ಅಂಬಾಲಾ[ಸೆ.11]: ಫ್ರಾನ್ಸ್‌ನಿಂದ ಖರೀದಿಸಲಾಗುತ್ತಿರುವ ರಫೇಲ್‌ ಯುದ್ಧ ವಿಮಾನವನ್ನು ಅಂಬಾಲಾದಲ್ಲಿರುವ ವಾಯು ನೆಲೆಯಲ್ಲಿ ಇರಿಸಲಾಗುತ್ತದೆ. ಈ ಹಿನ್ನೆಲೆಯಲ್ಲಿ ಅಂಬಾಲಾ ವಾಯು ನೆಲೆಯಲ್ಲಿ ‘ಗೋಲ್ಡನ್‌ ಆ್ಯರೋಸ್‌’ 17 ಸ್ಕಾ$್ವರ್ಡನ್‌ ಅನ್ನು ವಾಯು ಪಡೆದ ಮುಖ್ಯಸ್ಥ ಬಿ.ಎಸ್‌. ಧನೋವಾ ಮಂಗಳವಾರ ಮರುಸ್ಥಾಪಿಸಿದ್ದಾರೆ.

1999ರ ಕಾರ್ಗಿಲ್‌ ಯುದ್ಧದ ಸಂದರ್ಭದಲ್ಲಿ ಧನೋವಾ 17 ಸ್ಕಾ$್ವರ್ಡನ್‌ ಕಮಾಂಡರ್‌ ಆಗಿದ್ದರು. ಈ ವೇಳೆ ವಾಯು ಪಡೆ ಸಿಬ್ಬಂದಿ ಉದ್ದೇಶಿಸಿ ಮಾತನಾಡಿದ ಧನೋವಾ, ಸ್ಥಾಪನೆ ಆದಾಗಿನಿಂದಲೂ ಅಂಬಾಲಾ ಸ್ಕ್ವಾಡ್ರನ್‌ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ. ಜಾಗ್ವಾರ್‌ ಮತ್ತು ಮಿಗ್‌-21 ವಿಮಾನವನ್ನು ಸ್ವೀಕರಿಸಿದ ಬಳಿಕ ಅಂಬಾಲಾ ವಾಯು ನೆಲೆ ರಫೇಲ್‌ ಯುದ್ಧ ವಿಮಾನವನ್ನು ಬರಮಾಡಿಕೊಳ್ಳಲು ಸಜ್ಜಾಗುತ್ತಿದೆ ಎಂದು ಹೇಳಿದ್ದಾರೆ.

ರಫೇಲ್‌ ವಿಮಾನ ಹಾರಿಸಿದ ಮೊದಲ ಘಟಕ ಎಂಬ ಹೆಗ್ಗಳಿಕೆಗೆ 17 ಸ್ಕಾ$್ವರ್ಡನ್‌ ಪಾತ್ರವಾಗಲಿದೆ.