ಮೋದಿಗೆ ಉತ್ತರ ಕನ್ನಡ ಜಿಲ್ಲೆಯ 6 ಕ್ಷೇತ್ರಗಳನ್ನು ಗಿಫ್ಟ್‌ ಆಗಿ ನೀಡಿ: ಪ್ರಹ್ಲಾದ ಜೋಶಿ
ಅಂಕೋಲಾದಲ್ಲಿ ಪ್ರಧಾನಿ ಮೋದಿ ಮತಬೇಟೆ
ಮೋದಿ ಬಡವರ ಬಂಧುವೆಂದ ಪ್ರಹ್ಲಾದ ಜೋಶಿ
40 ವರ್ಷದ ನಂತರ ಅಂಕೋಲಾಗೆ ಪ್ರಧಾನಿ
ಉತ್ತರ ಕನ್ನಡ: ಜಿಲ್ಲೆಯ ಅಂಕೋಲಾದ ಹಟ್ಟಿಕೇರಿಯಲ್ಲಿ ಬಿಜೆಪಿ ಬೃಹತ್‌ ಸಮಾವೇಶ ನಡೆಯಿತು. ಇಲ್ಲಿಗೆ ಬಂದ ಮೋದಿಗೆ ಭರ್ಜರಿ ಸ್ವಾಗತ ಸಿಕ್ಕಿದ್ದು, ಸಂಪ್ರದಾಯ ಕಲೆಯಾದ ಯಕ್ಷಗಾನದ ಕಿರೀಟ ತೊಡಿಸಿ ಬಿಜೆಪಿ ನಾಯಕರು ಸನ್ಮಾನ ಮಾಡಿದ್ದಾರೆ. ಮೋದಿ ಸಮಾವೇಶ ಕಣ್ತುಂಬಿಕೊಳ್ಳಲು ಲಕ್ಷಾಂತರ ಜನರು ನೆರೆದಿದ್ದರು. ಈ ಸಮಾವೇಶದಲ್ಲಿ ಪ್ರಹ್ಲಾದ ಜೋಶಿ ಮಾತನಾಡಿ, ಮೋದಿಯವರು ಬಡವರಿಗಾಗಿ ಸರ್ಕಾರ ನಡೆಸುತ್ತಿದ್ದಾರೆ. 40 ವರ್ಷಗಳ ನಂತರ ಒಬ್ಬ ಪ್ರಧಾನಿ ಉತ್ತರಕನ್ನಡ ಜಿಲ್ಲೆಗೆ ಬಂದಿದ್ದಾರೆ. ಅವರಿಗೆ ನೀವು ಜಿಲ್ಲೆಯ ಆರು ವಿಧಾನಸಭಾ ಕ್ಷೇತ್ರಗಳನ್ನು ಗಿಫ್ಟ್‌ ಆಗಿ ಕೊಡ್ತಿರಾ ? ಎಂದು ಮತದಾರರನ್ನು ಪ್ರಶ್ನಿಸಿದ್ರು. ಅಲ್ಲದೇ ನಮ್ಮ ಪ್ರಧಾನಿಯವರನ್ನು ಖರ್ಗೆ ಮತ್ತು ಅವರ ಪುತ್ರ ಅತ್ಯಂತ ಕೆಟ್ಟ ಹಾಗೂ ಅಸಭ್ಯ ಭಾಷೆಯಲ್ಲಿ ನಿಂದಿಸಿದ್ದಾರೆ. ಅವರಿಗೆ ನೀವು ಮೇ.10 ರಂದು ಉತ್ತರ ಕೊಡುತ್ತೀರಿ ಎಂದು ನಾನು ನಂಬಿದ್ದೇನೆ ಎಂದು ಅವರು ಹೇಳಿದರು.
