James VS RRR: ವಿವಾದ ಅಂತ್ಯ, ಜೇಮ್ಸ್ ಪರ ನಿಂತ ಸಿಎಂ ಬೊಮ್ಮಾಯಿ

ಹಿಂದಿಯ ‘ದಿ ಕಾಶ್ಮೀರ್‌ ಫೈಲ್ಸ್‌’ (The Kashmir Files) ಚಿತ್ರದಿಂದ ‘ಜೇಮ್ಸ್‌’(James) ಚಿತ್ರಕ್ಕೆ ಯಾವುದೇ ಸಮಸ್ಯೆ ಆಗಿಲ್ಲ. ಈಗ ಎಲ್ಲ ಸಮಸ್ಯೆ ಬಗೆಹರಿದಿದೆ. ಎಲ್ಲ ಕಡೆ ‘ಜೇಮ್ಸ್‌’ ಚಿತ್ರ ಪ್ರದರ್ಶನ ಆಗುತ್ತಿದೆ ಎಂದು ನಟ ಶಿವರಾಜ್‌ ಕುಮಾರ್‌ (Shivarajkumar) ಹೇಳಿದರು.

KGF 2 VS Beast: ಬಾಕ್ಸಾಫೀಸ್‌ನಲ್ಲಿ ಮುಖಾಮುಖಿ, ಯಶ್‌ಗೆ ಜೈ ಹೋ ಎಂದ ಫ್ಯಾನ್ಸ್!

ನಿರ್ಮಾಪಕರ ಮನವಿ ಮೇರೆಗೆ ‘ಜೇಮ್ಸ್‌ ’ ಚಿತ್ರಕ್ಕೆ ಎಲ್ಲೆಲ್ಲಿ ತೊಂದರೆ ಆಗುತ್ತಿದೆಯೋ ಅಂಥ ಕಡೆ ಪ್ರದರ್ಶಕರ ಜತೆ ಮಾತನಾಡಿ ಸಮಸ್ಯೆ ಬಗೆಹರಿಸಿದ್ದೇವೆ. ಮೊದಲೇ ಮಾಡಿಕೊಂಡ ಒಪ್ಪಂದಂತೆ ಕೆಲವು ಕಡೆ ‘ಜೇಮ್ಸ್‌’ ಹಾಗೂ ‘ಆರ್‌ಆರ್‌ಆರ್‌’ ಒಂದೊಂದು ಶೋ ಪ್ರದರ್ಶನ ಆಗಲಿದೆ. ರಾಜ್ಯದಲ್ಲಿ ಪರಭಾಷೆ ಚಿತ್ರಗಳ ಟಿಕೆಟ್‌ ಬೆಲೆ ಗಗನಕ್ಕೇರಿದೆ. ಈ ಬಗ್ಗೆ ಮುಖ್ಯಮಂತ್ರಿಗಳ ಗಮನಕ್ಕೆ ತಂದು, ಸೂಕ್ತ ಕ್ರಮ ಜರುಗಿಸುವಂತೆ ಮನವಿ ಮಾಡಲಾಗುವುದು ಎಂದು ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷ ಜೈರಾಜ್‌ ಹೇಳಿದ್ದಾರೆ. ಜೇಮ್ಸ್‌ಗೆ ಯಾವುದೇ ತೊಂದರೆಯಾಗದಂತೆ ಥಿಯೇಟರ್ ಮಾಲಿಕರ ಜೊತೆ ಮಾತನಾಡಿದ್ದೇವೆ ಎಂದು ಸಿಎಂ ಬೊಮ್ಮಾಯಿ ಹೇಳಿದ್ದಾರೆ.