ಬೀಜಿಂಗ್(ಅ.03): ಚೀನಾ ಓಪನ್ ಟೆನಿಸ್ ಪಂದ್ಯಾವಳಿಯಲ್ಲಿ ಭಾಗವಹಿಸಲಿರುವ ಭಾರತೀಯ ಟೆನಿಸಿಗ ರೋಹನ್ ಬೋಪಣ್ಣ, ಪುರುಷರ ಡಬಲ್ಸ್ ವಿಭಾಗದ ತಮ್ಮ ಮೊದಲ ಸುತ್ತಿನ ಪಂದ್ಯದಲ್ಲಿ ವಿಶ್ವದ 4ನೇ ಶ್ರೇಯಾಂಕಿತ, ಸ್ಪೇನ್ನ ರಾಫೆಲ್ ನಡಾಲ್ ಜೋಡಿಯನ್ನು ಎದುರಿಸಲಿದ್ದಾರೆ.
ಈ ಪಂದ್ಯದಲ್ಲಿ ಬೋಪಣ್ಣ ಅವರು ತಮ್ಮ ಜತೆಗಾರ, ಕೆನಡಾದ ಡೇನಿಯಲ್ ನೆಸ್ಟರ್ ಜತೆಗೆ ಕಣಕ್ಕಿಳಿದರೆ, ನಡಾಲ್ ಅವರು ತಮ್ಮ ದೇಶದವರೇ ಆದ ಫಾಬ್ಲೊ ಕಾರೆಟ್ಟೊ ಜತೆಗೆ ಆಡಲಿದ್ದಾರೆ.
ಕಳೆದ ತಿಂಗಳು ನವದೆಹಲಿಯಲ್ಲಿ ನಡೆದಿದ್ದ ಭಾರತ-ಸ್ಪೇನ್ ನಡುವಿನ ಡೇವಿಸ್ ಕಪ್ ವಿಶ್ವ ಗುಂಪಿನ ಪ್ಲೇ ಆಫ್ ಸುತ್ತಿನಲ್ಲಿ ಈ ಇಬ್ಬರೂ ಮುಖಾಮುಖಿಯಾಗುವ ಸಂಭವವಿತ್ತು. ಆದರೆ, ಗಾಯದ ಸಮಸ್ಯೆಯಿಂದಾಗಿ ಬೋಪಣ್ಣ ಟೂರ್ನಿಯಿಂದ ಹೊರನಡೆದಿದ್ದರು.
