ಹೊಸ ಕಾರು ಖರೀದಿಸಿ ನೀವು ಮಾಡಲೇಬೇಕಾದ 5 ಕಾರ್ಯಗಳು!
ಹೊಸ ಕಾರು ಖರೀದಿಸಿದ ಮೇಲೆ ಪ್ರಯಾಣ ಮಾಡೋ ಮುನ್ನ ಕೆಲ ಅಂಶಗಳನ್ನ ಗಮನದಲ್ಲಿಡಬೇಕು. ಕಾರು ಖರೀದಿಸುವ ಮಾಲೀಕರು ಗಮನಿಸಲೇಬೇಕಾದ 5 ಅಂಶಗಳು ಇಲ್ಲಿದೆ.
ಬೆಂಗಳೂರು(ಸೆ.14): ಹೊಸ ಕಾರು ಖರೀದಿಸಬೇಕು ಅನ್ನೋದು ಎಲ್ಲರ ಆಸೆ. ಕಷ್ಟಪಟ್ಟು ಕಾರು ಖರೀದಿಸಿ ಸರಿಯಾಗಿ ಉಪಯೋಗಿಸದಿದ್ದರೆ ದಂಡ ತೆರಬೇಕಾಗುತ್ತೆ. ಹೊಸ ಕಾರು ಖರೀದಿಸುವ ಮಾಲೀಕರು ಕೆಲ ಅಂಶಗಳನ್ನ ಗಮನದಲ್ಲಿಟ್ಟುಕೊಳ್ಳಬೇಕು.
ಹೊಸ ಕಾರು ಖರೀದಿಸಿದ ಮೇಲೆ ಮಾಲೀಕರು ಅಥವಾ ಬಳಕೆದಾರರು ಕೆಲ ಅಂಶಗಳನ್ನ ಗಮನಿಸಲೇಬೇಕು. ಈ ಮೂಲಕ ನಿಮ್ಮ ಕಾರು ಯಾವುದೇ ಸಮಸ್ಯೆ ಇಲ್ಲದೆ ಹೆಚ್ಚು ಕಾಲ ಉಪಯೋಗಿಸಲು ಇಲ್ಲಿದೆ 5 ಸೂತ್ರಗಳು.
1 ಕಾರಿನ ಮ್ಯಾನ್ಯುಯೆಲ್ ಓದಿ:
ಹೊಸ ಕಾರು ಖರೀದಿಸುವಾಗ ಕಾರಿನ ಕುರಿತ ಸಂಪೂರ್ಣ ವಿವರಗಳ ಬುಕ್ ನೀಡಲಾಗುತ್ತೆ. ಇದನ್ನ ಸಂಪೂರ್ಣವಾಗಿ ಓದಿ. ನಿಮ್ಮ ಕಾರಿನ ಸ್ಪೀಡ್ ಗೇರ್ ಶಿಫ್ಟ್, ಸರ್ವೀಸ್ ಸಮಯ, ಎಚ್ಚರಿಕೆ ಸಿಂಬಲ್‌ಗಳು, ಟರ್ಬೋ ಚಾರ್ಜರ್, ಕಾರು ಇಂಜಿನ್ ಸೇರಿದಂತೆ ಎಲ್ಲಾ ವಿಚಾರಗಳನ್ನ ಓದಿ ತಿಳಿದುಕೊಳ್ಳಿ.
2 ಇಂಧನ ಭರ್ತಿ ಮಾಡಿ-ಚಕ್ರದ ಗಾಳಿ ಪರಿಶೀಲಿಸಿ:
ಹೊಸ ಕಾರು ಖರೀದಿಸುವ ವೇಳೆ ಕಂಪೆನಿ ಕನಿಷ್ಠ 5 ಲೀಟರ್ ಇಂಧನ ನೀಡುತ್ತೆ. ಹೊಸ ಕಾರಿನ ಜೊತೆ ನೀವು ಪ್ರಯಾಣ ಮಾಡೋ ಮುನ್ನ ಕಾರಿನ ಇಂಧನ ಹಾಗೂ ಚಕ್ರದ ಗಾಳಿ ಪರಿಶೀಲಿಸಿ.
3 ಗರಿಷ್ಠ ಆರ್‌ಪಿಎಂ ಬಳಕೆ ನಿಲ್ಲಿಸಿ:
ಹೊಸ ಕಾರಿನ ಪ್ರಯಾಣದ ವೇಳೆ ಗರಿಷ್ಠ ಆಕ್ಸಿಲರೇಟರ್ (ಹೈ ಆರ್‌ಪಿಎಂ) ಬಳಕೆ ಮಾಡಬೇಡಿ. ಇಷ್ಟೇ ಅಲ್ಲ ಆರಂಭಿಕ 1000-1500 ಕೀಮಿ ಪ್ರಯಾಣದವರೆಗೆ 80 ಕೀಮಿ ವೇಗಕ್ಕಿಂತ ಹೆಚ್ಚಿನ ವೇಗದಲ್ಲಿ ಪ್ರಯಾಣ ಮಾಡಬೇಡಿ.
4 ಶಾರ್ಟ್ ಟ್ರಿಪ್ ಮಾಡಬೇಡಿ:
ಹೊಸ ಕಾರಿನ ಪ್ರಯಾಣದ ವೇಳೆ ಶಾರ್ಟ್ ಟ್ರಿಪ್ ಮಾಡಬೇಡಿ. ಉದಾಹರಣೆಗೆ ಪ್ರತಿ 5 ರಿಂದ 10 ಕೀಮಿ ಪ್ರಯಾಣ ಮಾಡಿ ಕಾರು ನಿಲ್ಲಿಸಬೇಡಿ. ಕಾರಣ ಹೊಸ ಕಾರಿನಲ್ಲಿ ಇಂಜಿನ್ ಲ್ಯೂಬ್ರಿಕೆಂಟ್ಸ್ ಸಮಸ್ಯೆ ಎದುರಾಗಬಹುದು.
5 ಇನ್ಶುರೆನ್ಸ್ ಗಮನದಲ್ಲಿರಲಿ:
ಹೊಸ ಕಾರು ಖರೀದಿಸಿದ ಮೇಲೆ ನಿಮ್ಮ ಕಾರಿನ ವಿಮೆ ಪಾಲಿಸಿ ಸಂಪೂರ್ಣವಾಗಿ ಓದಿ. ನಿಮ್ಮ ಪಾಲಿಸಿ ಕವರೇಜ್, ಷರತ್ತು ಹಾಗೂ ನಿಯಮ ಹಾಗೂ ವಿಮೆಯಲ್ಲಿ ನಮೂದಿಸಿರುವ ನಿಮ್ಮ ಕಾರಿನ ಇಂಜಿನ್ ಚಾಸಿ ನಂಬರ್ ಎಲ್ಲವನ್ನೂ ಪರಿಶೀಲಿಸಿಕೊಳ್ಳಿ.
