ಪ್ರಿಯಕರ ಮಾತನಾಡುತ್ತಿಲ್ಲ ಎಂದು ಯುವತಿಯೊಬ್ಬಳು ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ತುಮಕೂರಿನಲ್ಲಿ ನಡೆದಿದೆ.
ತುಮಕೂರು: ಪ್ರಿಯಕರ ಮಾತನಾಡುತ್ತಿಲ್ಲ ಎಂದು ಯುವತಿಯೊಬ್ಬಳು ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ತುಮಕೂರಿನಲ್ಲಿ ನಡೆದಿದೆ.
ತುಮಕೂರಿನ ಎಸ್. ಎಸ್. ಪುರಂನ ಹಾಸ್ಟೆಲ್ನಲ್ಲಿ ಮೊಬೈಲ್’ನಲ್ಲಿ ರೆಕಾರ್ಡ್ ಮಾಡಿಕೊಂಡು ಆತ್ಮಹತ್ಯೆಗೆ ಯುವತಿ ಯತ್ನಿಸಿದ್ದಾಳೆ.ಪ್ರಿಯಕರ ಮನಸ್ಸಿಗೆ ನೋವುಂಟು ಮಾಡಿದ್ದಾನೆಂದು 70 ನಿದ್ರೆ ಮಾತ್ರೆಯನ್ನು ಯುವತಿ ನುಂಗಿದ್ದಾಳೆ.
ಯುವತಿ ಕೆಲಸ ಮುಗಿಸಿಕೊಂಡು ಬಂದು ಸಂಜೆ ಹಾಸ್ಟೆಲ್’ನಲ್ಲಿ ತನ್ನ ‘ಲೈವ್ ಸೂಸೈಡ್’ಗೆ ಯತ್ನವನ್ನು ವಿಡಿಯೋ ರೆಕಾರ್ಡ್ ಮಾಡಿ ಪ್ರಿಯಕರನಿಗೆ ಕಳುಹಿಸಿದ್ದಾಳೆ.
ಮಾತ್ರೆ ನುಂಗುತ್ತಾ ಪ್ರಿಯಕರನಿಗೆ ಮತ್ತು ಸ್ನೇಹಿತೆಗೆ ಕ್ಷಮೆ ಕೇಳಿದ ಯುವತಿ , ನಾನು ಸಾಯುತ್ತಿದ್ದೇನೆ ನನ್ನನ್ನು ಕ್ಷಮಿಸಿ ಎಂದು ಹೇಳಿದ್ದಾಳೆ.
ವಿಡಿಯೋ ನೋಡಿ ಕೂಡಲೇ ಎಚ್ಚೆತ್ತ ಪ್ರಿಯಕರ ಹಾಗೂ ಸ್ನೇಹಿತರು, ತಕ್ಷಣವೇ ಹಾಸ್ಟೆಲ್ ಗೆ ಹೋಗಿ ಯುವತಿಯನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಸರಿಯಾದ ಸಮಯಕ್ಕೆ ಚಿಕಿತ್ಸೆ ನೀಡಿದ್ದರಿಂದ ಯುವತಿ ಬದುಕುಳಿದಿದ್ದಾಳೆ.
