Asianet Suvarna News Asianet Suvarna News

ಇಸ್ರೋದಿಂದ ಸೋಲಾರ್-ಎಲೆಕ್ಟ್ರಿಕ್ ಹೈಬ್ರಿಡ್ ಕಾರು

ಇಸ್ರೋದ ಈ ಕಾರಿಗೆ ಲಿಥಿಯಮ್ ಅಯಾನ್ ಬ್ಯಾಟರಿಯ ಅಳವಡಿಸಲಾಗಿದೆ. ಸೂಪರ್-ಕೆಪಾಸಿಟರ್'ಗಳ ಮೂಲಕ ಸೂರ್ಯನ ಕಿರಣಗಳಿಂದ ಈ ಲಿಥಿಯಮ್ ಅಯೋನ್ ಬ್ಯಾಟರಿಗಳನ್ನು ರೀಚಾರ್ಜ್ ಮಾಡಬಹುದಾಗಿದೆ. ಈ ಕಾರಿನಲ್ಲಿ ಇನ್ನೂ ಹಲವು ವಿಶಿಷ್ಟ ತಂತ್ರಜ್ಞಾನಗಳನ್ನು ಅಳವಡಿಸಲಾಗಿದೆ. ಇಸ್ರೋ ಹೇಳಿಕೊಂಡಿರುವ ಪ್ರಕಾರ, ಈ ಕಾರು ಒಂದಿಷ್ಟೂ ಮಾಲಿನ್ಯ ಹೊರಹಾಕುವುದಿಲ್ಲವಂತೆ.

isro flags off solar electric hybrid car
  • Facebook
  • Twitter
  • Whatsapp

ನವದೆಹಲಿ(ಮೇ 04): ಬಾಹ್ಯಾಕಾಶ ಯೋಜನೆಗಳಲ್ಲಿ ಅದ್ವಿತೀಯ ಸಾಧನೆ ಮಾಡುತ್ತಿರುವ ಭಾರತೀಯ ವಿಜ್ಞಾನ ಸಂಸ್ಥೆ ಇಸ್ರೋ ಈಗ ಎಲ್ಲರಿಗೂ ಮಾದರಿ ಆಗುವಂತೆ ಸೋಲಾರ್ ಹೈಬ್ರಿಡ್ ಎಲೆಕ್ಟ್ರಿಕ್ ಕಾರೊಂದನ್ನು ತಯಾರಿಸಿದೆ. ಸೌರಶಕ್ತಿ ಮತ್ತು ವಿದ್ಯುತ್ ಎರಡರ ಸಂಯೋಗವಾಗಿರುವ ಈ ಕಾರನ್ನು ಇಸ್ರೋದ ತಂತ್ರಜ್ಞರೇ ಅಭಿವೃದ್ಧಿಪಡಿಸಿದ್ದಾರೆ. ಇತ್ತೀಚೆಗಷ್ಟೇ ತಿರುವನಂತಪುರಂನಲ್ಲಿರುವ ವಿಕ್ರಮ್ ಸಾರಾಭಾಯ್ ಸ್ಪೇಸ್ ಸೆಂಟರ್'ನಲ್ಲಿ ಈ ಕಾರಿನ ಯಶಸ್ವಿ ಪರೀಕ್ಷೆ ನಡೆಸಲಾಗಿದೆ.

ಪೆಟ್ರೋಲ್, ಡೀಸೆಲ್'ಗಳಿಂದ ಪರಿಸರಕ್ಕೆ ಹಾನಿಯಾಗುತ್ತಿರುವ ಹಿನ್ನೆಲೆಯಲ್ಲಿ ಪರ್ಯಾಯ ಇಂಧನ ಶಕ್ತಿಗೆ ಮಾನವನ ಅನ್ವೇಷಣೆ ನಡೆಯುತ್ತಿದೆ. ಈ ಹಿನ್ನೆಲೆಯಲ್ಲಿ ಇಸ್ರೋ ಸೋಲಾರ್-ಎಲೆಕ್ಟ್ರಿಕ್ ಹೈಬ್ರಿಡ್ ಕಾರನ್ನು ಅಭಿವೃದ್ಧಿಪಡಿಸಿದೆ. ಭಾರತದಲ್ಲಿ ಎಲೆಕ್ಟ್ರಿಕ್-ಪೆಟ್ರೋಲ್ ಹೈಬ್ರಿಡ್ ಕಾರುಗಳಿವೆಯಾದರೂ ಸೋಲಾರ್-ಎಲೆಕ್ಟ್ರಿಕ್ ವಾಹನಗಳು ಮಾರುಕಟ್ಟೆಯಲ್ಲಿಲ್ಲ.

ಈ ಕಾರಿನ ವೈಶಿಷ್ಟ್ಯವೇನು?
ಇಸ್ರೋದ ಈ ಕಾರಿಗೆ ಲಿಥಿಯಮ್ ಅಯಾನ್ ಬ್ಯಾಟರಿಯ ಅಳವಡಿಸಲಾಗಿದೆ. ಸೂಪರ್-ಕೆಪಾಸಿಟರ್'ಗಳ ಮೂಲಕ ಸೂರ್ಯನ ಕಿರಣಗಳಿಂದ ಈ ಲಿಥಿಯಮ್ ಅಯೋನ್ ಬ್ಯಾಟರಿಗಳನ್ನು ರೀಚಾರ್ಜ್ ಮಾಡಬಹುದಾಗಿದೆ. ಈ ಕಾರಿನಲ್ಲಿ ಇನ್ನೂ ಹಲವು ವಿಶಿಷ್ಟ ತಂತ್ರಜ್ಞಾನಗಳನ್ನು ಅಳವಡಿಸಲಾಗಿದೆ. ಇಸ್ರೋ ಹೇಳಿಕೊಂಡಿರುವ ಪ್ರಕಾರ, ಈ ಕಾರು ಒಂದಿಷ್ಟೂ ಮಾಲಿನ್ಯ ಹೊರಹಾಕುವುದಿಲ್ಲವಂತೆ.

2030ರಷ್ಟರಲ್ಲಿ ದೇಶದಲ್ಲಿ ಪೆಟ್ರೋಲ್, ಡೀಸೆಲ್ ವಾಹನಗಳನ್ನು ನಿಷೇಧಿಸುವ ಕೇಂದ್ರದ ಯೋಜನೆಗೆ ಪೂರಕವಾಗಿ ಇಸ್ರೋದ ಸೋಲಾರ್-ಎಲೆಕ್ಟ್ರಿಕ್ ಕಾರಿನ ಪ್ರಯೋಗ ನಡೆದಿರುವುದು ಕುತೂಹಲ ಮೂಡಿಸಿದೆ.

Follow Us:
Download App:
  • android
  • ios