ್ಗಸೂಚಿ
ಪರಿವಾಹನ ಪೋರ್ಟಲ್ ನಿಮಗೆ ವಿಮೆಯ ಸಮಗ್ರ ಸೇವೆಯನ್ನು ಆನ್ಲೈನ್ ಮೂಲಕ ಒದಗಿಸುತ್ತದೆ. ಇದರಲ್ಲಿಯೂ ನಿಮ್ಮ ವಾಹನದ ವಿಮೆ ಸ್ಥಿತಿಯನ್ನು ಪರಿಶೀಲಿಸುವ ಸೇವೆಗಳನ್ನು ಒಳಗೊಂಡಿದೆ. ಈ ಹಂತಗಳನ್ನು ಅನುಸರಿಸಿ ನಿಮ್ಮ ಕಾರು ವಿಮೆಯನ್ನು ಪರಿಶೀಲಿಸಿ:
ಹಂತ 1: ಪರಿವಾಹನ ಸೇವಾ ಪೋರ್ಟಲ್ಗೆ ಪ್ರವೇಶಿಸಿ
ಆಧಿಕೃತ ಪರಿವಾಹನ ಸೇವಾ ಪೋರ್ಟಲ್ಗೆ ಭೇಟಿ ನೀಡಿ. ಹೋಮ್ಪೇಜ್ನಲ್ಲಿ ವಿವಿಧ ವಾಹನ ಮತ್ತು ಚಾಲನಾ ಪರವಾನಗಿ ಸೇವೆಗಳ ಉಚಿತ ಮಾರ್ಗಸೂಚಿ ದೊರೆಯುತ್ತದೆ.
ಹಂತ 2: 'ವಾಹನ ಸಂಬಂಧಿತ ಸೇವೆಗಳು'
ಪೋರ್ಟಲ್ ಕ್ಲಿಕ್ ಮಾಡಿದರೆ ಹೋಮ್ಪೇಜ್ನಲ್ಲಿ ಮುಖ್ಯ ಮೆನುದಲ್ಲಿ 'ಆನ್ಲೈನ್ ಸೇವೆಗಳು' ಟ್ಯಾಬ್ ಬಟನ್ ಇರಲಿದೆ. ವಾಹನ ಸಂಬಂಧಿತ ಸೇವೆಗಳು' ಮೇಲೆ ಕ್ಲಿಕ್ ಮಾಡಿ, ಇದು ನಿಮ್ಮನ್ನು ವಾಹನ ಸಂಬಂಧಿತ ಕಾರ್ಯಗಳಿಗೆ ಮೀಸಲಾದ ಪುಟಕ್ಕೆ ಕಳುಹಿಸಲಿದೆ.
ಹಂತ 3: ನಿಮ್ಮ ರಾಜ್ಯವನ್ನು ಆಯ್ಕೆ ಮಾಡಿ
ನೀವು ನಿಮ್ಮ ವಾಹನ ನೋಂದಣಿ ಹೊಂದಿರುವ ರಾಜ್ಯವನ್ನು ಆಯ್ಕೆ ಮಾಡಿ. ವಾಹನದ ಮಾಹಿತಿ ಅನ್ವಯ ಸರ್ಕಾರದ ಪ್ರಾದೇಶಿಕ ಸಾರಿಗೆ ಕಚೇರಿಯಿಂದ (RTO) ನಿರ್ವಹಿಸಲಾಗಿದೆ.
ಹಂತ 4: ನಿಮ್ಮ ವಾಹನ ನೋಂದಣಿ ಸಂಖ್ಯೆಯನ್ನು ನಮೂದಿಸಿ
ನಿಮ್ಮ ವಾಹನದ ನೋಂದಣಿ ಸಂಖ್ಯೆಯನ್ನು ದಾಖಲಿಸಬೇಕು. ನಿಮ್ಮ ರಿಜಿಸ್ಟ್ರೇಶನ್ ಕಾಪಿ (RC)ಯಲ್ಲಿ ಉಲ್ಲೇಖಿಸಿರುವ ಸಂಖ್ಯೆ ನಮೂದಿಸಬೇಕು
- ನೋಂದಣಿ ಸಂಖ್ಯೆಯನ್ನು ನಮೂದಿಸಿ: ಇದನ್ನು ಬೇಕಾದ ಕ್ಷೇತ್ರದಲ್ಲಿ ನಮೂದಿಸಿ (ಉದಾ: DL8CAF1234).
