ಕೋಲ್ಕತ್ತಾ ಮೂಲದ ಮುಜು ಎಂಬ ಕಾಂಟ್ರಾಕ್ಟರ್ ಬಳಿ ದಂಪತಿ ಕೆಲಸ ಮಾಡ್ತಾ ಇದ್ದರು. ಈ ವೇಳೆ ಕಾಂಟ್ರಾಕ್ಟರ್ ಮುಜು, ಕೆಲಸಗಾರನ ಹೆಂಡತಿಯ ಮೇಲೆ ಕಣ್ಣು ಹಾಕಿದ್ದ. ಅಲ್ಲದೆ ಲೈಂಗಿಕ ಸಂಬಂಧಕ್ಕೂ ಪುಸಲಾಯಿಸಿದ್ದಾನೆ.
ಬೆಂಗಳೂರು (ಜ.18): ಲೈಂಗಿಕ ಸಂಬಂಧಕ್ಕೆ ಸಹಕರಿಸಲಿಲ್ಲ ಎಂಬ ಕಾರಣಕ್ಕೆ ಮಹಿಳೆಯ ಗಂಡನನ್ನೇ ಅಪಹರಿಸಿರುವ ಘಟನೆ ಬೆಂಗಳೂರಿನ ಬಾಣಸವಾಡಿಯಲ್ಲಿ ಬೆಳಕಿಗೆ ಬಂದಿದೆ.
ಪತಿಯ ಅಪಹರಣದಿಂದ ನೊಂದ ಪತ್ನಿ ಮಗುವಿನೊಂದಿಗೆ ಆತ್ಮಹತ್ಯೆಗೆ ಯತ್ನಿಸಿದ್ದಾಳೆ. ಕೋಲ್ಕತ್ತಾ ಮೂಲದ ಮುಜು ಎಂಬ ಕಾಂಟ್ರಾಕ್ಟರ್ ಬಳಿ ದಂಪತಿ ಕೆಲಸ ಮಾಡ್ತಾ ಇದ್ದರು. ಈ ವೇಳೆ ಕಾಂಟ್ರಾಕ್ಟರ್ ಮುಜು, ಕೆಲಸಗಾರನ ಹೆಂಡತಿಯ ಮೇಲೆ ಕಣ್ಣು ಹಾಕಿದ್ದ. ಅಲ್ಲದೆ ಲೈಂಗಿಕ ಸಂಬಂಧಕ್ಕೂ ಪುಸಲಾಯಿಸಿದ್ದಾನೆ.
ಆದರೆ ಮಾಲಾ ಇದಕ್ಕೆ ವಿರೋಧ ವ್ಯಕ್ತಪಡಿಸಿದ್ದಳು. ಇದಕ್ಕೆ ಪ್ರತಿಕಾರ ತೀರಿಸಿಕೊಳ್ಳಲು ಮಜು, ಗೌತಮ್, ಸಂಜಯ್ ಸೇರಿದಂತೆ 6 ಜನರ ತಂಡ ಆಕೆಯ ಪತಿಯನ್ನೇ ಜನವರಿ 11ರಂದು ಅಪಹರಿಸಿದ್ದಾರೆ. ಪತಿ ನಾಪತ್ತೆ ಬಗ್ಗೆ ಪತ್ನಿ ಮಾಲಾ ಬಾಣಸವಾಡಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದಳು.
ಪ್ರಕರಣ ದಾಖಲಿಸಿಕೊಂಡ ಪೊಲೀಸರು, ಆರೋಪಿಗಳನ್ನು ಬಂಧಿಸಿ ಬಿಡುಗಡೆ ಮಾಡಿದ್ದರು. ಆದರೆ ಅಪಹರಣಗೊಂಡಿರುವ ಪತಿ ಮಾತ್ರ ಪತ್ತೆಯಾಗಿಲ್ಲ. ಇದರಿಂದ ನೊಂದ ಪತ್ನಿ ತನ್ನ ಮಗುವಿನ ಜೊತೆ ಆತ್ಮಹತ್ಯೆಗೆ ಯತ್ನಿಸಿದ್ದಾಳೆ.
