Chitradurga: ಸುಡು ಬಿಸಿಲಿಗೆ ಬಸವಳಿದ ವಾನರ ಸೇನೆ, ಚಂದ್ರವಳ್ಳಿ ಕೆರೆಯಲ್ಲಿ ಈಜಾಟ, ನೀರಾಟ

ಚಿತ್ರದುರ್ಗ (ಏ. 30): ಅಂದಾಕ್ಷಣ ಎಲ್ಲರಿಗೂ ನೆನಪಾಗೋದು ಏಳುಸುತ್ತಿನ ಕಲ್ಲಿನ ಕೋಟೆ.‌ ಆ ಕೋಟೆಯ  ಹೆಬ್ಬಂಡೆಗಳು ಬೇಸಿಗೆಯ ಬಿಸಿಲಿಗೆ (Summer) ಹೇಗಿರಬಹುದು ಅಂತಾ ಸಣ್ಣ ಊಹೆ ಮಾಡಿಕೊಂಡ್ರೂ ಮೈ ಬೆಚ್ಚಗಾಗುತ್ತೆ. ಹೀಗಿರುವಾಗ ಇಂಥ ಜಾಗದಲ್ಲಿ ವಾಸ ಮಾಡುವ ಪ್ರಾಣಿ ಪಕ್ಷಿಗಳು ಹೇಗಿರುತ್ತವೆ. ವಿಶೇಷವಾಗಿ ಕೋತಿಗಳು ಏನು ಮಾಡುತ್ತವೆ ಅನ್ನೋದೇ ಇಂಟರೆಸ್ಟಿಂಗ್​.!

ಐತಿಹಾಸಿಕ ನಗರಿ ಚಿತ್ರದುರ್ಗಕ್ಕೆ (Chitradurga) ಹೊಂದಿಕೊಂಡಿರುವ ಚಂದ್ರವಳ್ಳಿ ಕೆರೆಯಲ್ಲಿ. ಚಂದ್ರವಳ್ಳಿ ತೋಟ ಎಂದೇ ಹೆಸರಾಗಿರುವ ಈ ರಮಣೀಯ ಪ್ರವಾಸಿ ತಾಣದಲ್ಲಿ ಈಗ ಕೋತಿಗಳ ಕಲರವ ಶುರುವಾಗಿದೆ. ಬಿಸಿಲಿನ ಬೇಗೆ ತಾಳಲಾರದೇ ಹಿಂಡು ಹಿಂಡು ಕೋತಿಗಳು ಚಂದ್ರವಳ್ಳಿ ಕೆರೆಯಲ್ಲಿ, ಈಜುತ್ತಾ, ನೀರಾಟ ಆಡುತ್ತಾ ಬಿಸಿಲಿನ ಧಗೆ ಕಡಿಮೆ ಮಾಡಿಕೊಳ್ಳುತ್ತಿವೆ. ಕೋತಿಗಳ ಈ ನೀರಾಟದ ದೃಶ್ಯ ಪ್ರವಾಸಿಗರಿಗೆ  ಹೊಸ ಮನರಂಜನೆಯಾಗಿದೆ. ಥೇಟ್​ ಮನುಷ್ಯರಂತೆಯೇ ನೀರಲ್ಲಿ ಆಟವಾಡುವ ಕೋತಿಗಳ ಈ ದೃಶ್ಯವನ್ನು ಇಲ್ಲಿಗೆ ಬರುವ ಪ್ರವಾಸಿಗರು ಕಣ್ತುಂಬಿಕೊಳ್ಳುತ್ತಿದ್ದಾರೆ. ಅವುಗಳ ಕುಚೇಷ್ಟೇ ಹಾಗು ಥೇಟ್ ಮನುಷ್ಯರಂತೆ ನೀರಿಗೆ ಹಾರುವ ಸಾಹಸ ಅಚ್ಚರಿ ಮೂಡಿಸ್ತಿದೆ.

ಸೀರೆಯುಟ್ಟು ಕುದುರೆ ಸವಾರಿ ಮಾಡೋ ಮೋನಾಲಿಸಾ: ಬುಲೆಟ್ ಲರಿಯನ್ನೂ ಓಡಿಸುವ ಗಟ್ಟಿಗಿತ್ತಿ

ಇನ್ನು ಚಿತ್ರದುರ್ಗದಿಂದ ಕೂಗಳತೆ ದೂರದಲ್ಲಿರುವ ಚಂದ್ರವಳ್ಳಿಗೆ ನಿತ್ಯವೂ ಬೆಳಗ್ಗೆ ಹಾಗೂ ಸಂಜೆ ನೂರಾರು ಜನ ವಾಕ್​ ಬರ್ತಾರೆ. ವೀಕೆಂಡ್ ನಲ್ಲಿ ಸಾವಿರಾರು‌ಜನ  ಪ್ರವಾಸಿಗರು ಕೂಡಬರ್ತಾರೆ.ಆದರೆ ಕಳೆದ ಒಂದು ವಾರದಿಂದ ಬಿಸಿಲ ಝಳ ಹೆಚ್ಚಾಗಿದ್ದೂ,ಪ್ರವಾಸಿಗರ ಸಂಖ್ಯೆ ಸಹ ವಿರಳವಾಗಿದೆ. ಹೀಗಾಗಿ ಈ ಮೂಕ ಜೀವಿಗಳು ಆಹಾರವಿಲ್ಲದೇ ಪರದಾಡ್ತಿದ್ದೂ, ನೀರಾಟದಲ್ಲೇ ಕಾಲ ಕಳೆಯಿತ್ತಿವೆ. ಆದ್ದರಿಂದ ಸಂಬಂಧಪಟ್ಟ ಅರಣ್ಯ ಇಲಾಖೆ ಹಾಗು ಪ್ರವಾಸೋದ್ಯಮ ಇಲಾಖೆ ಅಧಿಕಾರಿಗಳು ಈ ಕೋತಿಗಳಿಗೆ ಆಹಾರ ವ್ಯವಸ್ಥೆ ಕಲ್ಪಿಸಬೇಕೆಂದು ಪ್ರಾಣಿಪ್ರಿಯ ಒತ್ತಾಯಿಸಿದ್ದಾರೆ.

ಒಟ್ಟಾರೆ ನೋಡುವವರ ಕಣ್ಣಿಗೆ ಕೋತಿಗಳ ನೀರಾಟ ಮನರಂಜನೆಯಾಗಿದೆ. ನೀರಿನಿಂದ ಸಾಮಾನ್ಯವಾಗಿ ದೂರವಿರುವ ಕೋತಿಗಳು ಕೆರೆ ನೀರಲ್ಲಿ ಕಾಲ ಕಳೆಯುತ್ತಿವೆ ಅಂದ್ರೆ ಬಿಸಿಲಿನ ತಾಪ ಎಷ್ಟರ ಮಟ್ಟಿಗೆ ಜೋರಾಗಿದೆ ಅನ್ನೋದನ್ನು ಅರ್ಥ ಮಾಡಿಕೊಳ್ಳಬೇಕು. ಈ ನಿಟ್ಟಿನಲ್ಲಿ ಮರ, ಗಿಡಗಳನ್ನು ಬೆಳೆಸಿ, ನೀರನ್ನು ಮಿತವಾಗಿ ಬಳಸೋದನ್ನು ರೂಢಿಸಿಕೊಳ್ಳಬೇಕು.