ಅಮೆರಿಕಾ ಮೂಲದ ಸಂಶೋಧಕರ ತಂಡವೊಂದು ಹಸುವಿನಲ್ಲಿರೋ ರೋಗ ನಿರೋಧಕ ಶಕ್ತಿ ವ್ಯವಸ್ಥೆ ಕುರಿತು ಉಪಯುಕ್ತ ಮಾಹಿತಿಯೊಂದನ್ನು ಹೊರ ಹಾಕಿದೆ. ಹಸುವಿನಲ್ಲಿರೋ ರೋಗ ನಿರೋಧಕ ವ್ಯವಸ್ಥೆ ಕೇವಲ ಒಂದೇ ವಾರದಲ್ಲಿ ಹೆಚ್'ಐವಿ ವೈರಸ್'ಗಳನ್ನು ತಡೆಗಟ್ಟಬಲ್ಲ ಪ್ರತಿ ಜೀವಕಗಳನ್ನು ಬಿಡುಗಡೆ ಮಾಡಬಲ್ಲವು ಅಂತಾ ಹೇಳಿದೆ.
ವಾಷಿಂಗ್'ಟನ್ (ಜು.23): ಅಮೆರಿಕಾ ಮೂಲದ ಸಂಶೋಧಕರ ತಂಡವೊಂದು ಹಸುವಿನಲ್ಲಿರೋ ರೋಗ ನಿರೋಧಕ ಶಕ್ತಿ ವ್ಯವಸ್ಥೆ ಕುರಿತು ಉಪಯುಕ್ತ ಮಾಹಿತಿಯೊಂದನ್ನು ಹೊರ ಹಾಕಿದೆ. ಹಸುವಿನಲ್ಲಿರೋ ರೋಗ ನಿರೋಧಕ ವ್ಯವಸ್ಥೆ ಕೇವಲ ಒಂದೇ ವಾರದಲ್ಲಿ ಹೆಚ್'ಐವಿ ವೈರಸ್'ಗಳನ್ನು ತಡೆಗಟ್ಟಬಲ್ಲ ಪ್ರತಿ ಜೀವಕಗಳನ್ನು ಬಿಡುಗಡೆ ಮಾಡಬಲ್ಲವು ಅಂತಾ ಹೇಳಿದೆ.
ಈ ಪ್ರತಿ ರೋಧಕಗಳನ್ನ ಬಿಡುಗಡೆ ಮಾಡೋಕೆ ಮಾನವನ ಜೀವಕ್ಕೆ ಸಾಕಷ್ಟು ವರ್ಷಗಳೇ ಬೇಕಾಗುತ್ತೆ . ಗೋವುಗಳಲ್ಲಿನ ಸಂಕೀರ್ಣ ಬ್ಯಾಕ್ಟೀರಿಯಾ ಪೂರಿತ ಜೀರ್ಣ ವ್ಯವಸ್ಥೆ ಈ ಪ್ರತಿರೋಧಕಗಳ ಬಿಡುಗಡೆಗೆ ಪೂರಕ ಎನ್ನಲಾಗಿದೆ.ಈ ಮೂಲಕ ಭವಿಷ್ಯದಲ್ಲಿ ಏಡ್ಸ್ ಲಸಿಕೆ ಅಭಿವೃದ್ಧಿ ಪಡಿಸುವ ಸಾಧ್ಯತೆಗಳ ಬಗ್ಗೆ ಚಿಂತೆ ನಡೆದಿದೆ ಅಂತಾ ನೇಚರ್ ಜರ್ನಲ್ ಪ್ರಕಟಿಸಿದೆ. ಹೆಚ್ಐವಿ ತಡೆಗಟ್ಟುವ ನಿಟ್ಟಿನಲ್ಲಿ ಆರೋಗ್ಯಯುತ ವ್ಯಕ್ತಿಗೆ ತಟಸ್ಥ ಜೀವ ಪ್ರತಿರೋಧಕಗಳನ್ನು ನೀಡುವ ಪ್ರಯತ್ನಗಳು ಮನುಷ್ಯರು ಹಾಗೂ ಪ್ರಾಣಿಗಳಲ್ಲೂ ವಿಫಲಗೊಂಡಿವೆ ಅಂತಾ ಅಂತರಾಷ್ಟ್ರೀಯ ಏಡ್ಸ್ ಲಸಿಕೆ ಕಾರ್ಯಕ್ರಮದ ಜೀವ ಪ್ರತಿರೊಧಕ ಪತ್ತೆ ಹಾಗೂ ಅಭಿವೃದ್ಧಿ ವಿಭಾಗದ ನಿರ್ದೇಶಕ ಡೇವಿನ್ ಸೊಕ್ ಹೇಳಿದ್ದಾರೆ.
