ಮುಂದಿನ 24 ತಾಸಿನಲ್ಲಿ ನೂತನ ಸರ್ಕಾರ ಘೋಷಣೆ: ತಾಲಿಬಾನ್!
* ಪಂಜಶೀರ್ ವಶಪಡಿಸಿಕೊಂಡ ತಾಲಿಬಾಣಿಯರು
* ಪಂಜಶೀರ್ ಅನ್ನ ವಶಪಡಿಸಿಕೊಂಡ ಬೆನ್ನಲ್ಲೇ ಮುಂದಿನ 24 ತಾಸಿನಲ್ಲಿ ಸರ್ಕಾರ ರಚನೆ
ಕಾಬೂಲ್(ಸೆ.07): ತಾಲಿಬಾನ್ ಉಗ್ರಗಾಮಿಗಳು ಪಂಜಶೀರ್ ಅನ್ನ ವಶಪಡಿಸಿಕೊಂಡ ಬೆನ್ನಲ್ಲೇ ಮುಂದಿನ 24 ತಾಸಿನಲ್ಲಿ ಸರ್ಕಾರ ರಚನೆ ಮಾಡುವುದಾಗಿ ತಾಲಿಬಾನ್ ಸೋಮವಾರ ಸಂಜೆ ಘೋಷಿಸಿದೆ.
ಪಂಜಶೀರ್ ಪ್ರಾಂತ್ಯವನ್ನು ವಶಪಡಿಸಿಕೊಂಡ ನಂತರ ಹೊಸ ಸರ್ಕಾರ ರಚಿಸಲು ಮತ್ತು ನಾಯಕರನ್ನು ನೇಮಿಸಲು ತಾಲಿಬಾನ್ ಸಿದ್ಧವಾಗಿದೆ. ನಾಯಕರ ಕುರಿತು ಶೀಘ್ರದಲ್ಲೇ ತಿಳಿಸಲಾಗುವುದು ಎಂದು ತಾಲಿಬಾನ್ ಮೂಲಗಳು ಹೇಳಿವೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ.
ಪಂಜಶೀರ್ ಗೆದ್ದ ನಂತರ ಆಫ್ಘನ್ನ ಪ್ರಮುಖ ಯುದ್ಧದಲ್ಲಿ ಗೆದ್ದಿರುವುದಾಗಿ ತಾಲಿಬಾನ್ ಸೋಮವಾರ ಬೆಳಗ್ಗೆ ಹೇಳಿತ್ತು.