Vasishta Simha: ಸ್ಯಾಂಡಲ್‌ವುಡ್ ಕಾಲ‌ಚಕ್ರದಲ್ಲಿ ವಸಿಷ್ಠ ಮತ್ತೊಂದು ಹೆಜ್ಜೆ!
ನಟ ಸಿಂಗರ್ ಆಗಿರೋ ವಸಿಷ್ಠ ಈಗ ಸಿಂಹ ಆಡಿಯೋ ಕಂಪೆನಿ ತೆರೆದಿದ್ದು, ಕನ್ನಡ ಸಿನಿಮಾಗಳ ಹಾಡುಗಳಿಗೆ ಹೊಸ ಮಾರ್ಕೆಟ್ ಅನ್ನ ತೆರೆದಿದ್ದಾರೆ.
Followಕನ್ನಡ ಚಿತ್ರರಂಗದ (Sandalwood) ಕಾಲ ಚಕ್ರ ತಿರುಗ್ತಾನೆ ಇರುತ್ತೆ. ಆ ಕಾಲ ಚಕ್ರದಲ್ಲಿ ಯಾರು ಏನ್ ಬೇಕಾದ್ರು ಸಾಧಿಸಬಹುದು. ಹೆಸರು ಕೀರ್ತಿ ಸಂಪಾದಿಸಬಹುದು. ಈಗ ಇದೀಗ ಅದೇ ಸ್ಯಾಂಡಲ್‌ವುಡ್ ಕಾಲ ಚಕ್ರದಲ್ಲಿ ನಮ್ಮ ಟಗರು ಸಿನಿಮಾದ ಚಿಟ್ಟೆ ಖಡಕ್‌ ವಾಯ್ಸ್‌ನ ಕಳನಟ ಕಮ್ ನಾಯಕ ನಟ ವಸಿಷ್ಠ ಸಿಂಹ (Vasishta Simha) ಹೊಸ ಹೆಜ್ಜೆಯೊಂದನ್ನ ಇಟ್ಟಿದ್ದಾರೆ. ನಟ ಸಿಂಗರ್ ಆಗಿರೋ ವಸಿಷ್ಠ ಈಗ ಸಿಂಹ ಆಡಿಯೋ (Simha Audio) ಕಂಪೆನಿ ತೆರೆದಿದ್ದು, ಕನ್ನಡ ಸಿನಿಮಾಗಳ ಹಾಡುಗಳಿಗೆ ಹೊಸ ಮಾರ್ಕೆಟ್ ಅನ್ನ ತೆರೆದಿದ್ದಾರೆ. ಈ ಸಿಂಹ ಆಡಿಯೋ ಕಂಪೆನಿ ಲೋಗೋವನ್ನ ವಸಿಷ್ಠ ಸಿಂಹ ಅವರ ಗುರುವಾದ ಸಂಗೀತ ನಿರ್ದೇಶಕ ಹಂಸಲೇಖ, ಹಾಗು ಗೆಳೆಯ ಡಾಲಿ ಧನಂಜಯ್ ಲಾಂಚ್ ಮಾಡಿದ್ದಾರೆ.
ಅಭಿಮಾನಿಗಳ ಪ್ರೀತಿ, ಚಪ್ಪಾಳೆ ಗಳಿಸಿದ್ರು, ಈಗ ಭಕ್ತಿನೂ ಸಂಪಾದನೆ ಮಾಡಿದ್ರು- ಅಪ್ಪು ಬಗ್ಗೆ ವಸಿಷ್ಠ ಮಾತು
ವಸಿಷ್ಠ ಸಿಂಹ ವಿಲನ್ ಪಾತ್ರಗಳಿಂದಲೇ ಹೆಚ್ಚು ಫೇಮಸ್. ನೆಗೆಟೀವ್ ರೋಲ್ ಮಾಡಿದ ನಟರು ಹೀರೋ ಕ್ಯಾರೆಕ್ಟರ್ ಮಾಡಬಾರದು ಅಂತ ರೂಲ್ಸ್ ಏನು ಇಲ್ವಲ್ಲ. ಹಾಗಾಗಿ ಕಲೆಯನ್ನೂ ಜೀವನವನ್ನಾಗಿಸಿಕೊಂಡಿರೋ ವಸಿಷ್ಠ ಸಿಂಹ ಈಗ ನಾಯಕ ನಟನಾಗಿಯೂ ಮಿಂಚುತ್ತಿದ್ದಾರೆ. ವಸಿಷ್ಠ ಹೀರೋ ಆಗಿ ನಟಿಸಿರೋ ಎರಡನೇ ಸಿನಿಮಾ 'ಕಾಲಚಕ್ರ' (Kaalachakra) ಚಿತ್ರ ಬಿಡುಗಡೆಗೆ ಸಿದ್ಧವಾಗಿದೆ. ಸಿಂಹ ಆಡಿಯೋ ಮೂಲಕ ಕಾಲಚಕ್ರ ಸಿನಿಮಾದ ಹಾಡುಗಳು ಹೊರ ಬರಲಿದ್ದು, ಈ ಸಿನಿಮಾದ ರಗಡ್ ಸಾಂಗ್ ಒಂದು ರಿಲೀಸ್ ಆಗಿದೆ. ಕಾಲಚಕ್ರ ಚಿತ್ರಕ್ಕೆ ಸುಮಂತ್ ಕ್ರಾಂತಿ ಬಂಡವಾಳ ಹೂಡಿದ್ದು, ನಿರ್ದೇಶನ ಕೂಡ ಮಾಡಿದ್ದಾರೆ. ವಸಿಷ್ಠ ಸಿಂಹಗೆ ನಾಯಕಿಯಾಗಿ ರಕ್ಷಿ ಅಭಿನಯಿಸಿದ್ದಾರೆ. ಏಪ್ರಿಲ್ ಕೊನೆಯಲ್ಲಿ ಅಥವ ಮೇ ಮೊದಲ ವಾರ ಸಿನಿಮಾ ಬಿಡುಗಡೆ ಆಗಲಿದೆ.
ಸಿನಿಮಾ ಹಂಗಾಮಾ ವೀಡಿಯೋಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ: https://kannada.asianetnews.com/movies
