ಬೀಜಿಂಗ್(ಅ.03): ಭಾರತೀಯ ಟೆನಿಸ್ ಆಟಗಾರರಾದ ಲಿಯಾಂಡರ್ ಪೇಸ್ ಹಾಗೂ ರೋಹನ್ ಬೋಪಣ್ಣ ಇಲ್ಲಿ ನಡೆಯುತ್ತಿರುವ ಚೀನಾ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಡಬಲ್ಸ್ ವಿಭಾಗದ ಆರಂಭಿಕ ಸುತ್ತಿನಲ್ಲೇ ಸೋತು ಹೊರಬಿದ್ದಿದ್ದಾರೆ.
ತಮ್ಮ ಜತೆಗಾರ ಕೆನಡಾದ ಡೇನಿಯಲ್ ನೆಸ್ಟರ್ ಜತೆಗೂಡಿ ಕಣಕ್ಕಿಳಿದಿದ್ದ ರೋಹನ್ ಬೋಪಣ್ಣ, ಸ್ಪೇನ್ನ ಎದುರಾಳಿಗಳಾದ ರಾಫೆಲ್ ನಡಾಲ್ ಹಾಗೂ ಪಾಬ್ಲೊ ಕ್ಯಾರೆನೊ ಬುಸ್ಟಾವಿರುದ್ಧ 6-7, 4-6 ಸೆಟ್ಗಳ ಅಂತರದಲ್ಲಿ ಮಣಿದರೆ, ಮತ್ತೊಂದು ಪಂದ್ಯದಲ್ಲಿ ಲಿಯಾಂಡರ್ ಪೇಸ್ ಹಾಗೂ ಜರ್ಮನಿಯ ಜತೆಗಾರ ಆಂಡ್ರೆ ಬೆಗೆಮನ್ ಜೋಡಿ ಅಮೆರಿಕದ ಜ್ಯಾಕ್ ಸೋಕ್ ಹಾಗೂ ಆಸ್ಪ್ರೇಲಿಯಾದ ಬರ್ನಾಡ್ ಟಾಮಿಕ್ ಜೋಡಿ ವಿರುದ್ಧ 6-3, 5-7, 7-10 ಸೆಟ್ಗಳ ಅಂತರದಲ್ಲಿ ಸೋಲು ಕಂಡಿತು.
ಸುಮಾರು ಒಂದು ಗಂಟೆ ಮೂವತ್ತು ನಿಮಿಷಗಳ ಕಾಲ ನಡೆದ ಪಂದ್ಯದ ಆರಂಭಿಕ ಸೆಟ್ನಲ್ಲಿ ಭಾರತ- ಕೆನಡಾ ಜೋಡಿ, ಉತ್ತಮ ಹೋರಾಟ ತೋರಿದರಾದರೂ ವಿಶ್ವದ 4ನೇ ಶ್ರೇಯಾಂಕಿತ ಆಟಗಾರ ರಾಫೆಲ್ ನಡಾಲ್ ಹಾಗೂ ಅವರ ಪಾಬ್ಲೊ ಅವರ ಮುಂದೆ ಕೊಂಚ ಮಂಕಾದಂತೆ ಕಂಡಿತು. ಆದರೂ, ಛಲ ಬಿಡದೇ ನೀಡಿದ ಹೋರಾಟದ ಹೊರತಾಗಿಯೂ ಈ ಜೋಡಿ ಸೋಲು ಕಾಣಬೇಕಾಯಿತು. ಮತ್ತೊಂದು ಪಂದ್ಯದಲ್ಲಿ ಸುಮಾರು ಒಂದು ಗಂಟೆ ಇಪ್ಪತ್ತೇಳು ನಿಮಿಷಗಳವರೆಗೆ ಸೆಣಸಿದ ಲಿಯಾಂಡರ್ ಹಾಗೂ ಬೆಗೆಮನ್ ಜೋಡಿ ಮೂರು ಸೆಟ್ಗಳ ಕಠಿಣಕಾರಿ ಹೋರಾಟದಲ್ಲಿ ಸೋಲಪ್ಪಿತು.
