ಅ್ಯಪಲ್ ವಾಚ್ ಇ-ಸಿಮ್ ಸೇವೆ: ಏರ್ಟೆಲ್ ವಿರುದ್ಧ ಜಿಯೋ ದೂರು
- ಅ್ಯಪಲ್ ವಾಚ್ ಇ-ಸಿಮ್ ಸೇವೆಯ ನಿಯಮಗಳ ಉಲ್ಲಂಘನೆ ಆರೋಪ
- ಏರ್ಟೆಲ್ ವಿರುದ್ಧ ದೂರಸಂಪರ್ಕ ಇಲಾಖೆಗೆ ರಿಲಯನ್ಸ್ ಜಿಯೋ ದೂರು
ನವದೆಹಲಿ: ಭಾರ್ತಿ ಏರ್ಟೆಲ್ ಕಂಪನಿಯು ಅ್ಯಪಲ್ ವಾಚ್ ಇ-ಸಿಮ್ ಸೇವೆಯ ನಿಯಮಗಳನ್ನು ಉಲ್ಲಂಘನೆ ಮಾಡಿದೆ ಎಂದು ಆರೋಪಿಸಿರುವ ರಿಲಯನ್ಸ್ ಜಿಯೋ, ದೂರ ಸಂಪರ್ಕ ಇಲಾಖೆಗೆ ದೂರು ನೀಡಿದೆ.
ನಿಯಮಗಳನ್ನು ಉಲ್ಲಂಘಿಸಿ ಏರ್ಟೆಲ್ ಕಂಪನಿಯು ಅ್ಯಪಲ್ ವಾಚ್ ಸೀರಿಸ್-3 ಸೇವೆಗಳನ್ನು ನೀಡುತ್ತಿದೆ ಎಂದು ಆರೋಪಿಸಿರುವ ರಿಲಯನ್ಸ್ ಜಿಯೋ, ಕೂಡಲೇ ಸೇವೆಯನ್ನು ಸ್ಥಗಿತಗೊಳಿಸುವಂತೆ ಆಗ್ರಹಿಸಿದೆ.
ಭಾರ್ತಿ ಏರ್ಟೆಲ್ ಹಾಗೂ ರಿಲಯನ್ಸ್ ಜಿಯೋ- ಎರಡೂ ಕಂಪನಿಗಳು ಕಳೆದ ಮೇ.11 ರಿಂದ ಅ್ಯಪಲ್ ವಾಚ್ ಸೀರಿಸ್-3 ಸೇವೆಗಳನ್ನು ನೀಡಲು ಆರಂಭಿಸಿವೆ.
ಈ ತಂತ್ರಜ್ಞಾನದಲ್ಲಿ, ಐಫೋನ್ ಬಳಕೆದಾರರ ಅ್ಯಪಲ್ ವಾಚ್ ಹಾಗೂ ಹ್ಯಾಂಡ್ಸೆಟ್ ಒಂದೇ ಸಂಖ್ಯೆಯನ್ನು ಹೊಂದಿದ್ದು, ಬಳಕೆದಾರರು ಇ-ಸಿಮ್ [eSIM] ಮೂಲಕ ಸ್ವತಂತ್ರವಾಗಿ ಏಕಕಾಲದಲ್ಲಿ ಆ ಎರಡೂ ಸಾಧನಗಳನ್ನು ಕರೆ ಮಾಡಲು/ಸ್ವೀಕರಿಸಲು ಉಪಯೋಗಿಸಬಹುದಾಗಿದೆ.