ದೆಹಲಿ(ಸೆ.14): ಇಂಡಿಯನ್ ಪ್ರೀಮಿಯರ್ ಲೀಗ್ ಎಂಬ ಹೊಸ ಕನಸನ್ನು ಕಟ್ಟಿ ಬೆಳೆಸಿ, ವಿಶ್ವ ಮಟ್ಟದಲ್ಲಿ ಗುರುತಿಸಿಕೊಳ್ಳುವಂತೆ ಮಾಡಿ, ನಂತರ ಅಲ್ಲಿಂದಲೇ ಉಚ್ಚಾಟಿತಗೊಂಡ ಲಲಿತ್ ಮೋದಿ ಅವರ ತಮ್ಮ ಮಗನನ್ನು ಕ್ರಿಕೆಟ್ ಅಂಗಳದಲ್ಲಿ ಬೆಳೆಸುತ್ತಿದ್ದಾರೆ.
ಸದ್ಯ ಲಲಿತ್ ಮೋದಿ ಅವರ ಮಗ, ರಾಜಸ್ಥಾನ್ ಕ್ರಿಕೆಟ್ ಸಂಸ್ಥೆಯ ಅಧಿನದಲ್ಲಿ ಬರುವ ಅಲ್ವಾರ್ ಜಿಲ್ಲೆಯ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಮುಂದೆ ಒಂದೊಂದಾಗಿ ಅಧಿಕಾರವನ್ನು ಪಡೆಯುವುದು ಅವರ ಗುರಿಯಾಗಿದೆ.
ಈ ಮೂಲಕ ಮೋದಿ ತಮ್ಮ ಮಗನನ್ನು ರಾಜಸ್ಥಾನ್ ಕ್ರಿಕೆಟ್ ಸಂಸ್ಥೆಯ ಅಧ್ಯಕ್ಷನ್ನಾಗಿರುವ ಕನಸು ಕಾಣುತ್ತಿದ್ದಾರೆ. ತನ್ನಿಂದ ದೂರವಾಗಿದ್ದ ಅಧಿಕಾರವನ್ನು ಮಗನ ಮೂಲಕ ಪಡೆಯುವ ಪ್ರಯತ್ನವನ್ನು ಮಾಡುತ್ತಿದ್ದಾರೆ.
ಸದ್ಯ ಬಂಧನದ ಭೀತಿಯಿಂದ ಭಾರತದಿಂದ ಹೊರಗಡೆ ನೆಲೆಸಿರುವ ಲಲಿತ್ ಮೋದಿ ತಮ್ಮ ಪ್ರಭಾವ ಬೀರಿ ಅವರ ಮಗ ರುಚಿರ್ ಮೋದಿಯನ್ನು ಅಧ್ಯಕ್ಷನ್ನಾಗಿಸುವಲ್ಲಿ ಸಫಲವಾಗಿದ್ದಾರೆ ಎನ್ನಲಾಗಿದೆ.
