Asianet Suvarna News Asianet Suvarna News

ಜಿಎಸ್'ಎಲ್'ವಿ ಎಂಕೆ3 ರಾಕೆಟ್'ನ ವಿಶೇಷತೆಗಳೇನು?

ಇದೂವರೆಗೆ ಭಾರತದ ರಾಕೆಟ್ಟುಗಳು 2,300 ಕಿಲೋಕ್ಕಿಂತ ಹೆಚ್ಚು ತೂಕವನ್ನು ಹೊರುವ ಸಾಮರ್ಥ್ಯ ಹೊಂದಿರಲಿಲ್ಲ. 2,300ಕ್ಕಿಂತ ಹೆಚ್ಚು ತೂಕದ ಉಪಗ್ರಹಗಳ ಉಡಾವಣೆ ಮಾಡಲು ಅಮೆರಿಕದಂಥ ದೇಶಗಳಿಗೆ ದೊಡ್ಡ ಮೊತ್ತದ ಬೆಲೆ ತೆತ್ತು ನೆರವು ಪಡೆದುಕೊಳ್ಳಬೇಕಾಗುತ್ತಿತ್ತು. ಈಗ, ಈ ಹೊಸ ರಾಕೆಟ್'ನಿಂದ 4 ಸಾವಿರ ಕಿಲೋವರೆಗೂ ತೂಕವನ್ನು ನಭಕ್ಕೆ ನಾವು ಸಾಗಿಸಬಲ್ಲೆವು. ದೇಶಕ್ಕೆ ಸಾಕಷ್ಟು ಹಣದ ಉಳಿತಾಯವಾಗುತ್ತದೆ. ಬೇರೆ ರಾಷ್ಟ್ರಗಳ ತೂಕದ ಉಪಗ್ರಹಗಳನ್ನು ಉಡಾವಣೆ ಮಾಡಿ ನಾವು ಕಾಸನ್ನೂ ಸಂಪಾದಿಸಿಕೊಳ್ಳಬಹುದು.​

successful launch of gslv mark 3 rocket
  • Facebook
  • Twitter
  • Whatsapp

ಬೆಂಗಳೂರು(ಜೂನ್ 05): ದಿನದಿಂದ ದಿನಕ್ಕೆ ಬಾಹ್ಯಾಕಾಶ ತಂತ್ರಜ್ಞಾನದಲ್ಲಿ ವಿಶ್ವದಲ್ಲಿ ಖ್ಯಾತಿ ಹೆಚ್ಚಿಸಿಕೊಳ್ಳುತ್ತಿರುವ ಇಸ್ರೋ ಇನ್ನೊಂದು ಮಹತ್ವದ ಸಾಧನೆ ಮಾಡಿದೆ. ಭಾರೀ ತೂಕದ ಉಪಗ್ರಹವನ್ನು ಹೊತ್ತ ದೇಶೀಯ ನಿರ್ಮಾಣದ ಅತೀ ತೂಕದ ರಾಕೆಟ್'ನ್ನು ನಭಕ್ಕೆ ಕಳುಹಿಸಿದೆ. ಈ ಜಿಎಸ್'ಎಲ್'ವಿ ಎಂಕೆ-3 ರಾಕೆಟ್ಟು ಮತ್ತು ಜಿಸ್ಯಾಟ್-19 ಉಪಗ್ರಹ ಇವೆರಡರ ವಿಶೇಷತೆಗಳೇನು? ಇಲ್ಲಿದೆ ಪಟ್ಟಿ.