- ಕ್ಯಾಪ್ಚಾ ಕೋಡ್ ನಮೂದಿಸಿ: ಮುಂದುವರಿಯಲು ಪ್ರದರ್ಶಿತ ಕ್ಯಾಪ್ಚಾ ಕೋಡ್ ಅನ್ನು ಭರ್ತಿ ಮಾಡಿ.
ಹಂತ 5: 'ವಾಹನ ಸರ್ಚ್ ಮೇಲೆ ಕ್ಲಿಕ್ ಮಾಡಿ
'ವಾಹನ ಹುಡುಕು' ಬಟನ್ ಮೇಲೆ ಕ್ಲಿಕ್ ಮಾಡಿ. ಪೋರ್ಟಲ್ ನಿಮ್ಮ ವಿನಂತಿಯನ್ನು ಪ್ರಕ್ರಿಯೆಗೊಳಿಸಿ, ನಿಮ್ಮ ವಾಹನದ ವಿವರಗಳನ್ನು ಪ್ರದರ್ಶಿಸುತ್ತದೆ.
ಹಂತ 6: ನಿಮ್ಮ ವಿಮೆ ಸ್ಥಿತಿಯನ್ನು ಪರಿಶೀಲಿಸಿ
ಈ ವೇಳೆ ಪ್ರಮುಖ ಮಾಹಿತಿಗಳನ್ನು ಪೋರ್ಟಲ್ ತೋರಿಸಲಿದೆ, ಈ ಪೈಕಿ
- ವಿಮೆ ಸಂಸ್ಥೆಯ ಹೆಸರು: ನಿಮ್ಮ ವಿಮೆ ದಾತೆಯ ಹೆಸರು.
- ಪಾಲಿಸಿಯ ಸಂಖ್ಯೆ: ನಿಮ್ಮ ಪಾಲಿಸಿ ಸಂಖ್ಯೆಯ ವಿಶಿಷ್ಟ ಗುರುತಿನ ಸಂಖ್ಯೆ.
- ವಿಮೆ ಮಾನ್ಯತೆ ದಿನಾಂಕ: ನಿಮ್ಮ ಪ್ರಸ್ತುತ ವಿಮೆಯ ಪ್ರಾರಂಭ ಮತ್ತು ಅವಧಿಯ ದಿನಾಂಕಗಳು.
ಹಂತ 7: ಮಾಹಿತಿ ಪರಿಶೀಲಿಸಿ
ಪೋರ್ಟಲ್ ನಿಮಗೆ ತೋರಿಸಿದ ವಿವರಗಳು ನಿಮ್ಮ ದಾಖಲೆಗಳಿಗೆ ಹೊಂದಿಕೊಳ್ಳುತ್ತವೆಯೆಂದು ಖಚಿತಪಡಿಸಿಕೊಳ್ಳಿ. ನಿಮ್ಮ ವಿಮೆ ಅವಧಿ ಮುಗಿದಿದ್ದರೆ ಅಥವಾ ವಿವರಗಳು ತಪ್ಪಾಗಿದ್ದರೆ, ನಿಮ್ಮ ವಿಮೆದಾತೆಯನ್ನು ಸಂಪರ್ಕಿಸಿ ಅಥವಾ RTO ನೊಂದಿಗೆ ನಿಮ್ಮ ದಾಖಲೆಗಳನ್ನು ನವೀಕರಿಸಿ.
