ಕೆಲವರಿಗೆ ಕೃಪಾದೃಷ್ಟಿ, ಹಲವರಿಗೆ ವಕ್ರದೃಷ್ಟಿ: ಬಿಗಿಯಾದ ಶನಿದೇವನ ಮುಷ್ಟಿ!
ಆಗಸ್ಟ್‌ನಲ್ಲಿ ಶನಿದೇವನ ಕೃಪೆ ಯಾರ ಮೇಲೆ?! ಯಾವ ರಾಶಿಗೆ ಏನು ಲಾಭ ತರಲಿದ್ದಾನೆ ಶನಿದೇವ? ಶನಿದೇವನ ವಕ್ರದೃಷ್ಟಿ ಯಾರ ಮೇಲೆ?! ಯಾರ ಮೇಲೆ ಕೃಪಾದೃಷ್ಟಿ ಬೀರಲಿದ್ದಾನೆ ಶನಿದೇವ?
ಆಗಸ್ಟ್ 1 ರಿಂದ ಶನಿದೇವರು ರಾಶಿಗಳ ಮೇಲೆ ತನ್ನ ಪ್ರಭಾವ ಬೀರಲು ಪ್ರಾರಂಭಿಸಿದ್ದಾನೆ. ಈ ರಾಶಿಗಳಲ್ಲಿ ಹುಟ್ಟಿದ ವ್ಯಕ್ತಿಗಳಿಗೆ ಈ ತಿಂಗಳು ಭಾಗ್ಯದ ಬಾಗಿಲು ತೆರೆಯಲಿದೆ ಎಂಬುದು ಜ್ಯೋತಿಷ್ಯ ಶಾಸ್ತ್ರಜ್ಞರ ಅಂಬೋಣ.
ಹಾಗಾದರೆ ಯಾವ್ಯಾವ ರಾಶಿಗಳ ಮೇಲೆ ಶನಿದೇವರ ಪ್ರಭಾವ ಇರುತ್ತದೆ ಎಂಬುದನ್ನು ನೋಡುವುದಾದರೆ..
ಮೇಷ: ಈ ರಾಶಿಯ ಜನರಿಗೆ ಶನಿದೇವರ ಕೃಪಾ ದೃಷ್ಟಿ ತುಸು ಹೆಚ್ಚೇ ಇದೆ. ಅದರಲ್ಲೂ ವ್ಯಾಪಾರಿ ವರ್ಗಕ್ಕೆ ಶನಿದೇವರು ಸಿಹಿ ಸುದ್ದಿ ಹೊತ್ತು ತಂದಿದ್ದಾನೆ. ಅಲ್ಲದೇ ಬಹಳ ದಿನಗಳಿಂದ ಬಾಕಿ ಉಳಿದ ಕೆಲಸ ಕಾರ್ಯಗಳು ಈ ತಿಂಗಳಲ್ಲಿ ಪೂರ್ತಿಯಾಗುವುದರಲ್ಲಿ ಸಂದೇಹವೇ ಇಲ್ಲ.
ಸಿಂಹ: ಈ ರಾಶಿಯ ಜನರ ಆರ್ಥಿಕ ಪರಿಸ್ಥಿತಿ ತುಂಬ ಉತ್ತಮವಾಗಿರಲಿದೆ. ಅಲ್ಲದೇ ತೀರ್ಥಯಾತ್ರೆಗಳಿಗೆ ಹೋಗುವ ಯೋಜನೆ ಹಾಕಿಕೊಂಡಿದ್ದರೆ ಖಂಡಿತ ಸಫಲವಾಗಲಿದೆ. ಶನಿದೇವರ ಕೃಪಾ ದೃಷ್ಟಿಯಿಂದ ಮುಂದಿನ ದಿನಗಳಲ್ಲಿ ಎದುರಾಗಬಹುದಾದ ಎಲ್ಲಾ ಸಂಕಷ್ಟಗಳು ಮಾಯವಾಗಲಿವೆ.
ಕನ್ಯಾ: ಈ ರಾಶಿಯ ಜನರಿಗೂ ಶನಿದೇವರ ಕೃಪಾ ದೃಷ್ಟಿ ಈ ತಿಂಗಳಲ್ಲಿ ಇರಲಿದ್ದು, ಪ್ರಮುಖವಾಗಿ ವಿದ್ಯಾರ್ಥಿಗಳಿಗೆ ಒಳ್ಳೆಯ ದಿನಗಳು ಎದುರಾಗಲಿವೆ. ಶೈಕ್ಷಣಿಕ ನಿರ್ಧಾರಗಳು ಖಂಡಿತವಾಗಿ ಫಲಕಾರಿಯಾಗಲಿವೆ.
ವೃಶ್ಛಿಕ: ಉದ್ಯೋಗಸ್ಥರಿಗೆ ಈ ತಿಂಗಳಲ್ಲಿ ಹಲವು ಸಿಹಿ ಸುದ್ದಿಗಳು ದೊರಕಲಿವೆ. ಬಡ್ತಿ, ವೇತನ ಹೆಚ್ಚಳ ಮುಂತಾದ ಸೌಲಭ್ಯಗಳು ಈ ತಿಂಗಳಲ್ಲಿ ಸುಲಭವಾಗಿ ದೊರಕಲಿವೆ.
