ಇಷ್ಟು ದಿನ ಬೌಂಡರಿ-ಸಿಕ್ಸರ್ ಅಂತಿದ್ದ ಭಾರತೀಯ ಕ್ರೀಡಾಭಿಮಾನಿಗಳು ಇನ್ನು ಮುಂದೆ ಕಬ್ಬಡಿ-ಕಬ್ಬಡಿ ಅಂತ ಚಿರಾಡುವ ಸಮಯ ಬಂದಿದೆ. ಇಂದಿನಿಂದ ಮೂರು ತಿಂಗಳುಗಳ ಕಾಲ ಪ್ರತೀ ರಾತ್ರಿ ನಿಮಗೆ ದೇಶಿ ಕ್ರೀಡೆ ಕಬ್ಬಡಿ ಕಿಕ್ ಏರಿಸಲು ಪ್ರೊ ಕಬ್ಬಡಿ ಲೀಗ್ ಶುರುವಾಗ್ತಿದೆ. ಈ ಲೀಗ್ ಹೇಗೇ ನಡಿಯುತ್ತೆ..? ಎಲ್ಲಿ ನಡೆಯುತ್ತೆ.? ಯಾವ ಯಾವ ತಂಡಗಳು ಇರುತ್ವೆ ಎನ್ನುವ ಪ್ರಶ್ನೆಗಳಿಗೆಲ್ಲಾ ಇಲ್ಲಿದೆ ಉತ್ತರ.
ನವದೆಹಲಿ(ಜು.28): ಇಷ್ಟು ದಿನ ಬೌಂಡರಿ-ಸಿಕ್ಸರ್ ಅಂತಿದ್ದ ಭಾರತೀಯ ಕ್ರೀಡಾಭಿಮಾನಿಗಳು ಇನ್ನು ಮುಂದೆ ಕಬ್ಬಡಿ-ಕಬ್ಬಡಿ ಅಂತ ಚಿರಾಡುವ ಸಮಯ ಬಂದಿದೆ. ಇಂದಿನಿಂದ ಮೂರು ತಿಂಗಳುಗಳ ಕಾಲ ಪ್ರತೀ ರಾತ್ರಿ ನಿಮಗೆ ದೇಶಿ ಕ್ರೀಡೆ ಕಬ್ಬಡಿ ಕಿಕ್ ಏರಿಸಲು ಪ್ರೊ ಕಬ್ಬಡಿ ಲೀಗ್ ಶುರುವಾಗ್ತಿದೆ. ಈ ಲೀಗ್ ಹೇಗೇ ನಡಿಯುತ್ತೆ..? ಎಲ್ಲಿ ನಡೆಯುತ್ತೆ.? ಯಾವ ಯಾವ ತಂಡಗಳು ಇರುತ್ವೆ ಎನ್ನುವ ಪ್ರಶ್ನೆಗಳಿಗೆಲ್ಲಾ ಇಲ್ಲಿದೆ ಉತ್ತರ.
ಇಂದಿನಿಂದ ಅಸಲಿ ಆಟ ಶುರು ಇಂತಹ ಒಂದು ಟ್ಯಾಗ್ ಲೈನ್ ಇಟ್ಟುಕೊಂಡು ಬರುತ್ತಿಡುವ ಹೋಸ ಲೀಗ್ ಪ್ರೊ ಕಬಡ್ಡಿ. ಇಷ್ಟು ದಿನಗಳ ಕಾಲ ಕ್ರಿಕೆಟ್ನಲ್ಲಿ ಮುಳುಗಿ ಹೋಗಿದ್ದ ಕ್ರೀಡಾಭಿಮಾನಿಗಳು ಇನ್ನೂ ಮೂರು ತಿಂಗಳು ನಮ್ಮದೇ ದೇಶಿಯ ಕ್ರೀಡೆಯಾದ ಕಬಡ್ಡಿಯನ್ನ ಸವೆಯಲು ರೆಡಿಯಾಗಬೇಕಿದೆ. ಆಟಗಾರರು ತೊಡೆತಟ್ಟಿ ನಿಲ್ಲೋದನ್ನ ನೋಡೋಕೆ ಸಿದ್ಧರಾಗಬೇಕಿದೆ.