ಮೋಟಾರ್ ವಿಮೆ ಅಪ್ಲಿಕೇಶನ್ ಬಳಸಿ ಪರಿಶೀಲನೆ
ಪರಿವಾಹನ ಪೋರ್ಟಲ್ ಜೊತೆಗೆ, ಮೋಟರ್ ವಿಮೆ ಅಪ್ಲಿಕೇಶನ್ಗಳು ಪ್ರಕ್ರಿಯೆಯನ್ನು ಇನ್ನಷ್ಟು ಸರಳಗೊಳಿಸುತ್ತದೆ. ಅವುಗಳನ್ನು ಹೇಗೆ ಬಳಸಬೇಕೆಂದು ಇಲ್ಲಿ ವಿವರಿಸಲಾಗಿದೆ:
ಹಂತ 1: ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ
ನಿಮ್ಮ ವಿಮೆದಾತೆಯಿಂದ ಅಥವಾ ಸಾಮಾನ್ಯ ವಾಹನ ವಿಮೆ ಅಪ್ಲಿಕೇಶನ್ಗಳಿಂದ ಮೋಟರ್ ವಿಮೆ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡಿ.
ಹಂತ 2: ನಿಮ್ಮ ಖಾತೆಯಲ್ಲಿ ಲಾಗಿನ್ ಮಾಡಿ
ನೋಂದಣಿಯಾಗಿರುವ ವಿವರಗಳನ್ನು ಬಳಸಿ ಲಾಗಿನ್ ಮಾಡಿ. ನೀವು ಹೊಸ ಬಳಕೆದಾರರಾಗಿದ್ದರೆ, ನಿಮ್ಮ ಪಾಲಿಸಿ ಸಂಖ್ಯೆ ಮತ್ತು ಸಂಬಂಧಿತ ಮಾಹಿತಿ ನೀಡಿದರೆ ಖಾತೆಯನ್ನು ರಚಿಸಬಹುದು.
ಹಂತ 3: ವಿಮೆ ವಿವರಗಳನ್ನು ಪ್ರವೇಶಿಸಿ
'ನನ್ನ ಪಾಲಿಸಿಗಳು' ಅಥವಾ 'ನನ್ನ ಖಾತೆ' ವಿಭಾಗದಲ್ಲಿ ನಿಮ್ಮ ಪಾಲಿಸಿ ವಿವರಗಳನ್ನು ನೋಡಲು ಹೋಗಿ.
ಹಂತ 4: ನಿಮ್ಮ ವಿಮೆ ಸ್ಥಿತಿಯನ್ನು ಪರಿಶೀಲಿಸಿ
ನಿಮ್ಮ ಪಾಲಿಸಿಯ ಸಂಖ್ಯೆ, ವಿಮೆದಾತೆಯ ಹೆಸರು, ಕವಚದ ವಿವರಗಳು ಮತ್ತು ಮಾನ್ಯತೆ ಅವಧಿಯನ್ನು ಪರಿಶೀಲಿಸಿ. ಕೆಲವು ಅಪ್ಲಿಕೇಶನ್ಗಳು ಪುನರ್ ನವೀಕರಣಕ್ಕಾಗಿ ಸ್ಮರಣಿಕೆಗಳನ್ನು ಕಳುಹಿಸುತ್ತವೆ.
ಡಿಜಿಟಲ್ ಸಾಧನಗಳನ್ನು ಬಳಸಿ ವಿಮೆ ನಿರ್ವಹಣೆ ಮಾಡುವುದರ ಪ್ರಯೋಜನಗಳು
ಪರಿವಾಹನ ಪೋರ್ಟಲ್ ಹಾಗೂ ಮೋಟರ್ ವಿಮೆ ಅಪ್ಲಿಕೇಶನ್ ಮಾಹಿತಿ ತುಲನೆ ಮಾಡಿ
- ಸೌಕರ್ಯ: ನೀವು ಯಾವಾಗ ಬೇಕಾದರೂ, ಎಲ್ಲಿಯೂ ನಿಮ್ಮ ವಿಮೆ ವಿವರಗಳನ್ನು ಪ್ರವೇಶಿಸಬಹುದು.
