ಬೆಂಗಳೂರಿನ ಮಹಿಳೆಯೊಬ್ಬರ ಅಜ್ಜ 20 ವರ್ಷಗಳ ಹಿಂದೆ ಮಾಡಿದ ಹೂಡಿಕೆ ಅವರಿಗೆ ಕೋಟಿ ಕೋಟಿ ಲಾಭ ತಂದುಕೊಟ್ಟಿದೆ. ಲಾರ್ಸನ್ & ಟೂಬ್ರೋ ಕಂಪನಿಯ ಷೇರುಗಳು ಬೋನಸ್ ಮತ್ತು ವಿಭಜನೆಯಿಂದಾಗಿ ಹೆಚ್ಚಾಗಿ, ಮೊಮ್ಮಗಳಿಗೆ ₹1.72 ಕೋಟಿ ಸಿಕ್ಕಿದೆ.
ಅಭಿವೃದ್ಧಿಗೊಳ್ಳುತ್ತಿರುವ ಹೂಡಿಕೆದಾರರ ಯಶಸ್ಸಿನ ಕಥೆ ಇದು ಅದೃಷ್ಟ ಒಮ್ಮೆ ದಾರಿ ನೀಡಿದರೆ, ಹಣವೇ ನಿಮ್ಮ ಮನೆಗೆ ತಲುಪುತ್ತದೆ ಎಂಬುದಕ್ಕೆ ಬೆಂಗಳೂರಿನಲ್ಲಿ ವಾಸವಾಗಿರುವ ಮಹಿಳೆಯೊಬ್ಬರ ಅನುಭವವೇ ಸಾಕ್ಷಿ. ಷೇರುಗಳನ್ನು ನೇರವಾಗಿ ಖರೀದಿಸದೆ, ಅವರು ರಾತ್ರೋರಾತ್ರಿ ಕೋಟ್ಯಾಧಿಪತಿಯಾಗಿ ಮಾರ್ಪಟ್ಟಿರುವುದು ನಿಜಕ್ಕೂ ಆಸಕ್ತಿದಾಯಕ ಕಥೆ. ಸಾಮಾನ್ಯವಾಗಿ, ನೀವು ಯಾವುದಾದರೂ ಕಂಪನಿಯ ಷೇರುಗಳನ್ನು ಖರೀದಿಸಿದ ಮೇಲೆ ಅದರ ಬೆಲೆ ಏರಿದರೆ ಲಾಭವಾಗುತ್ತದೆ. ಆದರೆ, ಯಾವುದೇ ಹೂಡಿಕೆ ಮಾಡದೆ, ಯಾರೋ ವ್ಯಕ್ತಿಯಿಂದ ಹಣದ ಮಳೆಯೇ ಆಗುತ್ತದೆ. ಆದರೆ ಬೆಂಗಳೂರಿನಲ್ಲಿ ವಾಸಿಸುತ್ತಿರುವ ಪ್ರಿಯಾ ಶರ್ಮಾ ಎಂಬ ಮಹಿಳೆಗೆ ಅದೇ ನಡೆದಿದೆ.
ಇದಕ್ಕೆ ಕಾರಣ ಅವರ ಅಜ್ಜ ಮಾಡಿದ ಹಳೆಯ ಹೂಡಿಕೆ. ವಾಸ್ತವವಾಗಿ, ಪ್ರಿಯಾ ಶರ್ಮಾ ಅವರ ಅಜ್ಜ ಮುಂಬೈನಲ್ಲಿ ಉದ್ಯಮಿಯಾಗಿದ್ದರು. 2004ರಲ್ಲಿ ಸ್ನೇಹಿತನ ಸಲಹೆಯ ಮೇರೆಗೆ ಅವರು ಲಾರ್ಸನ್ & ಟೂಬ್ರೋ ಕಂಪನಿಯ 500 ಷೇರುಗಳನ್ನು ಖರೀದಿಸಿ, ಅದನ್ನು ಮರೆತಿದ್ದರು. 2020ರಲ್ಲಿ ಕೊರೊನಾ ಸಮಯದಲ್ಲಿ ಅವರು ವಿಧಿವಶರಾದ ನಂತರ, ಕುಟುಂಬಕ್ಕೆ ಆ ಹೂಡಿಕೆಯ ಬಗ್ಗೆ ಪೂರ್ಣ ವಿವರ ತಿಳಿದಿರಲಿಲ್ಲ. ಪ್ರಿಯಾ ತಮ್ಮ ಅಜ್ಜನ ಮುಂಬೈ ಮನೆಗೆ ತೆರಳಿ ಹಳೆಯ ದಾಖಲೆಗಳನ್ನು ಪರಿಶೀಲಿಸುತ್ತಿದ್ದಾಗ, ಅಜ್ಜ ಖರೀದಿಸಿದ್ದ ಷೇರುಗಳ ಪ್ರಮಾಣಪತ್ರ ಕೈಗೆ ಬಿದ್ದಿತು. ತಕ್ಷಣವೇ ಪ್ರಿಯಾ ಈ ಪ್ರಮಾಣಪತ್ರದ ಕುರಿತು ಕಾನೂನು ತಜ್ಞರೊಂದಿಗೆ ಸಲಹೆ ಪಡೆದರು.