ಜಿಎಸ್'ಎಲ್'ವಿ ರಾಕೆಟ್ ವಿಶೇಷತೆಗಳು
* ಎತ್ತರ: 43 ಮೀಟರ್ (140 ಅಡಿ)
* ಇದು ದೇಶೀಯವಾಗಿ ನಿರ್ಮಾಣವಾದ ಅತ್ಯಂತ ಶಕ್ತಿಶಾಲಿ ರಾಕೆಟ್ ಆಗಿದೆ.
* ಇದರ ತೂಕ 640 ಟನ್; ಪೂರ್ಣಪ್ರಮಾಣದಲ್ಲಿ ಬೆಳೆದ ಬರೋಬ್ಬರಿ 200 ಏಷ್ಯನ್ ಆನೆಗಳಿಗೆ ಇದು ಸಮ; ಬೋಯಿಂಗ್ ವಿಮಾನವನ್ನು ಹತ್ತಿರದಿಂದ ನೀವು ನೀಡಿದ್ದರೆ, ಅಂಥ 5 ದೈತ್ಯ ವಿಮಾನಗಳ ತೂಕ ಈ ರಾಕೆಟ್'ನದ್ದು.
* ಈ ರಾಕೆಟ್'ನ ವಿನ್ಯಾಸ ಮತ್ತು ನಿರ್ಮಾಣಕ್ಕೆ 15 ವರ್ಷ ತಗುಲಿದೆ. 300 ಕೋಟಿ ರೂಪಾಯಿ ವೆಚ್ಚವಾಗಿದೆ.
* ಜಿಎಸ್'ಎಲ್'ವಿ ಎಂಕೆ-3 ಡಿ1 ರಾಕೆಟ್ಟು ಕೆಳ ಭೂಕಕ್ಷೆಗೆ 10 ಸಾವಿರ ತೂಕವನ್ನು ಹೊತ್ತೊಯ್ಯಬಲ್ಲುದು. ಜಿಯೋಸಿಂಕ್ರೋನಸ್ ಟ್ರಾನ್ಸ್'ಫರ್ ಕಕ್ಷೆ(ಜಿಟಿಓ)ಗೆ 4 ಸಾವಿರ ಕಿಲೋ ತೂಕವನ್ನು ಸಾಗಿಸಬಲ್ಲುದು.
* ಇದೂವರೆಗೆ ಭಾರತದ ರಾಕೆಟ್ಟುಗಳು 2,300 ಕಿಲೋಕ್ಕಿಂತ ಹೆಚ್ಚು ತೂಕವನ್ನು ಹೊರುವ ಸಾಮರ್ಥ್ಯ ಹೊಂದಿರಲಿಲ್ಲ. 2,300ಕ್ಕಿಂತ ಹೆಚ್ಚು ತೂಕದ ಉಪಗ್ರಹಗಳ ಉಡಾವಣೆ ಮಾಡಲು ಅಮೆರಿಕದಂಥ ದೇಶಗಳಿಗೆ ದೊಡ್ಡ ಮೊತ್ತದ ಬೆಲೆ ತೆತ್ತು ನೆರವು ಪಡೆದುಕೊಳ್ಳಬೇಕಾಗುತ್ತಿತ್ತು. ಈಗ, ಈ ಹೊಸ ರಾಕೆಟ್'ನಿಂದ 4 ಸಾವಿರ ಕಿಲೋವರೆಗೂ ತೂಕವನ್ನು ನಭಕ್ಕೆ ನಾವು ಸಾಗಿಸಬಲ್ಲೆವು. ದೇಶಕ್ಕೆ ಸಾಕಷ್ಟು ಹಣದ ಉಳಿತಾಯವಾಗುತ್ತದೆ. ಬೇರೆ ರಾಷ್ಟ್ರಗಳ ತೂಕದ ಉಪಗ್ರಹಗಳನ್ನು ಉಡಾವಣೆ ಮಾಡಿ ನಾವು ಕಾಸನ್ನೂ ಸಂಪಾದಿಸಿಕೊಳ್ಳಬಹುದು.
* ಕೆಲವು ವರ್ಷಗಳ ಬಳಿಕ ಈ ರಾಕೆಟ್'ನ ಸಹಾಯದಿಂದ ಮನುಷ್ಯರನ್ನು ನಭಕ್ಕೆ ಕಳುಹಿಸಲು ಸಾಧ್ಯ.
* ಇಂಥ ಸಾಮರ್ಥ್ಯದ ರಾಕೆಟ್ ಹೊಂದಿರುವ ದೇಶಗಳೆಂದರೆ ಅಮೆರಿಕ, ಚೀನಾ, ಯೂರೋಪ್, ಜಪಾನ್ ಮತ್ತು ರಷ್ಯಾ ಮಾತ್ರ. ಇವುಗಳ ಸಾಲಿಗೆ ಭಾರತ ಸೇರ್ಪಡೆಯಾಗಿದೆ.
* ಜಗತ್ತಿನ ಅತ್ಯಂತ ಪವರ್'ಫುಲ್ ರಾಕೆಟ್ ಅಮೆರಿಕದ ಸ್ಯಾಟರ್ನ್-5 ಆಗಿದೆ. ಜಿಎಸ್'ಎಲ್'ವಿ ಮಾರ್ಕ್-3 ಉಪಗ್ರಹ 10 ಸಾವಿರ ಕಿಲೋ ತೂಕ ಹೊರಬಲ್ಲುದಾಗಿದ್ದರೆ, ಅಮೆರಿಕದ ಸ್ಯಾಟರ್ನ್-5 ರಾಕೆಟ್ಟು 1.4 ಲಕ್ಷ ಕಿಲೋ ತೂಕವನ್ನು ಹೊತ್ತೊಯ್ಯಬಲ್ಲುದು.

