ಇಲ್ಲಿನ ಮಸೀದಿಯೊಂದರ ಹೊರಗಡೆ ನಿಂತಿದ್ದ ಜನರ ಮೇಲೆ ವ್ಯಾನ್‌ವೊಂದು ಹರಿದು ಓರ್ವ ಸಾವನ್ನಪ್ಪಿದ್ದು, 10 ಮಂದಿ ಗಾಯಗೊಂಡಿದ್ದಾರೆ. ಬ್ರಿಟನ್‌ ಪ್ರಧಾನಿ ತೆರೆಸಾ ಮೇ ಇಂದೊಂದು ಶಂಕಿತ ಭಯೋತ್ಪಾದಕ ದಾಳಿ ಎಂದು ಹೇಳಿದ್ದಾರೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಭಾನುವಾರ ಮಧ್ಯರಾತ್ರಿಯ ವೇಳೆಯಲ್ಲಿ ಈ ಘಟನೆ ನಡೆದಿದೆ. ವೆಲ್ಫೇರ್ ಹೌಸ್ನಲ್ಲಿರುವ ಮಸೀದಿಯಲ್ಲಿ ರಂಜಾನ್ ಪ್ರಾರ್ಥನೆಗೆಂದು ಆಗಮಿಸಿದ್ದವರ ಮೇಲೆ ಚಾಲಕ ವ್ಯಾನ್ ನುಗ್ಗಿಸಿದ್ದಾನೆ.
ಈ ವೇಳೆ ಸಿಟ್ಟಿಗೆದ್ದ ಜನರು ಚಾಲಕನನನ್ನು ಹಿಡಿದು ಹಲ್ಲೆ ನಡೆಸಲು ಯತ್ನಿಸಿದ್ದು, ಮಸೀದಿಯ ಮೌಲ್ವಿಯೊಬ್ಬರು ದಾಳಿಕೋರ ಚಾಲಕನಿಗೆ ರಕ್ಷಣೆ ನೀಡಿ ಆತನ ಪ್ರಾಣ ಉಳಿಸಿದ್ದಾರೆ. ಬಳಿಕ ಚಾಲಕನನ್ನು ಪೊಲೀಸರು ಬಂಧಿಸಿದ್ದಾರೆ.
