ಸೆಹ್ವಾಗ್ ಕೆಣಕಲು ರಾಸ್'ಗೆ ಹಿಂದಿ ಹೇಳಿಕೊಟ್ಟವರಾರು..? ಬಯಲಾಯ್ತು ರಾಸ್ ಟೇಲರ್ ಹಿಂದಿ ಸೀಕ್ರೇಟ್..!
ಸದ್ಯ ಟೇಲರ್ ತಮ್ಮ ತವರಿಗೆ ಮರಳಿದ್ದಾಗಿದೆ. ಹೋಗುವಾಗ ಭಾರತೀಯರಿಗೆ ಧನ್ಯವಾದವನ್ನು ಕೂಡಾ ಹೇಳಿದ್ದಾರೆ. ಏನೇ ಆದರೂ ಒಬ್ಬ ಅದ್ಭುತ ವಿದೇಶಿ ಕ್ರಿಕೆಟರ್ ಕೇವಲ ಕ್ರಿಕೆಟ್ ಆಡಲು ಭಾರತಕ್ಕೆ ಬಂದು ನಂತರ ಇಡೀ ದೇಶದ ಹೃದಯ ಗೆದ್ದಿರೋದು ಮಾತ್ರ ನಿಜಕ್ಕೂ ಗ್ರೇಟ್.
ನವದೆಹಲಿ(ನ.11): ಭಾರತ ವಿರುದ್ಧ ಏಕದಿನ ಮತ್ತು ಟಿ20 ಸರಣಿಗಳೆರಡನ್ನೂ ಸೋತ ನ್ಯೂಜಿಲೆಂಡ್, ಇದೀಗ ತವರಿಗೆ ಮರಳಿದೆ. ಆದರೆ ಟೂರ್ನಿಯುದ್ದಕ್ಕೂ ಟ್ವಿಟ್ಟರ್'ನಲ್ಲಿ ಹಿಂದಿ ಪೋಸ್ಟ್'ಗಳ ಮೂಲಕ ಗಮನ ಸೆಳದಿದ್ದ ರಾಸ್ ಟೇಲರ್, ತವರಿಗೆ ಮರಳುವ ಮುನ್ನ ತನಗೆ ಹಿಂದಿ ಪಾಠ ಮಾಡಿದ ಗುರುಗಳನ್ನ ಪರಿಚಯ ಮಾಡಿಕೊಡುವುದನ್ನು ಮರೆತಿಲ್ಲ. ಅಷ್ಟಕ್ಕೂ ಟೇಲರ್'ಗೆ ಹಿಂದಿ ಹೇಳಿಕೊಟ್ಟಿದ್ದು ಯಾರು ಗೊತ್ತಾ?
ರಾಸ್ ಟೇಲರ್ ಹಿಂದಿಗೆ ಭಾರತವೇ ಫಿದಾ:
ಹೌದು, ನ್ಯೂಜಿಲೆಂಡ್ ವಿರುದ್ಧದ ಏಕದಿನ ಮತ್ತು ಟಿ20 ಸರಣಿ ಭಾರತದ ಕ್ರಿಕೆಟ್ ಪ್ರೇಮಿಗಳಿಗೆ ಅಷ್ಟು ಕಿಕ್ ಕೊಡ್ತೋ ಅದರಷ್ಟೇ ಕಿಕ್ ಕೊಟ್ಟಿದ್ದು ರಾಸ್ ಟೇಲರ್ ಮತ್ತು ವಿರೇಂದ್ರ ಸೆಹ್ವಾಗ್ ಟ್ವಿಟ್ಟರ್ ವಾರ್. ಮೊದಲ ಏಕದಿನ ಪಂದ್ಯದ ವೇಳೆ ಶುರುವಾದ ಇವರಿಬ್ಬರ ಟ್ವಿಟ್ಟರ್ ವಾರ್ ಸರಣಿ ಮುಗಿಯೋವರೆಗೂ ಮುಂದುವರೆದಿತ್ತು. ಆದರೆ ಇವರಿಬ್ಬರ ನಡುವಿನ ವಾರ್ ಭಾರತದ ಕ್ರಿಕೆಟ್ ಪ್ರೇಮಿಗಳಿಗೆ ಸಖತ್ ಮನರಂಜನೆ ನೀಡಿದ್ದಂತೂ ಸುಳ್ಳಲ್ಲ.
