ವಧೂ - ವರರಿಗೆ ಪೆಟ್ರೋಲ್ ಉಡುಗೊರೆ
ಪೆಟ್ರೋಲ್ ಬೆಲೆ ದಿನದಿನಕ್ಕೂ ಏರಿಕೆಯಾಗಿ ಗ್ರಾಹಕರ ಜೇಬು ಖಾಲಿಯಾಗುತ್ತಿದೆ. ಇದೇ ವೇಳೆ ತಮಿಳುನಾಡಿನಲ್ಲಿ ನವ ವಧುವರರಿಗೆ ಅವರ ಸ್ನೇಹಿತರು ಪೆಟ್ರೋಲ್ ಅನ್ನೇ ಉಡುಗೊರೆಯಾಗಿ ನೀಡಿದ್ದಾರೆ.
ಬೆಂಗಳೂರು : ಪೆಟ್ರೋಲ್ ದರ 90 ರುಪಾಯಿಯ ಗಡಿ ಸಮೀಪಿಸುತ್ತಿದ್ದಂತೆಯೇ ಅದಕ್ಕೆ ‘ಬಂಗಾರದ ಬೆಲೆ’ ಬಂದಿದೆ. ಅದಕ್ಕೇ ಏನೋ ಎಂಬಂತೆ ಈಗ ಮದುವೆಗಳಲ್ಲಿ ಪೆಟ್ರೋಲ್ ಕಾಣಿಕೆ ಕೊಡುವ ಖಯಾಲಿ ಆರಂಭವಾಗಿದೆ.
ತಮಿಳುನಾಡಿನ ಕಡಲೂರಿನಲ್ಲಿ ಇಳಂಚೆಳಿಯನ್ ಹಾಗೂ ಕನಿಮೋಳಿ ಅವರ ಮದುವೆ ಭಾನುವಾರ ನೆರವೇರಿತು.
ಈ ವೇಳೆ ವಧೂ-ವರರ ಸ್ನೇಹಿತರು ಕ್ಯಾನ್ನಲ್ಲಿ 5 ಲೀಟರ್ ಪೆಟ್ರೋಲ್ ತುಂಬಿಸಿ ಅದನ್ನು ಕಾಣಿಕೆಯಾಗಿ ನೀಡಿದರು.