ಸಲ್ಮಾನ್ ಪರ ವಕಾರ್ ಬ್ಯಾಟ್

ಕರಾಚಿ(ಡಿ.19): ಕ್ರಿಕೆಟ್ ಕಳ್ಳಾಟದಿಂದ ಸಂಪೂರ್ಣ ಮುಕ್ತವಾಗದು ಎಂದು ಇತ್ತೀಚೆಗಷ್ಟೇ ಹೇಳಿದ್ದ, 2010ರ ಸ್ಪಾಟ್ ಫಿಕ್ಸಿಂಗ್ ಪ್ರಕರಣದ ಪ್ರಮುಖ ಆರೋಪಿ ಹಾಗೂ ಪಾಕಿಸ್ತಾನ ಕ್ರಿಕೆಟ್ ತಂಡದ ಮಾಜಿ ನಾಯಕ ಸಲ್ಮಾನ್ ಬಟ್ ಅವರನ್ನು ರಾಷ್ಟ್ರೀಯ ತಂಡಕ್ಕೆ ಪುನರ್ ಸೇರ್ಪಡೆಗೊಳಿಸಬೇಕು ಎಂದು ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ವಕಾರ್ ಯೂನಿಸ್ ಆಗ್ರಹಿಸಿದ್ದಾರೆ.

ದೇಶೀಯ ಟೂರ್ನಿ ಖಾಯಿದ್-ಎ-ಆಜಂ ಪಂದ್ಯಾವಳಿಯ ಫೈನಲ್‌ನ ಪಂದ್ಯದಲ್ಲಿ ಡಬ್ಲ್ಯೂಎಪಿಡಿಎ ತಂಡದ ಪರ ಎರಡೂ ಇನಿಂಗ್ಸ್‌ಗಳಲ್ಲಿ ಶತಕಗಳನ್ನು ಸಿಡಿಸಿರುವ ಅವರು ತಮ್ಮ ತಂಡವು ಎದುರಾಳಿ ಹಬೀಬ್ ಬ್ಯಾಂಕ್ ವಿರುದ್ಧ ಜಯ ಸಾಧಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.

ಇಡೀ ಟೂರ್ನಿಯಲ್ಲಿ 516 ರನ್ ಗಳಿಸಿದ್ದ ಭಟ್‌'ಗೆ ಮತ್ತೊಂದು ಅವಕಾಶ ಕಲ್ಪಿಸುವುದುಚಿತ ಎಂದು ವಕಾರ್ ಹೇಳಿದ್ದಾರೆ.

• Salman Butt
• Waqar Younis
• PCB