ಚಾರ್ಜಿಂಗ್‌ ವೇಳೆ ಬೆಂಕಿ: ಇಲೆಕ್ಟ್ರಿಕ್‌ ಕಾರು ಭಸ್ಮ
ಎಲೆಕ್ಟ್ರಿಕ್‌ ಕಾರನ್ನು ಚಾರ್ಜ್ ಮಾಡುವ ಸಂದರ್ಭದಲ್ಲಿ ಬೆಂಕಿ ಹೊತ್ತಿಕೊಂಡ ಪರಿಣಾಮ ಎರಡು ಕಾರುಗಳು ಭಸ್ಮಗೊಂಡಿವೆ.
ಬಾಗಲಕೋಟೆ: ಎಲೆಕ್ಟ್ರಿಕ್‌ ಕಾರನ್ನು ಚಾರ್ಜ್ ಮಾಡುವ ಸಂದರ್ಭದಲ್ಲಿ ಬೆಂಕಿ ಹೊತ್ತಿಕೊಂಡ ಪರಿಣಾಮ ಎರಡು ಕಾರುಗಳು ಭಸ್ಮಗೊಂಡಿರುವ ಘಟನೆ ಬಾಗಲಕೋಟೆಯ ನವನಗರದಲ್ಲಿ ಸೋಮವಾರ ಸಂಭವಿಸಿದೆ.
ಕಾರುಗಳೆರಡು ಇಲ್ಲಿನ ನಿವಾಸಿ ಇಸಾಕ್‌ ಎಂಬುವರಿಗೆ ಸೇರಿದ್ದಾಗಿವೆ. ಚಾರ್ಜ್ ಇಡಲಾಗಿದ್ದ ಎಲೆಕ್ಟ್ರಿಕ್‌ ಕಾರಿಗೆ ಇದ್ದಕ್ಕಿದ್ದಂತೆ ಬೆಂಕಿ ಹತ್ತಿಕೊಂಡಿದೆ.
ನಂತರ ಪಕ್ಕದಲ್ಲಿರುವ ಇಂಡಿಗೋ ಕಾರಿಗೂ ಆ ಬೆಂಕಿ ತಗುಲಿ ಅದು ಕೂಡ ಭಸ್ಮಗೊಂಡಿದೆ. ಅಗ್ನಿಶಾಮಕ ದಳದ ಸಿಬ್ಬಂದಿ ಬೆಂಕಿ ನಂದಿಸಿ ಹೆಚ್ಚಿನ ಅನಾಹುತ ತಪ್ಪಿಸಿದ್ದಾರೆ. ನವನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Last Updated Jan 29, 2019, 9:03 AM IST
