Asianet Suvarna News Asianet Suvarna News

ಭಾರತಕ್ಕೆ 72 ರನ್ ಸುಲಭ ಟಾರ್ಗೆಟ್ ನೀಡಿದ ವೆಸ್ಟ್ಇಂಡೀಸ್!

ಭಾರತ ಹಾಗೂ ವೆಸ್ಟ್ಇಂಡೀಸ್ ನಡುವಿನ 2ನೇ ಟೆಸ್ಟ್ ಪಂದ್ಯ ಅಂತಿಮ ಘಟ್ಟ ತಲುಪಿದೆ. 3ನೇ ದಿನದಾಟದಲ್ಲಿ ವಿಂಡೀಸ್ ಕಳಪೆ ಬ್ಯಾಟಿಂಗ್ ಪ್ರದರ್ಶನ ನೀಡೋ ಮೂಲಕ ಟೀಂ ಇಂಡಿಯಾಗೆ ಸುಲಭ ಗುರಿ ನೀಡಿದೆ. ಇಲ್ಲಿದೆ ಪಂದ್ಯದ ಅಪ್‌ಡೇಟ್ಸ್.

India vs West Indies Team India need 72 runs to win Hyderabad test Cricket
Author
Bengaluru, First Published Oct 14, 2018, 4:07 PM IST

ಹೈದರಾಬಾದ್(ಅ.14): ಭಾರತ ವಿರುದ್ಧದ 2ನೇ ಟೆಸ್ಟ್ ಪಂದ್ಯದ 2ನೇ ಇನ್ನಿಂಗ್ಸ್‌ನಲ್ಲಿ ಮತ್ತೆ ಕಳಪೆ ಬ್ಯಾಟಿಂಗ್ ಪ್ರದರ್ಶನ ನೀಡಿದ ವೆಸ್ಟ್ಇಂಡೀಸ್ 127 ರನ್‌ಗೆ ಆಲೌಟ್ ಆಗಿದೆ. ಈ ಮೂಲಕ ಟೀಂ ಇಂಡಿಯಾ ಗೆಲುವಿಗೆ ರನ್ ಸುಲಭ ಟಾರ್ಗೆಟ್ ನೀಡಿದೆ.

ತೃತೀಯ ದಿನ ಭಾರತ ತಂಡವನ್ನ 367 ರನ್‌ಗೆ ಆಲೌಟ್ ಮಾಡಿದ ವೆಸ್ಟ್ಇಂಡೀಸ್ ದ್ವಿತೀಯ ಇನ್ನಿಂಗ್ಸ್ ಆರಂಭಿಸಿತು. 56 ರನ್ ಹಿನ್ನಡೆಯೊಂದಿಗೆ 2ನೇ ಇನ್ನಿಂಗ್ಸ್ ಆರಂಭಿಸಿದ ವಿಂಡೀಸ್ ಮತ್ತೆ ಉಮೇಶ್ ಯಾದವ್ ದಾಳಿಗೆ ಕುಸಿತ ಕಂಡಿತು.

ಕ್ರೈಗ್ ಬ್ರಾಥ್ವೈಟ್ ಹಾಗೂ ಕೀರನ್ ಪೊವೆಲ್ ಶೂನ್ಯ ಸುತ್ತಿದರು. ಶೈ ಹೋಪ್ 28 ರನ್ ಕಾಣಿಕೆ ನೀಡಿದರು. ಸುನಿಲ್ ಆಂಬ್ರಿಸ್ 38 ರನ್ ಸಿಡಿಸಿದರು. ಇಷ್ಟು ವಿಂಡೀಸ್ ಪರ ವೈಯುಕ್ತಿಕ ಗರಿಷ್ಠ ಮೊತ್ತ. ಇನ್ನುಳಿದ ಬ್ಯಾಟ್ಸ್‌ಮನ್‌ಗಳು 20 ರನ್ ಗಡಿ ದಾಟಲಿಲ್ಲ.

ಶಾನನ್ ಗೆಬ್ರಿಯಲ್ ವಿಕೆಟ್ ಪತನದೊಂದಿದೆ ವೆಸ್ಟ್ಇಂಡೀಸ್ 46.1 ಓವರ್‌ಗಳಲ್ಲಿ 127 ರನ್‌ಗೆ ಆಲೌಟ್ ಆಯಿತು. ಈ ಮೂಲಕ ಭಾರತ ಗೆಲುವಿಗೆ 72 ರನ್ ಗುರಿ ಪಡೆದಿದೆ. ಭಾರತದ ಪರ ಉಮೇಶ್ ಯಾದವ್ 4  , ರವೀಂದ್ರ ಜಡೇಜಾ 3, ಆರ್ ಅಶ್ವಿನ್ 2 ಹಾಗೂ ಕುಲ್ದೀಪ್ ಯಾದವ್ 1 ವಿಕೆಟ್ ಪಡೆದರು.

Follow Us:
Download App:
  • android
  • ios