ಭಟ್ರು-ಗಣಿ ಖಮಾಲ್ ಇದು, ಗಾಳಿಪಟ-2 ಡಿಜಿಟಲ್ ರೈಟ್ಸ್ ದಾಖಲೆ ಮೊತ್ತಕ್ಕೆ ಮಾರಾಟ

'ಮುಂಗಾರು ಮಳೆ' ಮೂಲಕ ಕನ್ನಡ ಸಿನಿ ರಸಿಕರಲ್ಲಿ ಚಲನಚಿತ್ರದ ಬಗ್ಗೆ ಹೊಸ ಭರವಸೆ ಮೂಡಿಸಿದ್ದು ಯೋಗರಾಜ್ ಭಟ್ ಮತ್ತು ಗೋಲ್ಡನ್ ಸ್ಟಾರ್ ಗಣೇಶ್ ಜೋಡಿ. ಇದೇ ಜೋಡಿ ಗಾಳಿಪಟದಲ್ಲಿಯೂ ಮೋಡಿ ಮಾಡಿತ್ತು. ಇದೀಗ ಗಾಳಿಪಟ-2 ಸಹ ರಿಲೀಸ್ ಆಗಲು ಸಿದ್ಧವಾಗಿದೆ. ಅಷ್ಟರೊಳಗೆ ಈ ಚಿತ್ರದ ಡಿಜಿಟಲ್ ರೈಟ್ಸ್ ಬರೋಬ್ಬರಿ 8 ಕೋಟಿ ರೂ.ಗೆ ಸೇಲ್ ಆಗಿದೆ. ಗಣೇಶ್ ಚಿತ್ರವೊಂದು ಇಷ್ಟು ದೊಡ್ಡ ಮೊತ್ತಕ್ಕೆ ಸೇಲ್ ಆಗಿದ್ದು ಇದೇ ಮೊದಲು. ಅರ್ಜುನ್ ಜನ್ಯ ಸಂಗೀತ ನಿರ್ದೇಶನ ಮಾಡಿರುವ ಈ ಸಿನಿಮಾದಲ್ಲಿ ಭಟ್ಟರು ಅದ್ಹೇಗೆ ಗಾಳಿಪಟ ಹಾರಿಸಿದ್ದಾರೋ ಎಂಬುದನ್ನು ನೋಡುವ ಕುತೂಹಲ ಸಿನಿ ಪ್ರೇಮಿಗಳಿಗೆ ಸಹಜವಾಗಿದೆ ಇದೆ.