ಕಂಚಿನ ‘ಸಾಕ್ಷಿ’ಗೆ ನಾಲ್ವರು ಗುರುಗಳು?
ಚಂಡೀಗಡ(ಆ.02): ರಿಯೊ ಕೂಟದಲ್ಲಿ ಭಾರತಕ್ಕೆ ಮೊದಲ ಪದಕ ತಂದುಕೊಟ್ಟ ಮಹಿಳಾ ಕುಸ್ತಿಪಟು ಸಾಕ್ಷಿ ಮಲಿಕ್ ಅವರಿಗೆ ಕುಸ್ತಿ ತರಬೇತುದಾರರಾಗಿದ್ದು ನಾವೇ ಎಂದು ನಾಲ್ವರು ಕೋಚ್ಗಳು ಪರಸ್ಪರ ಪೈಪೋಟಿಗೆ ಮುಂದಾಗಿದ್ದಾರೆಂದು ಟೈಮ್ಸ್ ಆಫ್ ಇಂಡಿಯಾ ತಿಳಿಸಿದೆ.
ರಿಯೊದಲ್ಲಿ ಕಂಚು ಗೆದ್ದ ಸಾಕ್ಷಿಯವರ ಕೋಚ್ ಅವರನ್ನೂ ಸನ್ಮಾನಿಸಿ, ರೂ. 10 ಲಕ್ಷ ನಗದು ಪುರಸ್ಕಾರ ನೀಡಲು ಹರ್ಯಾಣ ಸರ್ಕಾರ ನಿರ್ಧರಿಸಿದೆ. ಈ ಹಿನ್ನೆಲೆಯಲ್ಲಿ ಸಾಕ್ಷಿ ಯಶಸ್ಸಿಗೇ ತಾವೇ ಕಾರಣ ಎಂದು ಹೇಳುತ್ತಿರುವ ಈ ನಾಲ್ವರೂ, ತಲಾ ರೂ. 10 ಲಕ್ಷ ನೀಡಿ ಸನ್ಮಾನಿಸಿ ಎಂದು ಹರ್ಯಾಣ ಸರ್ಕಾರವನ್ನು ಆಗ್ರಹಿಸಿದ್ದಾರೆ.
ಆದರೆ, ಸರ್ಕಾರವು ಸಾಕ್ಷಿ ಸೂಚಿಸುವ ಒಬ್ಬರನ್ನು ಮಾತ್ರ ಸನ್ಮಾನಿಸುವುದಾಗಿ ಹೇಳಿದೆ.