ನೂತನ ವಿಮೆ ನೀತಿಯಿಂದ ಬಜಾಜ್ ಬೈಕ್ ಬೆಲೆ ಏರಿಕೆ! ಪರಿಷ್ಕರಣೆ ದರ ಪ್ರಕಟ
ವಾಹನಗಳಿಗೆ ನೂತನ ವಿಮೆ ನೀತಿ ಜಾರಿಗೆ ಬಂದಿದೆ. ಸುಪ್ರೀಂ ಕೋರ್ಟ್ ಆದೇಶದಂತೆ ಕಾರುಗಳಿಗೆ 3 ವರ್ಷ ಹಾಗೂ ಬೈಕ್,ಸ್ಕೂಟರ್‌ಗಳಿಗೆ 5 ವರ್ಷದ ನೂತನ ಇನ್ಶುರೆನ್ಸ್ ನಿಯಮ ಜಾರಿಗೆ ಬಂದಿದೆ. ಹೀಗಾಗಿ ಬಜಾಜ್ ಮೋಟಾರ್ ತನ್ನ ಬೈಕ್ ಹಾಗೂ ಸ್ಕೂಟರ್‌ಗಳ ಬೆಲೆ ಪರಿಷ್ಕರಿಸಿದೆ. ಇಲ್ಲಿದೆ ಬಜಾಜ್ ಸಂಸ್ಥೆಯ ನೂತನ ಬೆಲೆ
ಬೆಂಗಳೂರು(ಸೆ.13): ಭಾರತದಲ್ಲಿ ನೂತನ ವಿಮೆ ನೀತಿ ಜಾರಿಗೊಳಿಸಲಾಗಿದೆ. ಸುಪ್ರೀಂ ಕೋರ್ಟ್ ಆದೇಶದ ಪ್ರಕಾರ ಕಾರು ಸೇರಿದಂತೆ ನಾಲ್ಕು ಚಕ್ರದ ವಾಹನಗಳಿಗೆ 3 ವರ್ಷ ಹಾಗೂ ಬೈಕ್ , ಸ್ಕೂಟರ್‌ಗಳಿಗೆ 5 ವರ್ಷದ ವಿಮೆ ನೀತಿ ಜಾರಿಗೊಳಿಸಲಾಗಿದೆ. ಕೋರ್ಟ್ ಆದೇಶದ ಪ್ರಕಾರ ಎಲ್ಲಾ ಮೋಟಾರು ಕಂಪೆನಿಗಳು ತಮ್ಮ ವಾಹನಗಳ ದರವನ್ನ ಪರಿಷ್ಕರಿಸಿದೆ.
ನೂತನ ನಿಯಮದ ಪ್ರಕಾರ ಬಜಾಜ್ ಮೋಟಾರು ಕಂಪೆನಿ ಇದೀಗ ಬೈಕ್ ಹಾಗೂ ಸ್ಕೂಟರ್ ಬೆಲೆ ಪರಿಷ್ಕರಿಸಿದೆ. ನೂತನ ವಿಮೆ ನೀತಿಯಿಂದ ಎಲ್ಲಾ ವಾಹನಗಳ ಬೆಲೆ ಏರಿಕೆಯಾಗಿದೆ. ಇದೀಗ ಬಜಾಜ್ ಡೊಮಿನಾರ್ 400 ಎಬಿಎಸ್ ಬೈಕ್ ಬೆಲೆ 2 ಲಕ್ಷ ರೂಪಾಯಿ ದಾಟಿದೆ.
ಬಜಾಜ್ ಮೋಟಾರು ಕಂಪೆನಿ 4,000 ದಿಂದ 8000 ರೂಪಾಯಿ ವರೆಗೆ ವಿಮೆ ದರ ಪರಿಷ್ಕರಿಸಿದೆ. ಬಜಾಜ್ ನೂತನ ವಿಮೆ ನೀತಿ ಪ್ರಕಾರ ಒಂದು ವರ್ಷ ಸಮಗ್ರ ವಿಮೆ ಹಾಗೂ 4 ವರ್ಷಗಳ ಥರ್ಡ್ ಪಾರ್ಟಿ ವಿಮೆ ಅನ್ವಯವಾಗಲಿದೆ.
ಬಜಾಜ್ ಬೈಕ್-ಸ್ಕೂಟರ್ ನೂತನ ಬೆಲೆ:
| ಮಾಡೆಲ್ | ಆನ್‌ರೋಡ್(ಹಳೆ ಬೆಲೆ) | ಹೊಸ ಬೆಲೆ |
| ಸಿಟಿ100 | 45900-53300 | 46587-54378 |
| ಪ್ಲಾಟಿನಂ | 60300 | 62320 |
| ಡಿಸ್ಕವರ್110 | 62500 | 67148 |
| ಡಿಸ್ಕವರ್125 | 64100-66700 | 71664-74291 |
| ವಿ15 | 81000 | 82493 |
| ಪಲ್ಸಾರ್ 150 | 80600-93100 | 85106-95985 |
| ಪಲ್ಸಾರ್180 | 98700 | 1.05 ಲಕ್ಷ |
| ಪಲ್ಸಾರ್220ಎಫ್ | 1.11 ಲಕ್ಷ | 1.18 ಲಕ್ಷ |
| ಪಲ್ಸಾರ್NS160 | 97000 | 1.04 ಲಕ್ಷ |
| ಪಲ್ಸಾರ್NS200 | 1.17-1.26ಲಕ್ಷ | 1.23-1.36ಲಕ್ಷ |
| ಅವೆಂಜರ್180 | 1 ಲಕ್ಷ | 1.07 ಲಕ್ಷ |
| ಅವೆಂಜರ್220 | 1.10 ಲಕ್ಷ | 1.18 ಲಕ್ಷ |
| ಪಲ್ಸಾರ್ RS200 | 1.45-1.59ಲಕ್ಷ | 1.52-1.66ಲಕ್ಷ |
| ಡೊಮಿನಾರ್400 | 1.89 ಲಕ್ಷ | 2.05 ಲಕ್ಷ |
