ನವದೆಹಲಿ(ಫೆ.12): ಭಾರತದ ಕಾರು ಮಾರುಕಟ್ಟೆ ಆಕ್ರಮಿಸಿಕೊಂಡಿರುವ ಮಾರುತಿ ಸುಜುಕಿ ಇದೀಗ ಗ್ರಾಹಕರ ಅನೂಕೂಲಕ್ಕಾಗಿ ಸರ್ವಿಸ್ ಸಮಯವನ್ನ ವಿಸ್ತರಿಸಿದೆ. ಇದೀಗ ದಿನದ 24 ಗಂಟೆಯೂ ಮಾರುತಿ ಸುಜುಕಿ ಕಾರು ಸರ್ವಿಸ್ ಲಭ್ಯವಿದೆ. ವಿಶೇಷ ಅಂದರೆ ದೇಶದ ಪ್ರಮುಖ 6 ನಗರಗಳಲ್ಲಿ ಈ ಸೇವೆಯನ್ನು ಮಾರುತಿ ಸುಜುಕಿ ಆರಂಭಿಸುತ್ತಿದೆ.

ಇದನ್ನೂ ಓದಿ: 2019ರ ದೀಪಾವಳಿಗೆ ಬಜಾಜ್‌ನಿಂದ ಬಂಪರ್ ಕೊಡುಗೆ!

ಕರ್ನಾಟಕ 2 ನಗರಗಳಲ್ಲಿ ಈ ಸೇವೆ ಲಭ್ಯವಿದೆ. ಬೆಂಗಳೂರು ಹಾಗೂ ಮಂಗಳೂರಿನಲ್ಲಿ ಮಧ್ಯರಾತ್ರಿಯಲ್ಲೂ ಮಾರುತಿ ಸುಜುಕಿ ಕಾರು ಸರ್ವಿಸ್ ಸೇವೆ ಲಭ್ಯವಿದೆ. ಇನ್ನುಳಿದಂತೆ ನೋಯ್ಡಾ, ಗುರುಗಾಂವ್, ಭುವನೇಶ್ವರ್ ಹಾಗೂ ಉತ್ತರ ಪ್ರದೇಶದ ಸಾಹಿಬಾಬಾದ್ ನಗರಗಗಳಲ್ಲಿ ದಿನದ 24 ಗಂಟೆಯೂ ಕಾರು ಸರ್ವಿಸ್ ಸೇವೆ ಆರಂಭಗೊಂಡಿದೆ.

ಇದನ್ನೂ ಓದಿ: ಅಧ್ಯಕ್ಷ, ಉಪಾಧ್ಯಕ್ಷ, ಕಾರ್ಯದರ್ಶಿ..! ನಂಬರ್ ಪ್ಲೇಟ್ ಮೇಲೆ ಏನೂ ಬರೆಯಂಗಿಲ್ಲ!

ಸದ್ಯ ರಾತ್ರಿ ವೇಳೆ ಪ್ರತಿ ಸರ್ವಿಸ್ ಕೇಂದ್ರಗಳಲ್ಲಿ ಕನಿಷ್ಠ 25 ಕಾರುಗಳ ಸರ್ವಿಸ್ ಮಾಡಲಾಗುತ್ತಿದೆ. ಮುಂದಿನ ದಿನಗಳಲ್ಲಿ ಬೇಡಿಕೆ ಪ್ರಕಾರ ಹೆಚ್ಚಾಗಲಿದೆ. ಐಟಿ ಉದ್ಯೋಗಿಗಳು ಹೆಚ್ಚಿರುವ ನಗರಗಳಲ್ಲಿ ಈ ಸರ್ವಿಸ್ ಆರಂಭಿಸಲಾಗಿದೆ. ರಾತ್ರಿ ಪಾಳಯದಲ್ಲಿ ಕೆಲಸ ಮಾಡೋ ಉದ್ಯೋಗಿಗಳು ತಮ್ಮ ಕಾರು ನಿಗಧಿತ ಸಮಯದಲ್ಲಿ ಕಾರು ಸರ್ವಿಸ್ ಮಾಡಲು ಸಾಧ್ಯವಾಗುತ್ತಿಲ್ಲ. ಹೀಗಾಗಿ ಈ  ರಾತ್ರಿ ಸರ್ವಿಸ್ ಸೌಲಭ್ಯ ಆರಂಭಿಸುತ್ತಿದೆ ಎಂದು ಮಾರುತಿ ಹೇಳಿದೆ.