ಜಿಸ್ಯಾಟ್-19 ಉಪಗ್ರಹ ವೈಶಿಷ್ಟ್ಯ:
* ಈ ಸಂವಹನ ಉಪಗ್ರಹ ಬರೋಬ್ಬರಿ 3,136 ಕಿಲೋ ತೂಕವಿದೆ. ಭಾರತದಲ್ಲಿ ತಯಾರಾದ ಅತ್ಯಂತ ತೂಕದ ಉಪಗ್ರಹ ಇದಾಗಿದೆ.
* ಈ ಉಪಗ್ರಹಕ್ಕೆ ಲಿಥಿಯನ್-ಅಯಾನ್ ಬ್ಯಾಟರಿಯ ಶಕ್ತಿ ತುಂಬಲಾಗಿದೆ
* ಜಿಸ್ಯಾಟ್-19 ಉಪಗ್ರಹದಲ್ಲಿ ಮುಖ್ಯವಾಗಿರುವುದು Ka/Ku ಬ್ಯಾಂಡ್ ಟ್ರಾನ್ಸ್'ಪಾಂಡರ್'ಗಳು. ಜೊತೆಗೆ ಸೆಟಿಲೈಟ್'ಗಳು ಹಾಗೂ ಅವುಗಳ ಎಲೆಕ್ಟ್ರಾನಿಕ್ ಕಾಂಪೊನೆಂಟ್'ಗಳ ಮೇಲೆ ಆಗಸದ ವಿಕಿರಣದ ಪ್ರಭಾವವನ್ನು ಅಧ್ಯಯನ ಮಾಡಲು ಜಿಯೋಸ್ಟೇಷನರಿ ರೇಡಿಯೇಶನ್ ಸ್ಪೆಕ್ಟ್ರೋಮೀಟರ್ ಅನ್ನೂ ಈ ಉಪಗ್ರಹದಲ್ಲಿ ಅಳವಡಿಸಲಾಗಿದೆ. ಜೊತೆಗೆ, ಫೈಬರ್ ಆಪ್ಟಿಕ್ ಗೈರೋ, ಮೈಕ್ರೋ ಎಲೆಕ್ಟ್ರೋ ಮೆಕ್ಯಾನಿಕಲ್ ಸಿಸ್ಟಮ್ಸ್ ಆಕ್ಸೆಲರೋಮೀಟರ್ ಮೊದಲಾದ ಅತ್ಯಾಧುನಿಕ ತಂತ್ರಜ್ಞಾನಗಳು ಈ ಉಪಗ್ರಹಕ್ಕೆ ಅಳವಡಿಸಲಾಗಿದೆ.

Follow Us:
Download App:
  • android
  • ios