Well played @RossLTaylor Darji ji . Great effort after handling the pressure of Diwali orders .#indvsnz
— Virender Sehwag (@virendersehwag) 22 October 2017
ಸೆಹ್ವಾಗ್ ಮತ್ತು ರಾಸ್ ಟೇಲರ್ ನಡುವಿನ ಟ್ವಿಟ್ಟರ್ ವಾರ್ ಶುರುವಾಗಿದ್ದು ಮೊದಲ ಏಕದಿನ ಪಂದ್ಯದಲ್ಲಿ. ಟೇಲರ್ ಮೊದಲ ಪಂದ್ಯದಲ್ಲಿ 95 ರನ್ಗಳಿಸಿ ನ್ಯೂಜಿಲೆಂಡ್ ತಂಡವನ್ನು ಗೆಲುವಿನ ದಡ ಸೇರಿಸಿದ್ದರು. ಅಂದು ಟೇಲರ್'ರನ್ನ ದರ್ಜಿ ಎಂದು ಕರೆದ ವೀರೂ, ದೀಪಾವಳಿ ಹಬ್ಬದಲ್ಲಿ ಬಟ್ಟೆ ಹೊಲಿಯೋ ಕೆಲಸ ಜಾಸ್ತಿ ಇದ್ರೂ ಅದ್ಭುತ ಪ್ರದರ್ಶನ ತೋರಿದ್ದೀರಿ ಎಂದು ಟ್ವಿಟ್ ಮಾಡಿದ್ದರು. ಇದಕ್ಕೆ ಟೇಲರ್ ಹಿಂದಿಯಲ್ಲೇ ರಿಪ್ಲೈ ಮಾಡಿ ಎಲ್ಲರನ್ನೂ ದಂಗು ಬಡಿಸಿದ್ರು. ಸೆಹ್ವಾಗ್'ಗೆ ಟಾಂಗ್ ಕೊಡುವಂತೆ 'ಮುಂದಿನ ಬಾರಿ ಬೇಗ ನಿಮ್ಮ ಆರ್ಡರ್'ಗಳನ್ನ ನೀಡಿ ಟೈಂಗೆ ಸರಿಯಾಗಿ ಡಿಲಿವರಿ ಮಾಡುವೆ' ಎಂದು ಹಿಂದಿಯಲ್ಲಿ ಟ್ವಿಟ್ ಮಾಡಿದ್ರು.
ಟೇಲರ್'ನ ಈ ಟ್ವಿಟ್'ಗೆ ಸ್ವತಃ ವೀರೂ ಬೆಚ್ಚಿಬಿದ್ದಿದ್ದರು. ಏನಾದ್ರೂ ಮಾಡಿ ಟೇಲರ್'ಗೆ ತಿರುಗೇಟು ನೀಡಬೇಕು ಅಂತ ಯೋಚನೆ ಮಾಡಿ ಟೇಲರ್ ಟ್ವಿಟ್ಟರ್'ಗೆ ಈಗ ಕೊಟ್ಟ ಪ್ಯಾಂಟನ್ನೇ ಮುಂದಿನ ವರ್ಷ ಚಿಕ್ಕದ್ದಾಗಿ ಹೊಲೆದು ಕೊಡಿ ಎಂದು ಸೆಹ್ವಾಗ್ ರಿಪ್ಲೇ ಮಾಡಿದ್ರು.
Hahaha Masterji , is saal waali patloon hi ek bilaang choti karke dena next diwali pe. Ross the Boss, most sporting :) https://t.co/FNpAwrWCB4
— Virender Sehwag (@virendersehwag) 23 October 2017
ಇಷ್ಟಕ್ಕೆ ಸುಮ್ಮನಾಗ್ ಸೆಹ್ವಾಗ್ ಟೇಲರ್'ಗೆ ಆಧಾರ್ ಕಾರ್ಡ್ ಕೊಡಿಸಲು ಶಿಫಾರಸು ಕೂಡಾ ಮಾಡೇ ಬಿಟ್ರು.
