ರಾಮನವಮಿ ಪಲ್ಲಕ್ಕಿ ಉತ್ಸವದಲ್ಲಿ ಟಪ್ಪಾಂಗುಚ್ಚಿ ಸ್ಟೆಪ್ಸ್: ಎಂಟಿಬಿ ನಾಗರಾಜ್ ನಿಂಬೆ ಹಣ್ಣು ಡ್ಯಾನ್ಸ್‌ಗೆ ಜನ ಫಿದಾ
*ಬೀದರ್‌ನಲ್ಲಿ ಸಚಿವ ಪ್ರಭು ಚವ್ಹಾಣ್‌ ನೃತ್ಯ
*ಕೊಪ್ಪಳದಲ್ಲಿ ಸಚಿವ ಹಾಲಪ್ಪ ಆಚಾರ್‌ ಡ್ಯಾನ್ಸ್
*ಬೆಂಗಳೂರಿನಲ್ಲಿ ಎಂಟಿಬಿ ನಾಗರಾಜ್ ಟಪ್ಪಾಂಗುಚ್ಚಿ ಸ್ಟೆಪ್ಸ್
Followಬೆಂಗಳೂರು (ಮೇ 16): ಬೆಂಗಳೂರಿನ ಗರುಡಾಚಾರ್‌ ಪಾಳ್ಯದಲ್ಲಿ ನಡೆದ ರಾಮನವಮಿ ಪಲ್ಲಕ್ಕೆ ಉತ್ಸವದಲ್ಲಿ ಎಂಟಿಬಿ ನಾಗರಾಜ್ ನಿಂಬೆ ಹಣ್ಣು ಡಾನ್ಸ್‌ ಮಾಡಿದ್ದಾರೆ. ಬಾಯಲ್ಲಿ ನಿಂಬೆ ಹಣ್ಣು ಹಿಡಿದಕೊಂಡು ಅಭಿಮಾನಿಗಳ ಒತ್ತಾಯದ ಮೇರೆಗೆ ಎಂಟಿಬಿ ಸ್ಟೆಪ್ಸ್ ಹಾಕಿದ್ದಾರೆ. ಇನ್ನು ಬೀದರ್‌ನ ಔರಾದ್‌ ಪಟ್ಟಣದಲ್ಲಿ ಅಯೋಜಿಸಲಾಗಿದ್ದ ಅಂಬೇಡ್ಕರ್‌ ಜಯಂತಿ ಮೆರವಣಿಗೆಯಲ್ಲಿ ಪಶು ಸಂಗೋಪನಾ ಸಚಿವ ಪ್ರಭು ಚವ್ಹಾಣ್‌ ನೃತ್ಯದ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ. ಔರಾದ್‌ ಬಸ್‌ ನಿಲ್ದಾಣದಿಂದ ಅಂಬೇಡ್ಕರ್‌ ಮೆರವಣಿಗೆ ಸಾಗಿದೆ, ಈ ವೇಳೆ ಡಿಜೆ ಹಾಡಿಗೆ ತಕ್ಕಂತೆ ಪ್ರಭು ಚವ್ಹಾಣ್‌ ಕುಣಿದು ಕುಪ್ಪಳಿಸಿದ್ದಾರೆ.
ಇದನ್ನೂ ಓದಿ: ಮಹಿಳೆಯೊಂದಿಗೆ ಅಂಕಲ್ ಡ್ಯಾನ್ಸ್ : ತಳ್ಳಾಡಿದ್ದಕ್ಕೆ ಬಿತ್ತು ಯುವಕನಿಂದ ಒದೆ
ಇನ್ನು ಗಣಿ ಮತ್ತು ಭೂ ವಿಜ್ಞಾನ ಸಚಿವ ಹಾಲಪ್ಪ ಆಚಾರ್‌ ಕೊಪ್ಪಳದ ಹೆಮರೆಡ್ಡಿ ಮಲ್ಲಮ್ಮ ಜಯಂತಿಯಲ್ಲಿ ಡ್ಯಾನ್ಸ್ ಮಾಡಿದ್ದಾರೆ. ಕೊಪ್ಪಳ ಜಿಲ್ಲೆಯ ರಾಜೂರ್‌ ಗ್ರಾಮದಲ್ಲಿ ನಡೆದ ಹೆಮರೆಡ್ಡಿ ಮಲ್ಲಮ್ಮ ಜಯಂತಿಯಲ್ಲಿ ರೆಡ್ಡಿ ಸಮುದಾಯದ ಜತೆ ಹಾಲಪ್ಪ ಆಚಾರ್‌ ಕುಣಿದು ಕುಪ್ಪಳಿಸಿದ್ದಾರೆ.
