ರಾಜಾ ರಾಣಿ-2 ನಲ್ಲಿ ವೀಣಾ-ಸುಂದರ್; ಶೋ ಬಗ್ಗೆ ಜನಪ್ರಿಯ ಜೋಡಿ ಹೇಳಿದಿಷ್ಟು

ಕನ್ನಡ ಕಿರುತೆರೆಯಲ್ಲಿ ರಿಯಾಲಿಟಿ ಶೋಗಳದ್ದೇ ಅಬ್ಬರ. ವೀಕೆಂಡ್ ಬಂತೆಂದರೆ ಸಾಕು ಪ್ರೇಕ್ಷಕರಿಗೆ ಭರಪೂರ ಮನರಂಜನೆ ನೀಡಲು ಅನೇಕ ರಿಯಾಲಿಟಿ ಶೋಗಳು ಪ್ರಸಾರವಾಗುತ್ತಿವೆ. ಇದೀಗ ಮತ್ತೊಂದು ರಿಯಾಲಿಟಿ ಶೋ ಪ್ರಸಾರಕ್ಕೆ ದಿನಗಣನೆ ಆರಂಭವಾಗಿದೆ. ರಾಜಾ ರಾಣಿ-2 ರೀಯಾಲಿಟಿ ಶೋ ಮತ್ತೆ ಬರ್ತಿದೆ. ರಾಜಾ ರಾಣಿ ದೊಡ್ಡ ಮಟ್ಟದಲ್ಲಿ ಹಿಟ್ ಆದ ಬೆನ್ನಲ್ಲೇ ರಾಜಾ ರಾಣಿ-2 ಮಾಡಲು ನಿರ್ಧರಿಸಿದ್ದು ತೆರೆಮೇಲೆ ಬರಲು ಸಿದ್ಧವಾಗಿದೆ. ಸೀಸನ್-2ನಲ್ಲೂ ಸಹ ಕಿರುತೆರೆಯ ಅನೇಕ ಸೆಲೆಬ್ರಿಟಿ ಜೋಡಿ ಪ್ರೇಕ್ಷಕರನ್ನು ರಂಜಿಸಲು ಸಜ್ಜಾಗಿವೆ. ಈ ಬಾರಿ ಬರ್ತಿವ ಜೋಡಿಗಳಲ್ಲಿ ಖ್ಯಾತ ನಟಿ ವೀಣಾ ಮತ್ತು ನಟ ಸುಂದರ್ ಜೋಡಿ ಕೂಡ ಒಂದು. ಇಂಟ್ರಸ್ಟಿಂಗ್ ಜೋಡಿಗಳಲ್ಲಿ ಒಂದಾಗಿದೆ.