Highly impressed by you @RossLTaylor . @UIDAI , can he be eligible for an Aadhaar Card for such wonderful Hindi skills. https://t.co/zm3YXJdhk2
— Virender Sehwag (@virendersehwag) 6 November 2017
ಇವರಿಬ್ಬರ ಟ್ವಿಟ್ಟರ್ ಕಿಕ್ ಎಷ್ಟರ ಮಟ್ಟಿಗೆ ಹೊಯ್ತು ಅಂದರೆ 2ನೇ ಟಿ20ಯ ನಂತರ ಟೇಲರ್ ಒಂದು ಮುಚಿದ್ದ ಬಟ್ಟೆ ಅಂಗಡಿಯ ಮುಂದೆ ಕೂತು ಫೋಟೋ ತೆಗೆದು ಅದನ್ನ ಟ್ವಿಟ್ಟರ್'ನಲ್ಲಿ ಅಪ್ಲೋಡ್ ಮಾಡಿ, ಅಂಗಡಿ ಬಂದ್ ಮಾಡಿದ್ದೇನೆ ಈಗ ತ್ರಿವೆಂಡ್ರಮ್'ಗೆ ಹೋಗ್ತಿದ್ದೀನಿ. ಮತ್ತೆ ಬರುವೆ ಎಂದು ಪೋಸ್ಟ್ ಹಾಕಿದ್ದರು. ಇದು ವೀರೂಗೆ ತುಂಬಾನೇ ಇಷ್ಟವಾಗಿಬಿಡ್ತು. ತಡಮಾಡದೆ ಟೇಲರ್'ಗೆ ಆಧಾರ್ ಕಾರ್ಡ್ ಕೊಡುವಂತೆ ಆಧಾರ್ ಕಂಪನಿಗೆ ಶಿಫಾರಸು ಮಾಡಿ ಪೇಚಿಗೆ ಸಿಲುಕಿದ್ದರು.
ಟೇಲರ್'ರ ಹಿಂದಿ ಪೋಸ್ಟ್ಗಳನ್ನ ನೋಡಿದ ಪ್ರತಿಯೊಬ್ಬರೂ ಟೇಲರ್ಗೆ ಹಿಂದಿ ಬರುತ್ತಾ..? ಅವರು ಇಷ್ಟು ಪಕ್ವವಾಗಿ ಹೇಗೆ ನಮ್ಮ ಹಿಂದಿ ಭಾಷೆಯನ್ನ ಕಲಿತರು ಎಂಬ ಪ್ರಶ್ನೆಗಳು ಮೂಡ ತೊಡಗಿದ್ದವು. ಆದರೆ ಟೇಲರ್ ತಮ್ಮ ತವರಿಗೂ ಮರಳೋ ಮುನ್ನ ತಮ್ಮ ಹಿಂದಿ ಮೇಷ್ಟ್ರೂಗಳನ್ನ ತಮ್ಮ ಅಭಿಮಾನಿಗಳಿಗೆ ಪರಿಚಯಿಸಿದ್ದಾರೆ. ಅವರೇ ಕಿವೀಸ್ ತಂಡದಲ್ಲಿರುವ ಭಾರತೀಯ ಮೂಲದ ಇಶ್ ಸೋಧಿ ಮತ್ತು ಸಿಬ್ಬಂದಿ ಮೆಂಮ್ಬರ್ ದೇವ್.
ಹೌದು, ಸದ್ಯ ಕೀವಿಸ್ ತಂಡದ ಬೌಲಿಂಗ್ ಟ್ರಂಪ್ ಕಾರ್ಡ್ ಇಶ್ ಸೋಧಿ ಮತ್ತು ಸ್ಟಾಫ್ ಮೆಂಮ್ಬರ್ ದೇವ್ ಅವರು ಟೇಲರ್ಗೆ ಹಿಂದಿ ಕಲಿಯಲು ನೆರವಾಗಿದ್ದರಂತೆ. ಅಷ್ಟೇ ಅಲ್ಲ ಪ್ರತೀ ಬಾರಿ ತಮ್ಮ ಟ್ವಿಟ್'ಗಳ ಮೂಲಕ ಕಾಲೆಯುತ್ತಿದ್ದ ವೀರೂಗೆ ಮೊದಲ ಬಾರಿಗೆ ಟೇಲರ್ ಶಾಕ್ ಕೊಡಲು ಇವರಿಬ್ಬರು ನೆರವಾಗಿದ್ದರು.
ಸದ್ಯ ಟೇಲರ್ ತಮ್ಮ ತವರಿಗೆ ಮರಳಿದ್ದಾಗಿದೆ. ಹೋಗುವಾಗ ಭಾರತೀಯರಿಗೆ ಧನ್ಯವಾದವನ್ನು ಕೂಡಾ ಹೇಳಿದ್ದಾರೆ. ಏನೇ ಆದರೂ ಒಬ್ಬ ಅದ್ಭುತ ವಿದೇಶಿ ಕ್ರಿಕೆಟರ್ ಕೇವಲ ಕ್ರಿಕೆಟ್ ಆಡಲು ಭಾರತಕ್ಕೆ ಬಂದು ನಂತರ ಇಡೀ ದೇಶದ ಹೃದಯ ಗೆದ್ದಿರೋದು ಮಾತ್ರ ನಿಜಕ್ಕೂ ಗ್ರೇಟ್.