ಕಣ್ಮನ ಸೆಳೆಯುತ್ತಿವೆ ವಿಭಿನ್ನ ಪ್ರೋಮೋಗಳು
ಇಂದಿನಿಂದ ನಡೆಯುವ ಈ ಲೀಗ್ನ ಪ್ರಸಾರದ ಹಕ್ಕು ಪಡೆದಿರುವ ಸ್ಟಾರ್ ಸಂಸ್ಥೆ ಈಗಾಗಲೇ ತಮ್ಮ ಅದ್ಭುತ ಪ್ರೋಮೋಗಳಿಂದ ಪ್ರೇಕ್ಷಕರ ಗಮನ ಸೆಳದಿದೆ. ಚಿತ್ರ ವಿಚಿತ್ರ ಪ್ರೋಮೋಗಳು ಎಲ್ಲರನ್ನ ರಂಜಿಸುತ್ತಿದೆ. ಅದರಲ್ಲೂ ಚೋಟ ಭೀಮ್ ಅವತರಿಕೆಯ ಪ್ರೋಮೋ ಚಿಕ್ಕ ಮಕ್ಕಳನ್ನೂ ಕಬಡ್ಡಿಯತ್ತ ಸೆಳಿತಿದೆ.
ಇನ್ನೂ ಆಯ ಫ್ರ್ಯಾಂಚೈಸಿಗಳೂ ತಮ್ಮದೇ ತಂಡದ ಪ್ರೋಮೋಗಳನ್ನ ಮಾಡಿ ತಮ್ಮ ಅಭಿಮಾನಿಗಳಿಗೆ ಕಿಕ್ ನೀಡ್ತಿವೆ. ಅದರಲ್ಲೂ ನಮ್ಮ ಬೆಂಗಳೂರು ಬುಲ್ಸ್ನ ಪ್ರೋಮೋದಲ್ಲಿ ಸ್ಯಾಂಡಲ್ವುಡ್ ಸ್ಟಾರ್ ಯಶ್ ಹಾಡಿ ಕುಣಿದಿರೋದು ಎಲ್ಲರನ್ನ ಸೆಳಿತಿದೆ.
ಇನ್ನೇನು ಕೆಲವೇ ಗಂಟೆಗಳು, ಬಹುನಿರೀಕ್ಷಿತ ಪ್ರೊ ಕಬಡ್ಡಿ ಲೀಗ್ ಆರಂಭವಾಗೋದಕ್ಕೆ. ಇಂದು ಅಸಲಿ ಆಟ ಶುರುವಾದ್ರೆ ಇನ್ನೂ 3 ತಿಂಗಳು ಅಂದ್ರೆ ಅಕ್ಟೋಬರ್ 28ರವರೆಗೆ ಬಿಡುವಿಲ್ಲದೇ ಪಂದ್ಯಗಳು ನಡೆಯುತ್ತಲೇ ಇರುತ್ವೆ. ಒಟ್ಟಾರೆಯಾಗಿ 138 ಪಂದ್ಯಗಳು ಲೀಗ್ನಲ್ಲಿ ಸ್ಕೆಡ್ಯೂಲ್ ಆಗಿದೆ. ಕಳೆದ 4 ಸೀಸನ್ಗಳಲ್ಲಿ ಇದ್ದ 8 ತಂಡಗಳ ಜೊತೆಗೆ ಹೊಸದಾಗಿ 4 ತಂಡಗಳು ಸೇರಿಕೊಂಡಿವೆ. ಅಂದ್ರೆ ಒಟ್ಟು 12 ತಂಡಗಳು ಈ ಬಾರಿ ನಿಮ್ಮನ್ನ ರಂಜಿಸಲು ರೆಡಿಯಾಗಿದ್ದಾರೆ.
ಟೂರ್ನಿಯಲ್ಲಿ ಪಾಲ್ಗೊಳ್ಳೋ 12 ತಂಡಗಳು 2 ಜೋನ್ಗಳಾಗಿ ವಿಂಗಡಿಸಲಾಗಿದೆ. A ಜೋನ್ನಲ್ಲಿ ದಬಾಂಗ್ ಡೆಲ್ಲಿ, ಜೈಪುರ್ ಪಿಂಕ್ ಪ್ಯಾಂಥರ್ಸ್, ಪುಣೇರಿ ಪಲ್ಟಾನ್, ಯೂ ಮುಂಬಾ, ಹರಿಯಾಣ ಸ್ಟೀಲರ್ಸ್ ಮತ್ತು ಗುಜರಾತ್ ಫೋರ್ಚ್ಯೂನ್ ಜೇಂಟ್ಸ್ ತಂಡಗಳಿದ್ರೆ. ‘ಬಿ’ ಜೋನ್ನಲ್ಲಿ ಬೆಂಗಳೂರು ಬುಲ್ಸ್, ತೆಲುಗು ಟೈಟನ್ಸ್, ಪಾಟ್ನಾ ಪೈರೇಟ್ಸ್, ಬೆಂಗಾಲ್ ವಾರಿಯರ್ಸ್, ಯುಪಿ ಯೋಧಾಸ್, ತಮಿಳು ತಲೈವಾಸ್ ತಂಡಗಳಿವೆ.
