19 ವರ್ಷದ ಯುವ ಎಡಗೈ ಆಟಗಾರ ರಿಷಬ್ ಪಂತ್ 28 ವರ್ಷಗಳ ಹಿಂದೆ ಆರ್.ಕೆ ಬೋಹ್ರ ಮತ್ತು ವಿ.ಜಿ ಚಂದ್ರಶೇಖರ್ ಹೆಸರಿನಲ್ಲಿದ್ದ(56 ಎಸೆತಗಳಲ್ಲಿ ಶತಕ) ದಾಖಲೆಯನ್ನು ಅಳಿಸಿಹಾಕಿದರು.
ತಿರುವನಂತಪುರಂ(ನ.08): ಸಿಡಿಲಬ್ಬರದ ಬ್ಯಾಟಿಂಗ್ ಮೂಲಕ ಶತಕ ಪೂರೈಸಿದ ದೆಹಲಿಯ ಯುವ ಕ್ರಿಕೆಟಿಗ ರಿಷಬ್ ಪಂತ್ ರಣಜಿ ಕ್ರಿಕೆಟ್ ಇತಿಹಾಸದಲ್ಲೇ ಅತೀ ವೇಗದ ಶತಕ ಪೂರೈಸಿದ ಆಟಗಾರ ಎಂಬ ಕೀರ್ತಿಗೆ ಭಾಜನರಾಗಿದ್ದಾರೆ.
ತಿರುವನಂತಪುರಂನ ಸೇಂಟ್ ಕ್ಸೇವಿಯರ್- ಕೆಸಿಎ ಮೈದಾನದಲ್ಲಿ ಜಾರ್ಖಂಡ್ ವಿರುದ್ಧದ ಪಂದ್ಯದಲ್ಲಿ ಕೇವಲ 48 ಎಸೆತಗಳಲ್ಲಿ ಶತಕ ಪೂರೈಸುವ ಮೂಲಕ ಪಂತ್ ನೂತನ ದಾಖಲೆ ನಿರ್ಮಿಸಿದ್ದಾರೆ.
19 ವರ್ಷದ ಯುವ ಎಡಗೈ ಆಟಗಾರ ರಿಷಬ್ ಪಂತ್ 28 ವರ್ಷಗಳ ಹಿಂದೆ ಆರ್.ಕೆ ಬೋಹ್ರ ಮತ್ತು ವಿ.ಜಿ ಚಂದ್ರಶೇಖರ್ ಹೆಸರಿನಲ್ಲಿದ್ದ(56 ಎಸೆತಗಳಲ್ಲಿ ಶತಕ) ದಾಖಲೆಯನ್ನು ಅಳಿಸಿಹಾಕಿದರು.
ರಿಷಭ್ 28 ವರ್ಷಗಳ ಹಿಂದಿನ ದಾಖಲೆಯನ್ನು ಅಳಿಸಿಹಾಕಿದ್ದು, ನೂತನ ಸಾಧನೆ ಮಾಡಿದ್ದಾರೆ. ಈ ಹಿಂದೆ ತಮಿಳುನಾಡಿನ ಆರಂಭಿಕ ಬ್ಯಾಟ್ಸ್ಮನ್ ವಿ.ಬಿ. ಚಂದ್ರಸೇಖರ್, 1988-89ರಲ್ಲಿ ಇರಾನಿ ಕಪ್ ಪಂದ್ಯದಲ್ಲಿ ಇತರೆ ಭಾರತ ತಂಡದ ವಿರುದ್ಧ 56 ಎಸೆತಗಳಲ್ಲಿ ಮೂರಂಕಿ ಮೊತ್ತ ದಾಖಲಿಸಿದ್ದರು.
ರಿಷಭ್ 7 ಇನಿಂಗ್ಸ್ಗಳಿಂದ 133.16ರ ಸರಾಸರಿ ಮತ್ತು 113.17ರ ಸ್ಟ್ರೈಕ್ ರೇಟ್ನಲ್ಲಿ 4 ಶತಕಗಳಿಸಿದ್ದಾರೆ. ರಿಷಭ್ 5 ಪಂದ್ಯಗಳಲ್ಲಿ 44 ಸಿಕ್ಸರ್ ಸಿಡಿಸಿದ್ದಾರೆ. ರಿಷಭ್ ಈ ಸೀಸನ್ನಲ್ಲಿ 146, 308, 24, 09, 60, 117 ಮತ್ತು 135ರನ್ಗಳಿಸಿದ್ದಾರೆ.
ಇತ್ತೀಚೆಗಷ್ಟೇ ಮಹರಾಷ್ಟ್ರ ವಿರುದ್ಧದ ಪಂದ್ಯದಲ್ಲಿ 308 ರನ್ ಸಿಡಿಸುವ ಮೂಲಕ ಪ್ರಥಮ ದರ್ಜೆ ಕ್ರಿಕೆಟ್'ನಲ್ಲಿ ತ್ರಿಶತಕ ಬಾರಿಸಿದ ಎರಡನೇ ವಿಕೆಟ್ ಕೀಪರ್ ಎಂಬ ಮೈಲುಗಲ್ಲನ್ನು ಸ್ಥಾಪಿಸಿದ್ದರು.
