ನವದೆಹಲಿ(ಸೆ.30): ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ ಭಾರತೀಯ ಯೋಧರು ನಡೆಸಿದ ದಾಳಿಗೂ ಅಮೆರಿಕದ ಸೀಲ್ ಪಡೆ ಪಾಕ್ನ ಅಬ್ಬೊಟಾಬಾದ್ನಲ್ಲಿ ಅಡಗಿದ್ದ ಅಲ್ಖೈದಾ ಉಗ್ರ ಒಸಾಮಾ ಬಿನ್ ಲಾಡೆನ್ ಹತ್ಯೆಗೆ ಅನುಸರಿಸಿದ ಕಾರ್ಯಾಚರಣೆಗೂ ಸಾಕಷ್ಟು ಸಾಮ್ಯತೆ ಇದೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಯಾಕೆಂದರೆ ಈ ಎರಡೂ ದಾಳಿಯನ್ನು ನಡೆಸಿದ್ದು ಸೇನೆಯ ನುರಿತ ಕಮಾಂಡೋ ಪಡೆ. ಎರಡೂ ದಾಳಿಯಲ್ಲೂ ಯಾವೊಬ್ಬ ಯೋಧನೂ ಬಲಿಯಾಗಿಲ್ಲ. ದಾಳಿಯ ಉದ್ದೇಶ ಸಂಪೂರ್ಣವಾಗಿ ಈಡೇರಿದೆ. ಜತೆಗೆ, ಈ ಎರಡೂ ದಾಳಿಗಳನ್ನು ರೆಕಾರ್ಡ್ ಮಾಡಲಾಗಿದೆ.
ದಾಳಿಯನ್ನು ಡ್ರೋಣ್ ಮೂಲಕ ಹಾಗೂ ಯೋಧರ ಮೂಲಕ ರೆಕಾರ್ಡ್ ಮಾಡಲಾಗಿದ್ದು, ಈ ವಿಡಿಯೋವನ್ನು ಯಾವಾಗ ಬಿಡುಗಡೆ ಮಾಡಬೇಕು ಎನ್ನುವುದನ್ನು ಮುಂದೆ ಸರ್ಕಾರವೇ ನಿರ್ಧರಿಸಲಿದೆ ಎಂದು ಮೂಲಗಳು ತಿಳಿಸಿವೆ. ಜತೆಗೆ, ದಾಳಿಯ ಕ್ಷಣ ಕ್ಷಣದ ಮಾಹಿತಿ ಪ್ರಧಾನಿ ಮೋದಿ ಅವರಿಗೆ ಇತ್ತು. ದಾಳಿಯ ಲಿತಾಂಶಕ್ಕಾಗಿ ಅವರು ರಾತ್ರಿಯಿಡೀ ಎದ್ದಿದ್ದರು ಎಂದು ಮೂಲಗಳು ತಿಳಿಸಿವೆ.
