ದೆಹಲಿಯಲ್ಲಿ ನಡೆದ ಖೋ ಖೋ ವಿಶ್ವಕಪ್ 2025ರ ಸೆಮಿಫೈನಲ್ನಲ್ಲಿ ಭಾರತ ಮಹಿಳಾ ತಂಡ ದಕ್ಷಿಣ ಆಫ್ರಿಕಾವನ್ನು 66-16 ಅಂಕಗಳಿಂದ ಮಣಿಸಿ ಫೈನಲ್ ಪ್ರವೇಶಿಸಿದೆ. ಚೈತ್ರಾ, ರೇಷ್ಮಾ, ವೈಷ್ಣವಿ, ನಸ್ರೀನ್ ಮತ್ತು ನಿರ್ಮಲಾ ಉತ್ತಮ ಪ್ರದರ್ಶನ ನೀಡಿದರು. ಜನವರಿ 19ರಂದು ನೇಪಾಳದೊಂದಿಗೆ ಫೈನಲ್ ಪಂದ್ಯ ನಡೆಯಲಿದೆ.
ನವದೆಹಲಿ: ಇಲ್ಲಿನ ಇಂದಿರಾ ಗಾಂಧಿ ಒಳಾಂಗಣ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಖೋ ಖೋ ವಿಶ್ವಕಪ್ 2025ರ ಸೆಮಿಫೈನಲ್ ಪಂದ್ಯದಲ್ಲಿ ಮತ್ತೊಮ್ಮೆ ಸ್ಫೂರ್ತಿದಾಯಕ ಪ್ರದರ್ಶನ ತೋರಿದ ಭಾರತ ಮಹಿಳಾ ಖೋ ಖೋ ತಂಡವು 66-16 ಅಂಕಗಳಿಂದ ದಕ್ಷಿಣ ಆಫ್ರಿಕಾವನ್ನು ಮಣಿಸಿ ಫೈನಲ್ ಪ್ರವೇಶಿಸಿದೆ.
ದಾಳಿ ಮತ್ತು ಡಿಫೆನ್ಸ್ ಎರಡರಲ್ಲೂ ಗಮನಾರ್ಹ ಪ್ರದರ್ಶನ ತೋರಿದ ವುಮೆನ್ ಇನ್ ಬ್ಲೂ ತಂಡ ನೇಪಾಳದೊಂದಿಗೆ ಫೈನಲ್ ಪಂದ್ಯಕ್ಕೆ ವೇದಿಕೆ ಸಜ್ಜುಗೊಳಿಸಿಕೊಂಡಿದೆ.
ನಾಜಿಯಾ ಬೀಬಿ ಮತ್ತು ನಿರ್ಮಲಾ ಭಾಟಿ ಡಿಫೆಂಡರ್ ಗಳಿಂದ ಸಿಕ್ಕಿಬಿದ್ದ ನಂತರವೂ ಚೈತ್ರಾ .ಬಿ ಅವರ ಡ್ರೀಮ್ ರನ್ ಸಾಹಸದಿಂದ ವುಮೆನ್ ಇನ್ ಬ್ಲೂ ತನ್ನದೇ ಶೈಲಿಯಲ್ಲಿ ಮಿಂಚಿತು.
ಖೋ ಖೋ ವಿಶ್ವಕಪ್ 2025: ಭಾರತ ಪುರುಷರ ತಂಡ ಫೈನಲ್ಗೆ
ದಕ್ಷಿಣ ಆಫ್ರಿಕಾದ ಸಿನೆಥೆಂಬಾ ಮೊಸಿಯಾ ವಿರುದ್ಧ ನಿರ್ಗಮಿಸುವ ಮೊದಲು ಅವರು ಏಕಾಂಗಿಯಾಗಿ 5 ಅಂಕಗಳನ್ನು ಗಳಿಸಿದರು. ಅವಧಿ 1 ರ ಕೊನೆಯಲ್ಲಿ ದಕ್ಷಿಣ ಆಫ್ರಿಕಾದ 8 ಅಂಕಗಳ ಸಮೀಪಕ್ಕೆ ಕರೆದೊಯ್ಯಲು ಇದು ಸಾಕಾಗಿತ್ತು, ಇದು ಅವರಿಗೆ ಪಂದ್ಯಕ್ಕೆ ಪರಿಪೂರ್ಣ ಆರಂಭವನ್ನು ನೀಡಿತು.