ಕುಂಭ: ಆರ್ಥಿಕ ಲಾಭ, ಕಚೇರಿಯಲ್ಲಿ ಉನ್ನತ ಅಧಿಕಾರಿಗಳಿಂದ ಮೆಚ್ಚುಗೆಗೆ ಪಾತ್ರವಾಗುವ ಸಂಭವ ಹೆಚ್ಚು. ಅಲ್ಲದೇ ಸಹೋದ್ಯೋಗಿಗಳಿಂದ ಉತ್ತಮ ಸಹಕಾರ ಕೂಡ ದೊರೆಯಲಿದೆ.
ವೃಷಭ: ಈ ರಾಶಿಯ ವ್ಯಕ್ತಿಗಳು ಈ ತಿಂಗಳಲ್ಲಿ ತುಸು ಎಚ್ಚರಿಕೆಯಿಂದ ಇರಬೇಕಾಗುತ್ತದೆ. ಪ್ರಮುಖವಾಗಿ ಆರೋಗ್ಯ ಸಂಬಂಧಿ ವಿಚಾರದಲ್ಲಿ ಹೆಚ್ಚಿನ ಜಾಗೃತಿ ಅಗತ್ಯ.
ಮಿಥುನ: ಈ ರಾಈಯ ಜನರ ಜೀವನದಲ್ಲಿ ಹೆಚ್ಚಿನ ಬದಲಾವಣೆ ಕಂಡುಬರದಿದ್ದರೂ, ಮನೆಗೆ ಸಂಬಂಧಿಕರ ಭೇಟಿ ಹೆಚ್ಚಾಗಲಿದೆ. ಇದರಿಂದ ತುಸು ಕಿರಿಕಿರಿಯಾಗುವುದು ಖಚಿತ.
ಕರ್ಕ: ಈ ರಾಶಿಯ ಜನರಿಗೆ ಈ ತಿಂಗಳು ತುಂಬ ಸವಾಲಿನಿಂದ ಕೂಡಿರುತ್ತದೆ. ಅಲ್ಲದೇ ಮಹಿಳೆಯ ಕಾರಣದಿಂದ ಸಂಕಷ್ಟಗಳನ್ನು ಎದುರಿಸಬೇಕಾದ ಪ್ರಸಂಗ ಬರಬಹುದು. ಪ್ರಮುಖವಾಗಿ ಪ್ರೇಮ ಪ್ರಕರಣಗಳಲ್ಲಿ ಸಂಕಷ್ಟ ಎದುರಿಸಬೇಕಾಗುತ್ತದೆ.
ತುಲಾ: ಈ ರಾಶಿಯ ಜನರು ಈ ತಿಂಗಳನ್ನು ಅತ್ಯಂತ ಸಂತೋಷದಿಂದ ಕಳೆಯಲಿದ್ದಾರೆ. ಗೆಳೆಯರೊಂದಿಗೆ ಪ್ರವಾಸ ಕೈಗೊಳ್ಳುವ ಸಂಭವ ಹೆಚ್ಚು. ಇಷ್ಟೇ ಅಲ್ಲದೇ ಆಧ್ಯಾತ್ಮಿಕತೆಯೆಡೆಗೆ ಮನಸ್ಸು ತುಡಿಯಲಿದೆ.
ಧನು: ಶಾರೀರಿಕ ಮತ್ತು ಮಾನಸಿಕ ಒತ್ತಡ ಹೆಚ್ಚಾಗಲಿದೆ. ನೀವು ಮಾಡುವ ಕೆಲಸ ಕಾರ್ಯಗಳಿಗೆ ನಿರೀಕ್ಷಿತ ಫಲ ಸಿಗದೇ ಹೋಗಬಹುದು.
ಮಕರ: ಆರೋಗ್ಯದ ಕಡೆಗೆ ಹೆಚ್ಚಿನ ಗಮನ ಹರಿಸುವುದು ಅನಿವಾರ್ಯ. ವಿದ್ಯಾರ್ಥಿಗಳಿಗೆ ಪಾಠ ಪ್ರವಚನ ತುಸು ಕಷ್ಟವಾಗಲಿದೆ. ವ್ಯಾಪಾರಿಗಳಿಗೆ ಆರ್ಥಿಕ ನಷ್ಟದ ಆತಂಕ ಇರಲಿದೆ.
ಮೀನ: ಅಂದುಕೊಂಡ ಕಾರ್ಯ ಕೈಗೂಡಲಿದೆ. ಆದರೆ ಅಗತ್ಯಕ್ಕಿಂತ ಹೆಚ್ಚಾಗಿ ಮತ್ತೊಬ್ಬರ ಮೇಲೆ ನಂಬಿಕೆ ಇಡುವುದು ಸಲ್ಲ. ಅಲ್ಲದೇ ಅವಿವಾಹಿತರಿಗೆ ಮದುವೆ ಪ್ರಸ್ತಾಪ ಬರುವ ಸಾಧ್ಯತೆ ಇದೆ.
