ಸದ್ದು ಮಾಡುತ್ತಿದೆ ಸಚ್ಚಿನ್.. ಸಚ್ಚಿನ್ ಸಾಂಗ್..!
ಹಾಡು ಬಿಡುಗಡೆಯ ಬಳಿಕ ಮಾತನಾಡಿದ ಸಚಿನ್, 'ಇದು ಹಳೆಯ ನೆನಪುಗಳನ್ನು ಮರುಕಳಿಸುವಂತೆ ಮಾಡಿದೆ' ಎಂದಿದ್ದಾರೆ.
ಮುಂಬೈ(ಮೇ.09): ಇದೇ ತಿಂಗಳು ಬಿಡುಗಡೆಗೆ ಕಾಯುತ್ತಿರುವ ಸಚಿನ್ ಎ ಬಿಲಿಯನ್ ಡ್ರೀಮ್ಸ್ ಚಿತ್ರದ ಸಚಿನ್...ಸಚಿನ್ ಹಾಡು ಈಗಷ್ಟೇ ಸ್ವತಃ ಸಚಿನ್ ತೆಂಡೂಲ್ಕರ್ ಬಿಡುಗಡೆ ಮಾಡಿದ್ದು, ಒಂದು ಗಂಟೆಯಲ್ಲೇ ಹಾಡು ಭಾರೀ ಜನಪ್ರಿಯತೆ ಗಿಟ್ಟಿಸಿಕೊಂಡಿದೆ.
ಯ್ಯೂಟ್ಯೂಬ್‌ನಲ್ಲಿ ಬಿಡುಗಡೆಯಾದ ಸಚಿನ್ ಎ ಬಿಲಿಯನ್ ಡ್ರೀಮ್ಸ್ ಚಿತ್ರದ ಸಚ್ಚಿನ್... ಸಚ್ಚಿನ್ ಹಾಡು ಕೇವಲ ಒಂದು ಗಂಟೆಯಲ್ಲೇ 15 ಸಾವಿರಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ. ಹಾಡು ಬಿಡುಗಡೆಯ ಬಳಿಕ ಮಾತನಾಡಿದ ಸಚಿನ್, 'ಇದು ಹಳೆಯ ನೆನಪುಗಳನ್ನು ಮರುಕಳಿಸುವಂತೆ ಮಾಡಿದೆ' ಎಂದಿದ್ದಾರೆ.
ಇರ್ಷಾದ್ ಕಮೀಲ್ ಬರೆದಿರುವ ಈ ಗೀತೆಯನ್ನ ಬಾಲಿವುಡ್‌'ನ ಖ್ಯಾತ ಗಾಯಕ ಸುಖ್ವಿಂದರ್ ಸಿಂಗ್ ಹಾಡಿದ್ದು, ಎ.ಆರ್ ರಹಮಾನ್ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಚಿತ್ರ ಇದೇ ಮೇ 26ರಂದು ತೆರೆಗೆ ಅಪ್ಪಳಿಸಲಿದೆ.
ಕಳೆದ ತಿಂಗಳಷ್ಟೇ ಸಚಿನ್ ಸಿನೆಮಾದ ಟ್ರೈಲರ್ ಬಡಿಯಾಗಿತ್ತು. ಅದಕ್ಕೆ ವ್ಯಾಪಕವಾಗಿ ಉತ್ತಮ ಪ್ರತಿಕ್ರಿಯೆ ಕೂಡಾ ವ್ಯಕ್ತವಾಗಿತ್ತು.
