Dear Sathya ಚಿತ್ರಕ್ಕೆ ಸಾಥ್ ನೀಡಿದ ರೋರಿಂಗ್ ಸ್ಟಾರ್ ಶ್ರೀಮುರಳಿ!
ಆರ್ಯನ್‌ ಸಂತೋಷ್‌ ಹಾಗೂ ಅರ್ಚನಾ ಕೊಟ್ಟಿಗೆ ನಟನೆಯ 'ಡಿಯರ್ ಸತ್ಯ' ಸಿನಿಮಾದ ಟ್ರೇಲರ್‌ನ್ನು ಸ್ಯಾಂಡಲ್‌ವುಡ್‌ನ ರೋರಿಂಗ್ ಸ್ಟಾರ್ ಶ್ರೀಮುರಳಿ ಲಾಂಚ್ ಮಾಡಿ, ಇಡೀ ಚಿತ್ರತಂಡಕ್ಕೆ ಶುಭಾಶಯಗಳನ್ನು ತಿಳಿಸಿದ್ದಾರೆ.
Followಆರ್ಯನ್‌ ಸಂತೋಷ್‌ (Aryann Santosh) ಹಾಗೂ ಅರ್ಚನಾ ಕೊಟ್ಟಿಗೆ (Archana Kottige) ನಟನೆಯ ‘ಡಿಯರ್ ಸತ್ಯ’ ಚಿತ್ರ ಮಾ.10ಕ್ಕೆ ಬಿಡುಗಡೆಯಾಗಲಿದೆ. ಸಿನಿಮಾದ ಟ್ರೇಲರ್ ಪರ್ಪಲ್ ರಾಕ್ ಎಂಟರ್‌ಟೈನರ್ಸ್‌ ಯೂಟ್ಯೂಬ್‌ನಲ್ಲಿ ಬಿಡುಗಡೆಯಾಗಿದೆ. ಸಿನಿಮಾದ ಟ್ರೇಲರ್ (Trailer) ಲಾಂಚ್ ಮಾಡಿ, ಶುಭ ಹಾರೈಸಿ ಮಾತನಾಡಿದ ನಟ ಶ್ರೀಮುರಳಿ (Sriimurali), ‘ಇದೊಂದು ಭರವಸೆಯ ಚಿತ್ರ. ನನ್ನ ಫ್ರೆಂಡ್‌ ಸಂತೋಷ್‌ ದೊಡ್ಡ ಯುದ್ಧ ಮಾಡಿ ಈ ಸಿನಿಮಾ ಮಾಡ್ತಿದಾರೆ. ಇದರಲ್ಲಿ ಉಪೇಂದ್ರ (Upendra) ಹಾಡು ಸೊಗಸಾಗಿದೆ. ಚಿತ್ರ ಅಭಿಮಾನಿಗಳ ಹೃದಯ ತಟ್ಟಲಿ’ ಎಂದು ಹಾರೈಸಿದರು.
Kichcha Sudeep: ಗುರು ರಾಯರ ದರ್ಶನ ಪಡೆದ ಅಭಿನಯ ಚಕ್ರವರ್ತಿ!
ಪರ್ಪಲ್ ರಾಕ್ ಎಂಟರ್‌ಟೈನರ್ ಹಾಗೂ ವಿಂಟರ್ ಬ್ರಿಡ್ಜ್ ಸ್ಟುಡಿಯೋಸ್ ಲಾಂಛನದಲ್ಲಿ ಗಣೇಶ್ ಪಾಪಣ್ಣ, ಯತೀಶ್ ವೆಂಕಟೇಶ್, ಶ್ರೀನಿವಾಸ್ ಶ್ರೀಭಕ್ತ ಹಾಗೂ ಅಜಯ್ ಅಪರೂಪ ಅವರು 'ಡಿಯರ್ ಸತ್ಯ' ಚಿತ್ರಕ್ಕೆ ಹಣ ಹಾಕಿದ್ದಾರೆ. 'ಕಳೆದ ಹತ್ತು ವರ್ಷಗಳಿಂದ ಚಿತ್ರರಂಗದಲ್ಲಿ ಒಳ್ಳೆಯ ಅವಕಾಶಕ್ಕಾಗಿ ಎದುರು ನೋಡುತ್ತಿದ್ದೇನೆ. ಈ ಚಿತ್ರವನ್ನು ತಮಿಳಿನಲ್ಲಿ ಮಾಡುವ ಸಲುವಾಗಿ ಹೆಸರಾಂತ ನಿರ್ದೇಶಕ ವೆಟ್ರಿಮಾರನ್‌ ಬಳಿ ಹೋಗಿದ್ದೆ. ಅವರು ಸಿನಿಮಾ ಮೆಚ್ಚಿಕೊಂಡರೂ ಆ ಲೆವೆಲ್‌ಗೆ ಬಜೆಟ್‌ ಹೊಂದಿಸೋದು ಸಾಧ್ಯವಾಗಿಲ್ಲ. ಕನ್ನಡದಲ್ಲಾದರೂ ತರೋಣ ಅಂದುಕೊಂಡು ಸಾಕಷ್ಟುಅಲೆದಾಡಿದ ಬಳಿಕ ನಿರ್ಮಾಪಕರು ಸಿಕ್ಕರು. ಕೊನೆಗೆ ಎಲ್ಲಾ ಒಳ್ಳೆಯದೇ ಆಯಿತು’ ಎಂದು ಚಿತ್ರದ ನಾಯಕ ಆರ್ಯನ್‌ ಸಂತೋಷ್‌ ತಿಳಿಸಿದರು.
ಸಿನಿಮಾ ಹಂಗಾಮಾ ವೀಡಿಯೋಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ: https://kannada.asianetnews.com/movies