ಪ್ರತೀ ಜೋನ್ನ ಅಂಕಪಟ್ಟಿಯಲ್ಲಿ ಮೊದಲ ಮೂರು ಸ್ಥಾನ ಗಳಿಸಿದ ತಂಡಗಳು ಪ್ಲೇ ಆಫ್ಗೆ ಎಂಟ್ರಿ ಪಡೆಯಲಿವೆ. ನಂತರ ಕ್ವಾಲಿಫೈರ್ ಮತ್ತು ಎಲಿಮಿನೇಟರ್ ಪಂದ್ಯಗಳಲ್ಲಿ ಕಾದಾಡಿ ಜಯರಾದ ಎರಡು ತಂಡಗಳು ಫೈನಲ್ಗೇರಲಿವೆ.
ಚಾಂಪಿಯನ್ ತಂಡಕ್ಕೆ ಸಿಗಲಿದೆ ಬಂಪರ್..!
ಮೂರು ತಿಂಗಳ ಕಾಲ ಕಾದಾಡುವ 12 ತಂಡಗಳಲ್ಲಿ ಯಾರು ಚಾಂಪಿಯನ್ಗಳಾಗ್ತಾರೋ ಅವರಿಗೆ ಸಿಗಲಿದೆ ಬಂಪರ್ ಬಹುಮಾನ. ಈ ಬಾರಿಯ ಪ್ರೊ ಕಬಡ್ಡಿ ಚಾಂಪಿಯನ್ಗಳಿಗೆ ಸಿಗಲಿದೆ 2 ಕೋಟಿ ಬಹುಮಾನ. ಇನ್ನೂ ರನ್ನರ್ ಅಪ್ಗೆ ಸಿಗಲಿದೆ 1.80 ಕೋಟಿ. 3ನೇ ಸ್ಥಾನ ಗಳಿಸಿದವರಿಗೆ 1.20 ಕೋಟಿ. ಇನ್ನೂ ಶ್ರೇಷ್ಠ ಆಟಗಾರನಿಗೆ ಸಿಗಲಿದೆ ಬರೊಬ್ಬರಿ 15 ಲಕ್ಷ.
ಈ ಬಾರಿಯಾದ್ರೂ ಗೆಲ್ಲುತ್ತಾ ಬೆಂಗಳೂರು ಬುಲ್ಸ್..?: ಬಲಿಷ್ಠವಾಗಿದೆ ರೋಹಿತ್ ಕುಮಾರ್ ಪಡೆ
ಕಳೆದ 4 ಸೀಸನ್ಗಳಲ್ಲಿ ಚಾಂಪಿಯನ್ಗಳಾಗದೆ ತಮ್ಮ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದ್ದ ಬೆಂಗಳೂರು ಬುಲ್ಸ್ ತಂಡ, ಈ ಬಾರಿ ಶತಾಯ ಗತಾಯ ಟ್ರೋಫಿ ಎತ್ತಿಹಿಡಿಯಲೇಬೇಕು ಎಂದು ಪಣ ತೊಟ್ಟಂತೆ ಕಾಣ್ತಿದೆ. ನಾಯಕ ರೋಹಿತ್ ಕುಮಾರ್ ಸೇರಿದಂತೆ ಅಜಯ್ ಕುಮಾರ್, ರವೀಂದರ್ ಪಾಹಲ್, ಪ್ರದೀಪ್ ನರ್ವಾಲ್, ಪ್ರೀಥಮ್ ಚಿಲ್ಲರ್ ರಂತಹ ಘಟಾನುಘಟಿ ಆಟಗಾರರು ಈ ಬಾರಿ ಬೆಂಗಳೂರು ಬುಲ್ಸ್ ತಂಡದಲ್ಲಿ ತೊಡೆ ತಟ್ಟಲಿದ್ದಾರೆ.
ಪ್ರತಿನಿತ್ಯ ಕೆಲಸದ ಒತ್ತಡದಿಂದ ಬಳಲಿ ಸಂಜೆ ಮನೆಗೆ ಬರೋ ಕ್ರೀಡಾಭಿಮಾನಿಗಳಿಗೆ ಇನ್ನೂ ಮೂರು ತಿಂಗಳು ಕಬಡ್ಡಿ ಕಿಕ್ ನೀಡಲಿದೆ. ಕನ್ನಡದಲ್ಲೂ ಕಾಮೆಂಟ್ರಿ ಇರೋದ್ರಿಂದ ಕನ್ನಡದ ಕಬಡ್ಡಿ ರಸಿಕರಿಗೆ ಫುಲ್ ಜೋಶ್ ಬರಲಿದೆ.
