ಕಾಬೂಲ್ ಬಿಡಲು ಕಾಯುತ್ತಿರುವ ಭಾರತೀಯರು ಸೇಫ್!
* ಕಾಬೂಲ್ ವಿಮಾನ ನಿಲ್ದಾಣದಲ್ಲಿದ್ದ 250 ಭಾರತೀಯರನ್ನು ಕರೆದೊಯ್ದಿದ್ದ ತಾಲಿಬಾನ್
* ಕಾಬೂಲ್‌ನಲ್ಲಿ ಗೊಂದಲದ ವಾತಾವರಣ
* 150 ಭಾರತೀಯರನ್ನು ಮರಳಿ ಏರ್‌ಪೋರ್ಟ್‌ಗೆ ಕಳುಹಿಸಿದ ತಾಲಿಬಾನ್
ಕಾಬೂಲ್(ಆ.21): ಅಫ್ಘಾನಿಸ್ತಾನ ತಾಲಿಬಾನ್ ವಶವಾದ ನಂತರ, ಕಾಬೂಲ್‌ನಲ್ಲಿ ಗೊಂದಲದ ವಾತಾವರಣವಿದೆ. ಈ ಮಧ್ಯೆ, ಕಾಬೂಲ್ ವಿಮಾನ ನಿಲ್ದಾಣದ ಬಳಿ ತಾಲಿಬಾನ್ ಸುಮಾರು 150 ಜನರನ್ನು ಕರೆದುಕೊಂಡು ಹೋದ ಸುದ್ದಿ ಬಂದಿತ್ತು. ಅವರಲ್ಲಿ ಹೆಚ್ಚಿನವರು ಭಾರತೀಯರು ಎಂದು ಹೇಳಲಾಗಿದೆ. ಸದ್ಯಕ್ಕೆ, ಎಲ್ಲ ಭಾರತೀಯರು ಸುರಕ್ಷಿತವಾಗಿದ್ದಾರೆ ಮತ್ತು ಅವರಿಗೆ ಊಟವನ್ನೂ ನೀಡಲಾಗಿದೆ ಎಂದು ಸರ್ಕಾರಿ ಮೂಲಗಳು ತಿಳಿಸಿವೆ.
ಪರಿಶೀಲನೆಗಾಗಿ ದಾಖಲೆಗಳನ್ನು ತೆಗೆದುಕೊಳ್ಳಲಾಗಿದೆ
ಮಾಧ್ಯಮ ವರದಿಗಳ ಪ್ರಕಾರ, ದಾಖಲೆಗಳನ್ನು ಪರಿಶೀಲಿಸಲು ಕಾಬೂಲ್ ವಿಮಾನ ನಿಲ್ದಾಣದಿಂದ 150 ಜನರನ್ನು ತಾಲಿಬಾನ್ ಕರೆದೊಯ್ದಿತ್ತು. ಹೀಗಿದ್ದರೂ, ಸ್ವಲ್ಪ ಸಮಯದ ಬಳಿಕ ಎಲ್ಲರನ್ನು ವಿಮಾನ ನಿಲ್ದಾಣಕ್ಕೆ ಮರಳಿ ಕರೆತರಲಾಗಿದೆ.
ವಿರೋಧಿಗಳ ಹುಡುಕಿ ಹುಡುಕಿ ಕೊಲ್ಲುತ್ತಿರುವ ಉಗ್ರರು, ಪತ್ರಕರ್ತರೂ ಟಾರ್ಗೆಟ್‌!
ಆರೋಪ ನಿರಾಕರಿಸಿದ ತಾಲಿಬಾನ್
ತಾಲಿಬಾನ್ 150 ಜನರನ್ನು ಅಪಹರಿಸಿರುವುದನ್ನು ನಿರಾಕರಿಸಿದೆ. ಜನರನ್ನು ಅಪಹರಿಸಿಲ್ಲ, ಆದರೆ ಅವರನ್ನು ಸುರಕ್ಷಿತ ವಿಮಾನ ನಿಲ್ದಾಣಕ್ಕೆ ಕರೆದೊಯ್ಯಲು ಪ್ರಯತ್ನಿಸಲಾಗುತ್ತಿದೆ ಎಂದು ತಾಲಿಬಾನ್ ವಕ್ತಾರ ಅಹ್ಮದುಲ್ಲಾ ವಾಸೆ ಹೇಳಿದ್ದಾರೆ.
1,000 ಭಾರತೀಯರು ಇನ್ನೂ ಅಫ್ಘಾನಿಸ್ತಾನದಲ್ಲಿ ಸಿಲುಕಿಕೊಂಡಿದ್ದಾರೆ ಎಂದು ಅಂದಾಜಿಸಲಾಗಿದೆ. ವಿದೇಶಾಂಗ ವ್ಯವಹಾರಗಳ ಸಚಿವಾಲಯವು ಅವರ ಸ್ಥಳವನ್ನು ಪತ್ತೆಹಚ್ಚಲು ಪ್ರಯತ್ನಿಸುತ್ತಿದೆ. ಎಲ್ಲರೂ ಭಾರತೀಯ ರಾಯಭಾರ ಕಚೇರಿಯನ್ನು ಸಂಪರ್ಕಿಸದ ಕಾರಣ ಇದು ಸಂಭವಿಸಿದೆ. 120 ಭಾರತೀಯರು 4 ದಿನಗಳಲ್ಲಿ ಮನೆಗೆ ಮರಳಿದ್ದಾರೆ ಎಂದು ನಾವು ನಿಮಗೆ ಹೇಳೋಣ.
