ಇಂದು ಗೆದ್ದರಷ್ಟೇ ರಾಜಸ್ಥಾನದ ಪ್ಲೇ ಆಫ್ ಆಸೆ ಜೀವಂತ
ರಾಜಸ್ಥಾನ 8 ಪಂದ್ಯಗಳಲ್ಲಿ ಕೇವಲ 3ರಲ್ಲಿ ಮಾತ್ರ ಜಯಿಸಿದ್ದು, 5ರಲ್ಲಿ ಸೋಲುಂಡಿದೆ. ಇನ್ನುಳಿದ 6 ಪಂದ್ಯಗಳಲ್ಲಿ ರಾಜಸ್ಥಾನ ಉತ್ತಮ ಅಂತರದ ಗೆಲುವು ಸಾಧಿಸಿದರೆ ಮಾತ್ರ ಪ್ಲೇ ಆಫ್ ಸ್ಥಾನವನ್ನು ಉಳಿಸಿಕೊಳ್ಳಬಹುದಾಗಿದೆ.
ಇಂದೋರ್(ಮೇ.06]: ಅಂಕ ಪಟ್ಟಿಯಲ್ಲಿ 4ನೇ ಸ್ಥಾನದಲ್ಲಿರುವ ಕಿಂಗ್ಸ್ ಇಲೆವೆನ್ ಪಂಜಾಬ್, ಈ ಆವೃತ್ತಿಯ ಐಪಿಎಲ್’ನ ಅಂಕಪಟ್ಟಿಯಲ್ಲಿ ಕೊನೆ ಸ್ಥಾನದಲ್ಲಿರುವ ರಾಜಸ್ಥಾನ ರಾಯಲ್ಸ್ ವಿರುದ್ಧ ಇಂದು ನಡೆಯಲಿರುವ ಪಂದ್ಯದಲ್ಲಿ ಗೆಲುವು ಸಾಧಿಸಿ ಪ್ಲೇ ಆಫ್ ಹಂತದ ಹಾದಿಯನ್ನು ಸುಗಮಗೊಳಿಸಿಕೊಳ್ಳುವ ವಿಶ್ವಾಸದಲ್ಲಿದೆ. ಆಡಿರುವ 8ರಲ್ಲಿ 5 ಗೆಲುವು ಸಾಧಿಸಿರುವ ಪಂಜಾಬ್ 10 ಅಂಕ ಗಳಿಸಿದೆ.
ಇನ್ನೊಂದೆಡೆ ರಾಜಸ್ಥಾನ 8 ಪಂದ್ಯಗಳಲ್ಲಿ ಕೇವಲ 3ರಲ್ಲಿ ಮಾತ್ರ ಜಯಿಸಿದ್ದು, 5ರಲ್ಲಿ ಸೋಲುಂಡಿದೆ. ಇನ್ನುಳಿದ 6 ಪಂದ್ಯಗಳಲ್ಲಿ ರಾಜಸ್ಥಾನ ಉತ್ತಮ ಅಂತರದ ಗೆಲುವು ಸಾಧಿಸಿದರೆ ಮಾತ್ರ ಪ್ಲೇ ಆಫ್ ಸ್ಥಾನವನ್ನು ಉಳಿಸಿಕೊಳ್ಳಬಹುದಾಗಿದೆ. ಈ ನಿಟ್ಟಿನಲ್ಲಿ ರಾಜಸ್ಥಾನಕ್ಕೆ ಮಾಡು ಇಲ್ಲವೇ ಮಡಿ ಪಂದ್ಯವಾಗಿದೆ.
ಪಿಚ್ ರಿಪೋರ್ಟ್: ಬ್ಯಾಟಿಂಗ್ ಸ್ನೇಹಿ ಪಿಚ್ ಹೋಲ್ಕರ್ ಪಿಚ್ ಬ್ಯಾಟ್ಸ್‌’ಮನ್‌ಗಳಿಗೆ ಹೆಚ್ಚಾಗಿ ಸ್ಪಂದಿಸಲಿದೆ. ಕ್ರೀಡಾಂಗಣದ ಸುತ್ತಳತೆ ಚಿಕ್ಕದಾಗಿರುವುದರಿಂದ ಬ್ಯಾಟ್ಸ್‌’ಮನ್‌ಗಳಿಗೆ ಹೆಚ್ಚಿನ ನೆರವಾಗಲಿದೆ. ಈ ಆವೃತ್ತಿಯಲ್ಲಿ ಇಲ್ಲಿ 6 ಪಂದ್ಯಗಳು ನಡೆದಿದ್ದು, 6ರಲ್ಲೂ ಮೊದಲು ಬೌಲಿಂಗ್ ಮಾಡಿದ ತಂಡ ಜಯ ಪಡೆದಿದೆ.
ಸಂಭಾವ್ಯ ತಂಡ:
ಕಿಂಗ್ಸ್ ಇಲೆವೆನ್ ಪಂಜಾಬ್: ಕ್ರಿಸ್ ಗೇಲ್, ರಾಹುಲ್, ಯುವರಾಜ್, ಮಯಾಂಕ್, ಕರುಣ್, ಅಕ್ಷರ್, ಸ್ಟೋಯ್ನಿಸ್, ಅಶ್ವಿನ್(ನಾಯಕ), ಆ್ಯಂಡ್ರೂ ಟೈ, ಮುಜೀಬ್, ಅಂಕಿತ್
ರಾಜಸ್ಥಾನ ರಾಯಲ್ಸ್: ಡಾರ್ಚಿ ಶಾರ್ಟ್, ಬಟ್ಲರ್, ಸಂಜು, ಸ್ಟೋಕ್ಸ್, ತ್ರಿಪಾಠಿ, ಕೆ. ಗೌತಮ್, ಆರ್ಚರ್, ರಹಾನೆ (ನಾಯಕ), ಉನಾದ್ಕತ್, ಧವಳ್ ಕುಲಕರ್ಣಿ, ಶ್ರೇಯಸ್
ಸ್ಥಳ: ಇಂದೋರ್, ಪಂದ್ಯ ಸಮಯ: ರಾತ್ರಿ 8ಕ್ಕೆ, ನೇರ ಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್ 1
