ಎಣ್ಣೆಗಾಗಿ ಪ್ರೊಟೆಸ್ಟ್! ಎಣ್ಣೆ ಸಿಗದಿದ್ದರೆ ನಮ್ಮ ಗತಿ ಎನು ಶಿವಾ! ಜಿಲ್ಲಾಧಿಕಾರಿ ಕಚೇರಿ ಎದುರು ವಿಭಿನ್ನ ಪ್ರತೀಭಟನೆ! ಮದ್ಯಕ್ಕಾಗಿ ಆಗ್ರಹಿಸಿ ಕುಡುಕರ ಪ್ರತಿಭಟನೆ! ಯಾವುದೆ ಕಾರಣಕ್ಕು ಬಾರ್ ಬಂದ್ ಮಾಡದಂತೆ ಆಗ್ರಹಿಸಿದ ಮದ್ಯಪ್ರಿಯರು! ಧಾರವಾಡ ತಾಲೂಕಿನ ಹೆಬ್ಬಳ್ಳಿ ಗ್ರಾಮದ ಕುಡುಕರಿಂದ ಪ್ರತಿಭಟನೆ
ಧಾರವಾಡ(ನ.22): ಪೇಡಾ ನಗರಿ ಧಾರವಾಡದಲ್ಲಿ ಮದ್ಯ ಬೇಕು, ಬೇಡಗಳ ಜಗಳ ಜೋರಾಗಿದೆ. ಒಂದು ಗುಂಪು ಇರೋ ಬಾರ್ ಬಂದ್ ಮಾಡಿ ಅಂತಾ ಹೇಳಿದ್ರೇ, ಮತ್ತೊಂದು ಗುಂಪು ಬಾರ್ ಬಂದ್ ಮಾಡಿದರೆ ನಾವು ಸುಮ್ಮನೇ ಇರೋದಿಲ್ಲ ಅಂತಾ ಬೀದಿಗಿಳಿದು ಹೋರಾಟ ಮಾಡ್ತಿದ್ದಾರೆ.
"
ಧಾರವಾಡದ ಹೆಬ್ಬಳ್ಳಿ ಗ್ರಾಮದಲ್ಲಿರೋ ಬಾರ್ವೊಂದನ್ನು ಬಂದ್ ಮಾಡುವಂತೆ ಕೆಲವರು ಈ ಹಿಂದೆ ಪ್ರೊಟೆಸ್ಟ್ ಮಾಡಿದ್ರು. ಸುತ್ತಮುತ್ತಲಿನ ಐದು ಹಳ್ಳಿಗಳಿಗೆ ಇದೊಂದೇ ಬಾರ್. ಇದರಿಂದ ಕುಡುಕರು ಗ್ರಾಮದಲ್ಲಿ ಗಲಾಟೆ ಮಾಡ್ತಾರೆ ಅಂತಾ ಜನರು ಧಾರವಾಡ ಜಿಲ್ಲಾಧಿಕಾರಿ ಕಚೇರಿ ಎದುರು ಪ್ರತಿಭಟನೆ ನಡೆಸಿದ್ದರು.
ಆದ್ರೆ, ಇದೀಗ ಈ ಪ್ರತಿಭಟನೆಗೆ ವಿರುದ್ಧವಾಗಿ ಇಂದು ಕುಡುಕರು ಪ್ರತಿಭಟನೆ ನಡೆಸಿ, ಅಚ್ಚರಿ ಮೂಡಿಸಿದರು. ನಾವು ದುಡಿಯೋಕೆ ದಿನಕ್ಕೆ ನೂರು ರೂಪಾಯಿ ಬೇಕು. ಬಾರ್ ಬಂದ್ ಆದ್ರೆ, ಧಾರವಾಡಕ್ಕೆ ಬಂದು ಕುಡಿದು ಹೋದರೆ ಬಸ್ ಚಾರ್ಜ್ ಗೆ ನಲವತ್ತು ರೂಪಾಯಿ ಬೇಕು. ಹೀಗಾಗಿ ಬಾರ್ ಬಂದ್ ಮಾಡದಂತೆ ಕುಡುಕರು ಪ್ರತಿಭಟನೆ ಮಾಡಿದರು.
