Pan India Craze: ಸ್ಯಾಂಡಲ್‌ವುಡ್‌ನಲ್ಲಿ ಈ ವರ್ಷ ಪ್ಯಾನ್ ಇಂಡಿಯಾ ಚಿತ್ರಗಳ ಧಮಾಕ!

ಹೊಸ ವರ್ಷ ಬಂದಾಯ್ತು. ಸ್ಯಾಂಡಲ್‌ವುಡ್‌ನಲ್ಲಿ (Sandalwood) ಹರುಷ ತಂದಿದೆ ಅಂತ ಎಲ್ಲರ ನಿರೀಕ್ಷೆ ಇತ್ತು. ಆದರೆ ಕೋವಿಡ್ ಮೂರನೇ ಅಲೆ ಮತ್ತೊಮ್ಮೆ ಭಯ ಹುಟ್ಟಿಸುತ್ತಿದೆ. ಈ ಮಧ್ಯೆ 2022ಕ್ಕೆ ಕನ್ನಡ ಚಿತ್ರರಂಗದಲ್ಲಿ ಪ್ಯಾನ್ ಇಂಡಿಯಾ ಸಿನಿಮಾಗಳು ಹಬ್ಬ ಮಾಡಲಿವೆ. ಯಾಕಂದರೆ ಕನ್ನಡ ಮಣ್ಣಿನಲ್ಲಿ ಸಿದ್ಧವಾಗಿರೋ ಸಾಲು ಸಾಲು ಪ್ಯಾನ್ ಇಂಡಿಯಾ ಸಿನಿಮಾಗಳು ಈಗ ಬಿಡುಗಡೆಗೆ ಸಿದ್ಧವಾಗಿವೆ. ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲಿ ಕಿಚ್ಚ ಸುದೀಪ್ (Kichcha Sudeep) ಅಭಿನಯದ ವಿಕ್ರಾಂತ್ ರೋಣ (Vikrant Rona), ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ (Rakshit Shetty) ನಟನೆಯ 'ಚಾರ್ಲಿ 777' (Charlie 777), ರಿಯಲ್ ಸ್ಟಾರ್ ಉಪೇಂದ್ರ (Upendra) ಹಾಗೂ ಆರ್.ಚಂದ್ರು ನಿರ್ದೇಶನದ ಮೋಸ್ಟ್ ವಾಂಟೆಡ್ 'ಕಬ್ಜ' (Kabza) ಸಿನಿಮಾಗಳು ತೆರೆ ಕಾಣಲಿದೆ.

Corona Case Hike: ರಿಲೀಸ್‌ಗೆ ರೆಡಿಯಾಗಿದ್ದ ಚಿತ್ರಗಳಿಗೆ ಟೆನ್ಷನ್, ರಿಲೀಸ್ ತಡವಾಗುವ ಸಾಧ್ಯತೆ

ರಾಕಿಂಗ್ ಸ್ಟಾರ್ ಯಶ್ (Yash) ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಹೆಸರು ಮಾಡಿ ಆಗಿದೆ. ಯಶ್ ಇನ್ಮುಂದೆ ಯಾವ ಸಿನಿಮಾ ಮಾಡಿದರೀ, ಅದು ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲೇ ಬರಬೇಕು. ಈಗ 'ಕೆಜಿಎಫ್ 2' (KGF 2) ಸಿನಿಮಾದ ಮೇಲೂ ಇಡೀ ದೇಶದ ಸಿನಿ ರಸಿಕರ ಕಣ್ಣಿದೆ. ಏಪ್ರಿಲ್ 14ಕ್ಕೆ 'ಕೆಜಿಎಫ್ 2 ದೇಶಾದ್ಯಂತ ಬಹುಭಾಷೆಯಲ್ಲಿ ಎಂಟ್ರಿ ಕೊಡಲಿದೆ. ಹಾಗೂ  ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ (Dhruva Sarja) 'ಮಾರ್ಟಿನ್' (Martin) ಸಿನಿಮಾ ಬಹು ಭಾಷೆಯಲ್ಲಿ ನಿರ್ಮಾಣ ಆಗುತ್ತಿದೆ. ಇದರ ಜೊತೆಗೆ ಜೋಗಿ ಪ್ರೇಮ್ (Jogi Prem) ಹಾಗೂ ಧ್ರುವನ ಕಾಂಬಿನೇಷನ್‌ನಲ್ಲಿ ಬರೋ ಸಿನಿಮಾ ಕೂಡ ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲೇ ತೆರೆ ಮೇಲೆ ಬರಲಿದೆ. ರಾಣಾ (Raanna) ಹಾಗೂ ರಚಿತಾ ರಾಮ್ (Rachita Ram) ಅಭಿನಯದ 'ಏಕ್ ಲವ್ ಯಾ' ಚಿತ್ರ ತನ್ನ ಮೊದಲ ಪ್ರಯೋಗದಂತೆ ಪ್ಯಾನ್ ಇಂಡಿಯಾ ಲೆವಲ್‌ನಲ್ಲಿ ರಿಲೀಸ್ ಆಗಲಿದೆ. ಒಟ್ಟಿನಲ್ಲಿ 2022ಕ್ಕೆ ಕನ್ನಡ ಚಿತ್ರರಂಗದಿಂದ ಹತ್ತು ಹಲವು ಪ್ಯಾನ್ ಇಂಡಿಯಾ ಸಿನಿಮಾಗಳು ಬಿಡುಗಡೆಗೆ ಸಜ್ಜಾಗಿದೆ.

ಹೆಚ್ಚಿನ ಸಿನಿಮಾ ವಿಡಿಯೋ ನೋಡಲು ಕ್ಲಿಕಿಸಿ: Asianet Suvarna Entertainment