ರಾಜ್ಯ ರಾಜಕಾರಣದಲ್ಲಿ ರಂಗೇರಿದ ಸಿ.ಡಿ ಪಾಲಿಟಿಕ್ಸ್! ದೋಸ್ತಿ ಸರ್ಕಾರ ರಿಲೀಸ್ ಮಾಡಿರುವ ಆಪರೇಷನ್ ಕಮಲದ ಆಡಿಯೋಗೆ ಪ್ರತಿಯಾಗಿ ಸಿ.ಡಿ ಬಿಡುಗಡೆ ಮಾಡಿದ ಬಿಜೆಪಿ.
ಬೆಂಗಳೂರು, ]ಫೆ.11]: ಆಪರೇಷನ್ ಕಮಲದ ಆಡಿಯೋ ಬಿಡುಗಡೆ ಮಾಡಿದ ಮೈತ್ರಿ ಸರ್ಕಾರದ ವಿರುದ್ಧ ಬಿಜೆಪಿ ಸಿಡಿ ಅಸ್ತ್ರ ಪ್ರಯೋಗಿಸಿದೆ.
ಆಪರೇಷನ್ ಕಮಲದ್ದು ಎನ್ನಲಾದ ಆಡಿಯೋ ಬಿಡುಗಡೆ ಮಾಡಿ ರಾಜ್ಯರಾಜಕಾರಣದಲ್ಲಿ ಕೋಲಾಹಲ ಹುಟ್ಟಿಸಿದ ಬೆನ್ನಲ್ಲೇ ಬಿಜೆಪಿ, ಕುಮಾರಸ್ವಾಮಿ ಅವರ ಸಿಡಿ ಅಸ್ತ್ರ ಪ್ರಯೋಗಿಸಿದೆ.
ದೇವರ ಹೆಸರಲ್ಲಿ ಯಡಿಯೂರಪ್ಪ ದೇವದುರ್ಗ ಭೇಟಿ ರಹಸ್ಯ ಬಯಲು
2014 ರಲ್ಲಿ ಕುಮಾರಸ್ವಾಮಿ ಅವರು ವಿಜಯಪುರದ ಅಂದಿನ ಜೆಡಿಎಸ್ ಮುಖಂಡ[ಈಗ ಬಿಜೆಪಿನಲ್ಲಿದ್ದಾರೆ] ವಿಜುಗೌಡ ಅವರನ್ನು ವಿಧಾನಪರಿಷತ್ ಸದಸ್ಯ ಮಾಡುವುದಾಗಿ ಹಣಕ್ಕೆ ಬೇಡಿಕೆ ಇಟ್ಟಿದ್ದಾರೆ ಎನ್ನಲಾದ ಸಿ.ಡಿಯನ್ನು ಬಿಜೆಪಿ ಬಿಡುಗಡೆ ಮಾಡಿದೆ.
ಈ ಬಗ್ಗೆ ಬಿಜೆಪಿ ಶಾಸಕ ಎಂ.ಪಿ.ರೇಣುಖಾಚಾರ್ಯ ಇಂದು ಸದನದಲ್ಲಿ ಸಿ.ಡಿಯನ್ನು ಪ್ರದರ್ಶಿಸಿ, ಇದು 40 ಕೋಟಿ ರೂಪಾಯಿಯ ಸಿ.ಡಿ ಇದರ ಬಗ್ಗೆಯೂ ಚರ್ಚೆಯಾಗಲಿ ಎಂದು ಆಗ್ರಹಿಸಿದರು. ಬಳಿಕ ಸಿ.ಡಿಯನ್ನ ಸ್ಪೀಕರ್ ರಮೇಶ್ ಕುಮಾರ್ಗೆ ಹಸ್ತಾಂತರಿಸಿದರು.
Last Updated 11, Feb 2019, 6:49 PM IST
Download App
