ಭಾರತ ಈ ಸರಣಿಯೊಂದಿಗೆ ಸತತ 9 ಸರಣಿ ಗೆದ್ದು ವಿಶ್ವ ದಾಖಲೆ ನಿರ್ಮಿಸಿತು. ಈ ಮೊದಲು ಆಸ್ಟ್ರೇಲಿಯಾ ತಂಡ ಈ ಸಾಧನೆ ಮಾಡಿತ್ತು
ನವದೆಹಲಿ(ಡಿ.06): ಆಲ್'ರೌಂಡರ್'ಗಳಾದ ಧನಂಜಯ ಸಿಲ್ವಾ,ರೋಷನ್ ಡಿಸಿಲ್ವಾ ಅವರ ಸಮಯೋಚಿತ ಆಟ ಹಾಗೂ ನಾಯಕ ಚಾಂಡಿಮಲ್ ವಿಕೇಟ್ ಕೀಪರ್ ಅವರ ತಾಳ್ಮೆಯ ಆಟದಿಂದಾಗಿ ಶ್ರೀಲಂಕಾ ತಂಡ ಭಾರತದ ವಿರುದ್ಧ ಸೋಲುವ ಪಂದ್ಯವನ್ನು ಡ್ರಾನಲ್ಲಿ ಸಮಾಪ್ತಿಗೊಳಿಸಿತು.
3ನೇ ಟೆಸ್ಟ್ ಡ್ರಾನಲ್ಲಿ ಅಂತ್ಯವಾಗುವುದರೊಂದಿಗೆ ಟೀಂ ಇಂಡಿಯಾ ಸರಣಿಯನ್ನು 1-0 ಕೈವಶ ಮಾಡಿಕೊಂಡಿತು. ಭಾರತ ಈ ಸರಣಿಯೊಂದಿಗೆ ಸತತ 9 ಸರಣಿ ಗೆದ್ದು ವಿಶ್ವ ದಾಖಲೆ ನಿರ್ಮಿಸಿತು. ಈ ಮೊದಲು ಆಸ್ಟ್ರೇಲಿಯಾ ತಂಡ ಈ ಸಾಧನೆ ಮಾಡಿತ್ತು ಬೌಲರ್'ಗಳು ದಿನವಿಡಿ ಪರದಾಡಿದರೂ ಲಂಕಾ ಪಡೆಯ 2 ವಿಕೇಟ್'ಗಳನ್ನು ಮಾತ್ರ ಪಡೆಯಲು ಸಾಧ್ಯವಾಯಿತು. ಧನಂಜಯ ಸಿಲ್ವಾ ಅವರ ಆಕರ್ಷಕ ಶತಕ ಹಾಗೂ ರೋಷನ್ ಸಿಲ್ವಾ ಅವರ ಅಜೇಯ ಅರ್ಧ ಶತಕ ತಂಡವನ್ನು ಸೋಲಿನಿಂದ ಪಾರು ಮಾಡಿತು.
2 ಅದ್ಭುತ ಜೊತೆಯಾಟ
ಧನಂಜಯ,ನಾಯಕ ಚಾಂಡಿಮಲ್ ಅವರ 5ನೇ ವಿಕೇಟ್'ಗೆ 112 ರನ್ ಹಾಗೂ ರೋಶನ್ ಸಿಲ್ವಾ, ಕೀಪರ್ ಡಿಕ್'ವೆಲ್ಲಾ ಅವರ 6ನೇ ವಿಕೇಟ್'ಗೆ ಮುರಿಯದ 94 ರನ್'ಗಳ ಜೊತೆಯಾಟ ಟೀಂ ಇಂಡಿಯಾ ಗೆಲುವನ್ನು ಕಿತ್ತುಕೊಂಡಿತು. 219 ಎಸೆತಗಳಲ್ಲಿ 15 ಬೌಂಡರಿ ಹಾಗೂ 1 ಸಿಕ್ಸ್'ರ್'ನೊಂದಿಗೆ 119 ರನ್ ಬಾರಿಸಿದ ಧನಂಜಯ್ ಗಾಯಗೊಂಡ ನಿವೃತ್ತಿಗೊಂಡರು. ಇವರಿಗೆ ಜೊತೆಯಾಗಿದ್ದ ಚಾಂಡಿಮಲ್ 90 ಎಸೆತಗಳಲ್ಲಿ 36 ರನ್ ಗಳಿಸಿ ಅಶ್ವಿನ್'ಗೆ ಬೌಲ್ಡ್ ಆದರು.
ರೋಷನ್ ಸಿಲ್ವಾ 154 ಎಸೆತಗಳಲ್ಲಿ 11 ಬೌಂಡರಿಯೊಂದಿಗೆ 74 ಹಾಗೂ ಡಿಕ್'ವಿಲ್ಲಾ 72 ಚಂಡುಗಳಲ್ಲಿ 6 ಬೌಂಡರಿಗಳೊಂದಿಗೆ ಅಜೇಯರಾಗಿ ಉಳಿದರು. 410 ಗುರಿ ಬೆನ್ನಟ್ಟಿದ ಶ್ರೀಲಂಕಾ ಇನ್ನಿಂಗ್ಸ್ ಅಂತ್ಯಕ್ಕೆ 103 ಓವರ್'ಗಳಲ್ಲಿ 299/5 ರನ್ ಗಳಿಸಿತು. ಕೊನೆಯ ದಿನ ಭಾರತದ ಪರ ಜಡೇಜಾ ಹಾಗೂ ಅಶ್ವಿನ್ ಒಂದೊಂದು ವಿಕೇಟ್ ಮಾತ್ರ ಕಬಳಿಸಿದರು. ಸರಣಿಯಲ್ಲಿ 2 ದ್ವಿಶತಕಗಳೊಂದಿಗೆ ಉತ್ತಮವಾಗಿ ಆಟವಾಡಿದ ನಾಯಕ ಕೊಹ್ಲಿ ಪಂದ್ಯ ಹಾಗೂ ಸರಣಿ ಶ್ರೇಷ್ಠ ಪ್ರಶಸ್ತಿಗೆ ಪುರಸ್ಕೃತರಾದರು.
ಸ್ಕೋರ್
ಭಾರತ 536/7ಡಿ ಹಾಗೂ 246/5ಡಿ
ಶ್ರೀಲಂಕಾ 373 ಹಾಗೂ 299/5(103)
(ಧನಂಜಯ ಸಿಲ್ವಾ 119, ರೋಷನ್ ಸಿಲ್ವಾ 74, ಡಿಕ್ವೆಲ್ಲಾ 44, ಚಾಂಡಿಮಾಲ್ 36, ಜಡೇಜಾ 81/3)
ಪಂದ್ಯ ಹಾಗೂ ಸರಣಿ ಶ್ರೇಷ್ಠ: ವಿರಾಟ್ ಕೊಹ್ಲಿ
ಭಾರತಕ್ಕೆ 1-0 ಸರಣಿ ಜಯ
