ನಂ.1 ಹುಲಿ ರಾಜ್ಯ ಮಧ್ಯಪ್ರದೇಶದಲ್ಲಿ ಒಂದೇ ವಾರದಲ್ಲಿ 3 ಹುಲಿ ಸಾವು!
ನಂ.1 ಹುಲಿ ರಾಜ್ಯ ಮಧ್ಯಪ್ರದೇಶದಲ್ಲಿ ವಾರದಲ್ಲಿ 3 ಹುಲಿ ಸಾವು| ಗಣತಿ ವರದಿ ಬಿಡುಗಡೆಗೊಂಡ ನಾಲ್ಕೇ ದಿನದಲ್ಲಿ ಹುಲಿಗಳ ಕಾದಾಟ, ಬಲಿ!
ಉಮರಿಯಾ[ಆ.01]: ಸೋಮವಾರವಷ್ಟೇ ಹುಲಿ ಗಣತಿ ಬಿಡುಗಡೆ ಮಾಡಿದ್ದ ಪ್ರಧಾನಿ ಮೋದಿ ದೇಶದಲ್ಲೇ ಅತಿ ಹೆಚ್ಚಿನ ಹುಲಿಗಳನ್ನು ಹೊಂದಿರುವ ರಾಜ್ಯವೆಂದು ಮಧ್ಯಪ್ರದೇಶವನ್ನು (526) ಘೋಷಿಸಿದ್ದರು.
ಎರಡನೇ ಸ್ಥಾನಕ್ಕೆ (524) ಕರ್ನಾಟಕ ತೃಪ್ತಿಪಟ್ಟುಕೊಂಡಿತ್ತು. ಆದರೆ ಗಣತಿ ವರದಿ ಬಿಡುಗಡೆಗೊಂಡ ನಾಲ್ಕೇ ದಿನದಲ್ಲಿ ಮಧ್ಯಪ್ರದೇಶದ ವಿವಿಧ ಹುಲಿ ಅಭಯಾರಣ್ಯಗಳಲ್ಲಿ ಪರಸ್ಪರ ಕಾದಾಡಿಕೊಂಡು ಒಂದು ಗಂಡು, ಒಂದು ಹೆಣ್ಣು ಹಾಗೂ ಒಂದು ಹುಲಿ ಮರಿ ಸೇರಿದಂತೆ ಒಟ್ಟು ಮೂರು ಹುಲಿಗಳು ಸಾವನ್ನಪ್ಪಿವೆ.
ಅರಣ್ಯ ಪ್ರದೇಶದಲ್ಲಿನ ತಮ್ಮ ವ್ಯಾಪ್ತಿ ಹಂಚಿಕೆ ಕುರಿತು ಹುಲಿಗಳು ಪರಸ್ಪರ ಕಾದಾಡುವುದು ಸಾಮಾನ್ಯ. ಹೀಗೆ ಕಾದಾಟದಲ್ಲಿ ಈ ಹುಲಿಗಳು ಸಾವನ್ನಪ್ಪಿವೆ ಎಂದು ಫಾರೆಸ್ಟ್ ರೇಂಜರ್ ಪಿ.ಕೆ.ತ್ರಿಪಾಠಿ ಮಾಹಿತಿ ನೀಡಿದ್ದಾರೆ.