ಮಹಿಳಾ IPL: ವೆಲೋಸಿಟಿಗೆ 113 ರನ್ ಟಾರ್ಗೆಟ್ ನೀಡಿದ ಟ್ರೈಲ್‌ಬ್ಲೇಜರ್ಸ್!
ಜೈಪುರದಲ್ಲಿ ನಡೆಯುತ್ತಿರುವ ಮಹಿಳಾ ಐಪಿಎಲ್ ಪ್ರದರ್ಶನ ಪಂದ್ಯ ಅಭಿಮಾನಿಗಳಿಗೆ ಉತ್ತಮ ಮನರಂಜನೆ ನೀಡುತ್ತಿದೆ. ಇದೀಗ ವೆಲೋಸಿಟಿ ಹಾಗೂ ಟ್ರೈಲ್‌ಬ್ಲೇಜರ್ಸ್ ನಡುವಿನ 2ನೇ ಪಂದ್ಯದ ಮೊದಲ ಇನ್ನಿಂಗ್ಸ್ ಮುಕ್ತಾಯಗೊಂಡಿದೆ. ಟ್ರೈಲ್‌ಬ್ಲೇಜರ್ಸ್ 112 ರನ್ ಸಿಡಿಸಿದೆ.
ಜೈಪುರ(ಮೇ.08): ಮಹಿಳಾ ಐಪಿಎಲ್ ಪ್ರದರ್ಶನ ಪಂದ್ಯದಲ್ಲಿಂದು ಟ್ರೈಲ್‌ಬ್ಲೇಜರ್ಸ್ ಹಾಗೂ ವೆಲೋಸಿಟಿ ತಂಡಗಳು ಮುಖಾಮುಖಿಯಾಗಿದೆ. ಸೂಪರ್‌ನೋವಾಸ್ ವಿರುದ್ಧದ ಮೊದಲ ಪಂದ್ಯ ಗೆದ್ದು ಬೀಗಿದ್ದ ಟ್ರೈಲ್‌ಬ್ಲೇಜರ್ಸ್ ಇದೀಗ ವೆಲೋಸಿಟ್ ವಿರುದ್ಧ 6 ವಿಕೆಟ್ ನಷ್ಟಕ್ಕೆ 112 ರನ್ ಸಿಡಿಸಿದೆ.
ಟಾಸ್ ಸೋತು ಬ್ಯಾಟಿಂಗ್ ಇಳಿದ ಟ್ರೈಲ್‌ಬ್ಲೇಜರ್ಸ್ ನಿರೀಕ್ಷಿತ ಆರಂಭ ಪಡೆಯಲಿಲ್ಲ. ನಾಯಕಿ ಸ್ಮೃತಿ ಮಂಧಾನ ಕೇವಲ 10 ರನ್ ಸಿಡಿಸಿ ನಿರ್ಗಮಿಸಿದರು. ಇನ್ನು ಸುಜಿ ಬೇಟ್ಸ್ 26 ರನ್ ಕಾಣಿಕೆ ನೀಡಿದರು. ಸ್ಟೇಫಾನಿ ಟೇಲರ್ 5 ರನ್‌ಗೆ ಸುಸ್ತಾದರು. ಆದರೆ ಹರ್ಲಿನ್ ಡಿಯೋಲ್ ತಂಡಕ್ಕೆ ಚೇತರಿಕೆ ನೀಡಿದರು.
ಇತ್ತ ದೀಪ್ತಿ ಶರ್ಮಾ 16 ರನ್ ಸಿಡಿಸಿ ಔಟಾದರು. ಹರ್ಲಿನ್ 43 ರನ್ ಕಾಣಿಕೆ ನೀಡಿದರು. ಭಾರ್ತಿ ಫುಲ್ಮಾಲಿ ಕೇವಲ 2 ರನ್ ಸಿಡಿಸಿ ಔಟಾದರು. ಈ ಮೂಲಕ ಟ್ರೈಲ್‌ಬ್ಲೇಜರ್ಸ್ 6 ವಿಕೆಟ್ ನಷ್ಟಕ್ಕೆ 112 ರನ್ ಸಿಡಿಸಿತು. ಈ ಮೂಲಕ ಮಿಥಾಲಿ ರಾಜ್ ನಾಯಕತ್ವದ ವೆಲೋಸಿಟಿ ತಂಡಕ್ಕೆ 113 ರನ್ ಸುಲಭ ಗುರಿ ನೀಡಿದೆ.
