ಸಾನಿಯಾ ಮತ್ತು ಸ್ಟ್ರೈಕೋವಾ ಜೋಡಿ 6-3, 7-6(7-3) ಸೆಟ್‌'ಗಳಿಂದ ಜೆಕ್‌'ಗಣರಾಜ್ಯದ ರೆನಟಾ ವೊರಾಕೊವಾ ಮತ್ತು ಹಾಲೆಂಡ್‌'ನ ಡೆಮಿ ಸ್ಚುವಾರ್ಸ್ ಎದುರು ಗೆಲುವು ಸಾಧಿಸಿದರು.
ಮಿಯಾಮಿ(ಮಾ.26): ಭಾರತದ ನಂಬರ್ ಒನ್ ಸ್ಟಾರ್ ಡಬಲ್ಸ್ ಆಟಗಾರ್ತಿಯಾದ ಭಾರತದ ಸಾನಿಯಾ ಮಿರ್ಜಾ ಮತ್ತು ಜೆಕ್ ಗಣರಾಜ್ಯದ ಬಾರ್ಬೋರಾ ಸ್ಟ್ರೈಕೋವಾ ಜೋಡಿ, ಮಿಯಾಮಿ ಟೆನಿಸ್ ಟೂರ್ನಿಯ ಪ್ರಿಕ್ವಾರ್ಟರ್ ಫೈನಲ್ ಹಂತಕ್ಕೇರಿದೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಇಲ್ಲಿನ ಟೆನಿಸ್ ಕೋರ್ಟ್ನಲ್ಲಿ ನಡೆದ ಪಂದ್ಯದಲ್ಲಿ ಸಾನಿಯಾ ಮತ್ತು ಸ್ಟ್ರೈಕೋವಾ ಜೋಡಿ 6-3, 7-6(7-3) ಸೆಟ್'ಗಳಿಂದ ಜೆಕ್'ಗಣರಾಜ್ಯದ ರೆನಟಾ ವೊರಾಕೊವಾ ಮತ್ತು ಹಾಲೆಂಡ್'ನ ಡೆಮಿ ಸ್ಚುವಾರ್ಸ್ ಎದುರು ಗೆಲುವು ಸಾಧಿಸಿದರು. ಮೊದಲ ಸೆಟ್'ನಲ್ಲಿ ಸುಲಭ ಗೆಲುವು ದಾಖಲಿಸಿದ ಇಂಡೋ-ಜೆಕ್ ಜೋಡಿಗೆ, ಶ್ರೇಯಾಂಕ ರಹಿತ ಆಟಗಾರ್ತಿಯರಾದ ರೆನಟಾ ಮತ್ತು ಡೆಮಿ ಜೋಡಿ 2ನೇ ಸೆಟ್ನಲ್ಲಿ ಪ್ರಬಲ ಪೈಪೋಟಿ ನೀಡಿತು.
ಸಾನಿಯಾ ಮತ್ತು ಸ್ಟ್ರೈಕೋವಾ ಜೋಡಿ ಟೈ ಬ್ರೇಕರ್ ಅವಕಾಶದಲ್ಲಿ ಅಂಕ ಹೆಚ್ಚಿಸಿಕೊಂಡು ಪಂದ್ಯ ಜಯಿಸುವಲ್ಲಿ ಯಶಸ್ವಿಯಾಯಿತು.