- ರಿಯಲ್-ಟೈಮ್ ನವೀಕರಣಗಳು: ನಿಖರವಾದ ವಿಮೆ ಮಾಹಿತಿಯೊಂದಿಗೆ ತಾಜಾ ಇನ್ಫೋರ್ಮೇಷನ್ ಗಳನ್ನು ಪಡೆಯಿರಿ.
- ಬಳಕೆದಾರ ಸ್ನೇಹಿ: ಪಾಲಿಸಿಗಳನ್ನು ನಿರ್ವಹಿಸಲು, ಕ್ಲೈಮ್ ಸಲ್ಲಿಸಲು ಮತ್ತು ವಿಮೆ ನವೀಕರಣ ಮಾಡಲು ಸುಲಭವಾಗಿದೆ.
- ಭದ್ರತೆ: ನಿಮ್ಮ ಡೇಟಾವನ್ನು ಎನ್ಕ್ರಿಪ್ಷನ್ ಮತ್ತು ಸುರಕ್ಷಿತ ಪ್ರವೇಶದೊಂದಿಗೆ ರಕ್ಷಿಸಲಾಗಿದೆ.
ಸಾರಾಂಶ
ನಿಮ್ಮ ಕಾರು ವಿಮೆ ಸ್ಥಿತಿಯನ್ನು ಪರಿಶೀಲಿಸುವುದು ಪ್ರತಿ ವಾಹನ ಮಾಲೀಕನು ನಿಯಮಿತವಾಗಿ ಮಾಡಬೇಕಾದ ಮಹತ್ವದ ಕಾರ್ಯವಾಗಿದೆ. ನೀವು ಪರಿವಾಹನ ಪೋರ್ಟಲ್ ಅಥವಾ ವಾಹನ ವಿಮೆ ಅಪ್ಲಿಕೇಶನ್ ಅನ್ನು ಬಳಸಲು ಆಯ್ಕೆ ಮಾಡುತ್ತೀರಿ, ಪ್ರಕ್ರಿಯೆ ಸರಳ ಮತ್ತು ಸಮಯವನ್ನು ಉಳಿಸುವುದಾಗಿದೆ.
ನೀವು ನಿಮ್ಮ ವಿಮೆ ಸ್ಥಿತಿಯನ್ನು ಮೇಲ್ವಿಚಾರಣೆಯಲ್ಲಿ ಇಟ್ಟುಕೊಂಡರೆ, ನೀವು ಕಾನೂನು ತಪಾಸಣೆಗಳ ಸುಲಭ ಪ್ರಕ್ರಿಯೆಗೆ ಅವಕಾಶ ನೀಡುತ್ತಿರಿ. ಆರ್ಥಿಕ ಸಂಕಷ್ಟಗಳಿಂಗ ನಿಮ್ಮ ರಕ್ಷಿಸಲು ನೆರವಾಗುತ್ತದೆ. ಡಿಜಿಟಲ್ ಸಾಧನಗಳನ್ನು, ಹೀಗಾಗಿ ಪರಿವಾಹನ ಪೋರ್ಟಲ್ ಮತ್ತು ವಾಹನ ವಿಮೆ ಅಪ್ಲಿಕೇಶನ್ಗಳನ್ನು ಉಪಯೋಗಿಸಿ, ನೀವು ನಿಮ್ಮ ವಿಮೆಯನ್ನು ಸುಲಭವಾಗಿ ನಿರ್ವಹಿಸಲು, ರಸ್ತೆಯ ಮೇಲೆ ಆರ್ಥಿಕ ಭದ್ರತೆ ಹಾಗೂ ಪ್ರಯಾಣವನ್ನು ಯಾವುದೇ ಒತ್ತಡವಿಲ್ಲದೆ ಆನಂದಿಸಲು ಸಾಧ್ಯ.