2ನೇ ಅವಧಿಯಲ್ಲಿ ರೇಷ್ಮಾ ಪೂರ್ಣ ಫಾರ್ಮ್ ನಲ್ಲಿದ್ದು, ದಕ್ಷಿಣ ಆಫ್ರಿಕಾದ ಆಟಗಾರ್ತಿಯರು ಹಲವು ಬ್ಯಾಚ್ ಗಳಲ್ಲಿ ನಿರ್ಣಾಯಕ ಅಂಕಗಳನ್ನು ಗಳಿಸಿದರು. ಭಾರತ ತಂಡವು ತನ್ನ ಸ್ಕೋರ್ ಅನ್ನು 33-10 ಕ್ಕೆ ವಿಸ್ತರಿಸಿಕೊಂಡಿತು.
ವೈಷ್ಣವಿ ಪೊವಾರ್, ನಸ್ರೀನ್ ಶೇಖ್ ಮತ್ತು ಭಿಲಾರ್ ದೇವಿ ಅವರು 5 ನಿಮಿಷಗಳ ಕಾಲ ಉತ್ತಮ ಪ್ರದರ್ಶನ ನೀಡಿದ್ದರಿಂದ ಭಾರತೀಯ ಮಹಿಳಾ ತಂಡವು ತನ್ನ 3 ಅವಧಿಯನ್ನು 38-16 ಅಂಕಗಳಿಂದ ಕೊನೆಗೊಳಿಸಿತು. ಸೆಮಿಫೈನಲ್ ಪಂದ್ಯದ ಕೊನೆಯ 7 ನಿಮಿಷಗಳಲ್ಲಿ ಅವರಿಗೆ ಬಲವಾದ ವೇದಿಕೆಯನ್ನು ಕಲ್ಪಿಸಿತು.
ಖೋ ಖೋ ವಿಶ್ವಕಪ್ 2025: ಭಾರತ ಪುರುಷರ ತಂಡ ಸೆಮಿಗೆ!
ನಾಲ್ಕನೇ ಅವಧಿಯಲ್ಲಿ ದಕ್ಷಿಣ ಆಫ್ರಿಕಾದ ಬ್ಯಾಚ್ ಕೇವಲ 1 ನಿಮಿಷ 45 ಸೆಕೆಂಡುಗಳಲ್ಲಿ ಔಟಾದರು. ಇದು ಭಾರತೀಯರ ಫೈನಲ್ ಪ್ರವೇಶವನ್ನು ಭದ್ರಪಡಿಸಿಸಿತು. ನಸ್ರೀನ್ ಶೇಖ್ ಮತ್ತು ರೇಷ್ಮಾ ರಾಥೋಡ್ ಅವರಿಂದಾಗಿ ಭಾರತ ಅಂತಿಮವಾಗಿ 66-16 ಅಂಕಗಳಿಂದ ಗೆಲುವಿನ ಕೇಕೆ ಹಾಕಿತು.
ಜನವರಿ 19 ರಂದು ಇಂದಿರಾ ಗಾಂಧಿ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆಯಲಿರುವ ಫೈನಲ್ ನಲ್ಲಿ ಭಾರತ ತಂಡವು ನೇಪಾಳವನ್ನು ಎದುರಿಸಲಿದೆ.
ಮತ್ತೊಂದು ಸೆಮಿಫೈನಲ್ ಪಂದ್ಯದಲ್ಲಿ ಉಗಾಂಡಾವನ್ನು 89-18 ಅಂಕಗಳಿಂದ ಮಣಿಸಿದ ನೇಪಾಳ ಮಹಿಳಾ ತಂಡ ಖೋ ಖೋ ವಿಶ್ವಕಪ್ 2025ರ ಮಹಿಳಾ ವಿಭಾಗದಲ್ಲಿ ಫೈನಲ್ ಗೆ ಅರ್ಹತೆ ಪಡೆಯಿತು.
ಪಂದ್ಯ ಪ್ರಶಸ್ತಿಗಳು
ಪಂದ್ಯಶ್ರೇಷ್ಠ: ಸಿನೆತೆಂಬಾ ಮೊಸಿಯಾ (ದಕ್ಷಿಣ ಆಫ್ರಿಕಾ ತಂಡ)
ಅತ್ಯುತ್ತಮ ಡಿಫೆಂಡರ್: ನಿರ್ಮಲಾ ಭಾಟಿ (ಟೀಮ್ ಇಂಡಿಯಾ)
ಪಂದ್ಯಶ್ರೇಷ್ಠ: ವೈಷ್ಣವಿ ಪವಾರ್ (ಟೀಮ್ ಇಂಡಿಯಾ)
