ಈ 'ಲೆಜೆಂಡ್' ಹೀರೋಗೋಸ್ಕರ ಟಾಪ್‌ ಡೈರೆಕ್ಟರ್ಸ್, ಸ್ಟಾರ್ ನಟಿಯರೂ ಬರ್ತಾರೆ

ತಮಿಳಿನ ಲೆಜೆಂಡ್ ಸಿನಿಮಾದ ಆಡಿಯೋ ಮತ್ತು ಟ್ರೈಲರ್ ರಿಲೀಸ್‌ಗೆ ಸ್ಟಾರ್ ಕಲಾವಿದರು ಎಂಟ್ರಿ ಕೊಟ್ಟಿದ್ದು ನೋಡಿ ಕಾಲಿವುಡ್ ಮಂದಿ ಬೆಚ್ಚಿಬಿದ್ದಿದ್ದಾರೆ. ಸರವಣನ್ ನಟನೆಯ ಲೆಜೆಂಡ್ ಸಿನಿಮಾದ ಟ್ರೈಲರ್ ಮತ್ತು ಆಡಿಯೋ ಇತ್ತೀಚಿಗಷ್ಟೆ ರಿಲೀಸ್ ಆಗಿದೆ. ಅಂದಹಾಗೆ ಈ ಸಿನಿಮಾದಲ್ಲಿ ನಾಯಕನಾಗಿ ನಟಿಸುವ ಜೊತೆಗೆ ಸರವಣನ್ ಆಕ್ಷನ್ ಕಟ್ ಸಹ ಹೇಳಿದ್ದಾರೆ. ಸರವಣನ್ ಲೆಜೆಂಡ್ ಸಿನಿಮಾದ ಆಡಿಯೋ ರಿಲೀಸ್ ಈವೆಂಟ್ ನಲ್ಲಿ ಭಾಗಿಯಾಗಿದ್ದ ಟಾಪ್ ನಾಯಕಿಯರನ್ನು ನೋಡಿ ಕಾಲಿವುಡ್ ಶಾಕ್ ಆಗಿತ್ತು. ಅಂದಹಾಗೆ ಸರವರಣ್ ಸಿನಿಮಾ ಪ್ರಮೋಷ್‌ಗೆ ಬಂದ ನಾಯಕಿಯರು ಅಂದರೆ ಪೂಜಾ ಹೆಗ್ಡೆ, ತಮನ್ನಾ, ಹನ್ಸಿಕಾ ಕನ್ನಡದ ನಟಿ ಶ್ರದ್ಧಾ ಶ್ರೀನಾಥ್, ಯಶಿಕಾ, ಊರ್ವಶಿ ರೌಟೇಲಾ, ಶ್ರೀಲೀಲಾ ಸೇರಿದಂತೆ ಅನೇಕ ನಟಿಯರು ಹಾಜರಿದ್ದರು. ಎಲ್ಲರನ್ನೂ ಖಾಸಗಿ ಜೆಟ್ ಮೂಲಕ ಕರೆಸಿಕೊಂಡಿದ್ದಾರಂತೆ. ಅಲ್ಲದೇ ಖ್ಯಾತ ನಿರ್ದೇಶಕರಾದ ಮಣಿರತ್ನಂ, ರಾಜಮೌಳಿ ಸೇರಿದಂತೆ ಅನೇಕ ಸ್ಟಾರ್ ನಿರ್ದೇಶಕರು ಹಾಜರಿದ್ದರು. ಈ ಪರಿ ಪ್ರಮೋಷನ್ ಮಾಡುತ್ತಿರುವ ಸರವಣನ್ ಸಿನಿಮಾ ಹೇಗಿರಲಿದೆ ಎನ್ನುವುದು ಅಭಿಮಾನಿಗಳ ಸದ್ಯದ ಕುತೂಹಲ.