ತೈಲ ಟ್ಯಾಂಕರ್ ಸ್ಫೋಟ : 60 ಮಂದಿ ಸಾವು
ತೈಲ ಟ್ಯಾಂಕರ್ ವಾಹನವೊಂದಕ್ಕೆ ಡಿಕ್ಕಿ ಹೊಡೆದು ಸ್ಫೋಟಗೊಂಡ ಪರಿಣಾಮ 60 ಮಂದಿ ಸ್ಥಳದಲ್ಲೇ ಮೃತಪಟ್ಟಿರುವ ಘಟನೆ ಕಾಂಗೋದಲ್ಲಿ ನಡೆದಿದೆ.
ಕಿನ್ಶಾಸಾ: ತೈಲ ಟ್ಯಾಂಕರ್ ವಾಹನವೊಂದಕ್ಕೆ ಡಿಕ್ಕಿ ಹೊಡೆದು ಸ್ಫೋಟಗೊಂಡ ಪರಿಣಾಮ 60 ಮಂದಿ ಸ್ಥಳದಲ್ಲೇ ಮೃತಪಟ್ಟಿರುವ ಘಟನೆ ಕಾಂಗೋದಲ್ಲಿ ನಡೆದಿದೆ. ಈ ಬೆಂಕಿಯ ಕೆನ್ನಾಲಿಗೆಯಲ್ಲಿ 100 ಕ್ಕೂ ಹೆಚ್ಚು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಕಾಂಗೋ ರಾಜಧಾನಿ ಕಿನ್ಶಾಸಾ ನಗರಕ್ಕೆ ಸಂಪರ್ಕ ಕಲ್ಪಿಸುವ ಹೆದ್ದಾರಿಯಲ್ಲಿ ಈ ದುರ್ಘಟನೆ ಸಂಭವಿಸಿದೆ ಎಂದು ಕಾಂಗೋದ ಕೇಂದ್ರೀಯ ಪ್ರಾಂತ್ಯದ ಹಂಗಾಮಿ ಗವರ್ನರ್ ಅಟೋ ಮತಬ್ವಾನಾ ತಿಳಿಸಿದ್ದಾರೆ.
ವಾಹನ ಮತ್ತು ತೈಲ ತುಂಬಿದ ಟ್ಯಾಂಕರ್ ನಡುವಿನ ಡಿಕ್ಕಿಯಿಂದಾಗಿ ಉದ್ಭವಿಸಿದ ಬೆಂಕಿ ಸುತ್ತಮುತ್ತಲಿದ್ದ ಮನೆಗಳಿಗೆ ವ್ಯಾಪಿಸಿ, ಈ ದುರಂತ ಸಂಭವಿಸಿದೆ ಎನ್ನಲಾಗಿದೆ.