ಸಂಸಾರಿಯಾಗಿದ್ದರೂ ಇಬ್ಬರು ಸಹೋದ್ಯೋಗಿಗಳೊಂದಿಗಿತ್ತು ಈ ಪೇದೆಗೆ ಸಂಬಂಧ. ಇದನ್ನರಿತ ಹಿರಿಯ ಅಧಿಕಾರಿಗಳು ಮೂವರನ್ನೂ ಬೇರೆ ಬೇರೆ ಸ್ಥಳಗಳಿಗೆ ವರ್ಗಾಯಿಸಿದ್ದರು. ಆದರೂ, ಇಬ್ಬರು ಮಹಿಳೆಯರೊಂದಿಗೂ ಸಂಪರ್ಕ ಮುಂದುವರಿಸಿದ್ದ ಪೇದೆಗೆ ಮದುವೆಯಾಗುವಂತೆ ಒತ್ತಡವೂ ಇತ್ತು. ಈ ಎಲ್ಲವಕ್ಕೂ ಬೇಸತ್ತು ಪೇದೆ ವಿಷ ಸೇವಿಸಿ ಕೊನೆಯುಸಿರೆಳೆದಿದ್ದಾರೆ.
ಕೊಲ್ಹಾಪುರ (ಅ.1): ಸಹೋದ್ಯೋಗಿಗಳ ಕಿರುಕುಳದಿಂದ ಮಹಿಳಾ ಉದ್ಯೋಗಿಗಳು ಆತ್ಮಹತ್ಯೆ ಮಾಡಿಕೊಂಡಿರುವ ಸುದ್ದಿ ಕೇಳಿದ್ದೇವೆ. ಆದರೆ, ಇಲ್ಲೊಂದು ಅಪರೂಪದ ಪ್ರಕರಣದಲ್ಲಿ ಮದುವೆಯಾಗಲು ಮಹಿಳಾ ಸಹೋದ್ಯೋಗಿಗಳು ಪೀಡಿಸುತ್ತಿದ್ದ ಹಿನ್ನೆಲೆಯಲ್ಲಿ ಪೇದೆಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ!
ಇಬ್ಬರೂ ಮಹಿಳಾ ಪೇದೆಗಳೊಂದಿಗೆ ಪೇದೆಗೆ ದೈಹಿಕ ಸಂಬಂಧವೂ ಇತ್ತು. ಮದುವೆಯಾಗುವಂತೆ ಒತ್ತಾಯಿಸುತ್ತಿದ್ದರು. ಈ ಹಿಂಸೆ ತಾಳಲಾರದೇ 42 ವರ್ಷದ ಪೇದೆ ವಿಷ ಸೇವಿಸಿ, ಸಾವಿಗೆ ಶರಣಾಗಿದ್ದಾರೆ.
ಮೃತ ಪೇದೆ ಪತ್ನಿ ರಾಜರಾಮ್ಪುರಿ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದು, 'ಪತಿಯೊಂದಿಗೆ ಇಬ್ಬರು ಮಾಹಿಳಾ ಪೇದೆಗಳು ಗಾಂಧಿನಗರ ಠಾಣೆಯಲ್ಲಿ 2012ರಿಂದ 2014ರವರೆಗೆ ಒಟ್ಟಿಗೇ ಕಾರ್ಯ ನಿರ್ಹಹಿಸುತ್ತಿದ್ದರು. ಯಾವಾಗ ಹಿರಿಯ ಅಧಿಕಾರಿಗಳಿಗೆ ಈ ಇಬ್ಬರು ಮಹಿಳಾ ಪೇದೆಗಳೊಂದಿಗೆ ಪತಿಗೆ ಸಂಬಂಧವಿರುವುದು ಗೊತ್ತಾಯಿತೋ, ಆಗಲೇ ಮೂವರನ್ನೂ ಬೇರೆ ಬೇರೆ ಸ್ಥಳಗಳಿಗೆ ವರ್ಗಾಯಿಸಿದ್ದರು. ವರ್ಗವಾದರೂ ಪತಿಯೊಂದಿಗೆ ಈ ಮಹಿಳೆಯರು ಸಂಪರ್ಕ ಇರಿಸಿಕೊಂಡಿದ್ದರು. ಸಂಬಂಧ ಮುಂದುವರಿಸುವಂತೆ, ಮದುವೆಯಾಗುವಂತೆ ಇಬ್ಬರೂ ದುಂಬಾಲು ಬಿದ್ದಿದ್ದರು. ಅಲ್ಲದೇ ವಿಚ್ಚೇದನ ನೀಡುವಂತೆ ಪೇದೆ ಪತ್ನಿಗೂ ಬೆದರಿಕೆ ಒಡ್ಡಿದ್ದರು. ಈ ಎಲ್ಲ ಬೆಳವಣಿಗೆಯಿಂದ ಬೇಸತ್ತ ಪೇದೆ ವಿಷ ಸೇವಿಸಿ, ಸಾವಿಗೆ ಶರಣಾಗಿದ್ದಾರೆ,' ಎಂದು ಹೇಳಿದ್ದಾರೆ.
ಆತ್ಮಹತ್ಯೆಗೆ ಪ್ರಚೋದನೆ ನೀಡಿರುವ ಪ್ರಕರಣದಲ್ಲಿ ಇಬ್ಬರು ಮಹಿಳಾ ಪೇದೆಗಳ ವಿರುದ್ಧ ಪ್ರರಣ ದಾಖಲಿಸಾಲಾಗಿದೆ.