ಅವರು ನೀಡಿದ ಮಾರ್ಗದರ್ಶನದಂತೆ ಪ್ರಿಯಾ ಎಲ್ & ಟಿ ಕಂಪನಿಯೊಂದಿಗೆ ಸಂಪರ್ಕ ಸಾಧಿಸಿದರು. ಪ್ರಕರಣವು ಸುಮಾರು 20 ವರ್ಷದ ಹಳೆಯದಾಗಿದ್ದರಿಂದ ಹಲವಾರು ಕಾನೂನು ಹಾಗೂ ಔಪಚಾರಿಕ ಕಾರ್ಯಗಳನ್ನು ಪೂರ್ಣಗೊಳಿಸಿದ ಬಳಿಕ, ಕಂಪನಿಯು ಇತರ ಕೆಲಸಗಳನ್ನು ಮುಗಿಸಿ ಪ್ರಕರಣವನ್ನು ಇತ್ಯರ್ಥಪಡಿಸಿತು.
Related Articles
16 ವರ್ಷಗಳಲ್ಲಿ ಆ ಷೇರುಗಳ ಪ್ರಮಾಣ ಷೇರು ವಿಭಜನೆ ಹಾಗೂ ಬೋನಸ್ ಹಂಚಿಕೆಯ ಕಾರಣದಿಂದ 500 ರಿಂದ 4,500ಕ್ಕೆ ಏರಿತು. ಅಜ್ಜ 20 ವರ್ಷಗಳ ಹಿಂದೆ ಖರೀದಿಸಿದ್ದ ಆ 500 ಷೇರುಗಳ ಮೌಲ್ಯ ಬೋನಸ್ ಮತ್ತು ಷೇರು ವಿಭಜನೆಯ ನಂತರ 9 ಪಟ್ಟು ಏರಿಕೆಯಾಗಿದ್ದು, ಒಟ್ಟು 4500 ಷೇರುಗಳಿಗೆ ತಲುಪಿತ್ತು. 2020ರಲ್ಲಿ ಎಲ್ & ಟಿ ಕಂಪನಿಯ ಷೇರು ಬೆಲೆ ಆಧಾರದ ಮೇಲೆ, ಕಂಪನಿಯು ಪ್ರಿಯಾಗೆ 4500 ಷೇರುಗಳಾಗಿ ಪಾವತಿಸಿದ ಮೊತ್ತ ಸುಮಾರು ₹1.72 ಕೋಟಿ ಆಗಿತ್ತು. ಈ ರೀತಿಯಾಗಿ, ಅಜ್ಜ ತಮಾಷೆಗೆ ಮಾಡಿಕೊಂಡಿದ್ದ ಹೂಡಿಕೆ, ಅಜ್ಜನ ದೂರದೃಷ್ಟಿ ಪ್ರಿಯಾಳಿಗೆ ರಾತ್ರೋರಾತ್ರಿ ಕೋಟ್ಯಾಧಿಪತಿಯ ಖ್ಯಾತಿ ತಂದುಕೊಟ್ಟಿದೆ. ಹಣ ಹೇಗೆ, ಯಾವ ದಾರಿಯಿಂದ ಬರುತ್ತದೋ ಯಾರಿಗೂ ಗೊತ್ತಾಗದು ಎಂಬುದಕ್ಕೆ ಇದು ಜೀವಂತ ಉದಾಹರಣೆ ಎಂದೆ ಹೇಳಬಹುದು!