ಅಮಿತಾಭ್‌ಗೂ ಮೀ ಟೂ ಕಳಂಕ ಮೆತ್ತಿದ ಸಪ್ನಾ
#MeToo ಅಭಿಯಾನ ತೀವ್ರ ಸ್ವರೂಪ ಪಡೆದುಕೊಳ್ಳುತ್ತಿದೆ. ಒಬ್ಬರಾದ ನಂತರ ಮತ್ತೊಬ್ಬರ ಸ್ಟಾರ್ ನಟರು ಸೇರಿದಂತೆ ಗಣ್ಯರು ಹೆಸರು ಇದರೊಂದಿಗೆ ಥಳಕು ಹಾಕಿ ಕೊಳ್ಳುತ್ತಿದೆ. ಇದೀಗ ಬಾಲಿವುಡ್ ಬಿಗ್ ಬಿ ಅಮಿತಾಭ್ ಹೆಸರೂ ಸೇರಿಕೊಂಡಿದ್ದು, ಯಾರು, ಏನು ಆರೋಪ ಮಾಡಿದ್ದಾರೆ?
ಮುಂಬೈ: ಮೀ ಟೂ ಆಂದೋಲನ ಚಿತ್ರರಂಗದ ಗಣ್ಯಾತಿಗಣ್ಯರ ಬಣ್ಣ ಬಯಲು ಮಾಡಿರುವ ಬೆನ್ನಲ್ಲೇ, ಸ್ಫೋಟಕ ಆರೋಪವೊಂದು ಕೇಳಿಬಂದಿದೆ. ಬಾಲಿವುಡ್‌ನ ಮೇರುತಾರೆ ಅಮಿತಾಭ್ ಬಚ್ಚನ್ ಕೂಡಾ ಇಂಥದ್ದೇ ಕೆಲಸಗಳಲ್ಲಿ ಭಾಗಿಯಾಗಿದ್ದಾರೆ ಎಂದು ಖ್ಯಾತ ಕೇಶ ವಿನ್ಯಾಸಕಿ ಸಪ್ನಾ ಭವಾನಿ ಗಂಭೀರ ಆರೋಪ ಮಾಡಿದ್ದಾರೆ. ಇದು ಬಾಲಿವುಡ್‌ನಲ್ಲಿ ಹೊಸ ಸಂಚಲನಕ್ಕೆ ಕಾರಣವಾಗಿದೆ.
This has to be the biggest lie ever. Sir the film Pink has released and gone and your image of being an activist will soon too. Your truth will come out very soon. Hope you are biting your hands cuz nails will not be enough. @SrBachchan #Metoo #MeTooIndia #comeoutwomen https://t.co/gMQXoRtPW3
— Sapna Moti Bhavnani (@sapnabhavnani) October 11, 2018
ಮೀ ಟೂ ಆಂದೋಲನ ಬೆಂಬಲಿಸಿ ಬಚ್ಚನ್ ಮಾಡಿದ್ದ ಟ್ವೀಟ್‌ ಒಂದನ್ನು ಮಹಿಳೆಯೊಬ್ಬರು ಟ್ವೀಟ್‌ ಮಾಡಿದ್ದರು. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಸಪ್ನಾ ‘ಇದೊಂದು ದೊಡ್ಡ ಸುಳ್ಳು. ಪಿಂಕ್‌ ಚಿತ್ರ ಬಿಡುಗಡೆಯಾಯ್ತು, ಹೋಯಿತು. ಇನ್ನು ಹೋರಾಟಗಾರನಾಗಿ ಗುರುತಿಸಿಕೊಂಡಿರುವ ನಿಮ್ಮ ಬಣ್ಣ ಶೀಘ್ರ ಹೊರಬರಲಿದೆ. ನಿಮ್ಮ ಸತ್ಯ ಶೀಘ್ರ ಹೊರಬೀಳಲಿದೆ. ಬಹುಷ ಇದನ್ನು ಕೇಳಿ ನೀವು ಬೆರಳು ಕಚ್ಚಿಕೊಳ್ಳುತ್ತಿರಬಹುದು, ಏಕೆಂದರೆ ಕಚ್ಚಲು ಬರೀ ಉಗುರು ಸಾಕಾಗದು.’ ಎಂದು ಹೇಳಿದ್ದಾರೆ.
ಜೊತೆಗೆ ಬಚ್ಚನ್‌ನ ಲೈಂಗಿಕ ಕಿರುಕುಳ ಪ್ರಕರಣದ ಬಗ್ಗೆ ಸ್ವತಃ ನಾನೇ ಹಲವು ಕಥೆಗಳನ್ನು ಕೇಳಿದ್ದೇನೆ. ಬಹುಷಃ ಹೀಗೆ ನೊಂದವರ ಪೈಕಿ ಯಾರಾದರೂ ಬಹಿರಂಗವಾಗಿ ಪ್ರತಿಕ್ರಿಯೆ ನೀಡಿದರೆ ಎಲ್ಲವೂ ಬಯಲಾಗಲಿದೆ ಎಂದು ಸಪ್ನಾ ಹೇಳಿದ್ದಾರೆ.
